Ọgụngụn 20:1 - Ika

¹ Imẹ ifọn ibuzọ, ndị Izrẹlụ ile nọ ru atụ Zini, ya wẹ nọ dịnọ ẹgbẹrẹ Kadẹshi. Ebahụn kẹ Miriam nwụntọ, wẹ nọ li ẹ tọ ebẹhụ.

Ọgụngụn 20:1 ပူးပေါင်းရင်းမြစ်များ

Jẹnẹsisi 14:7

Kẹdọlama wẹ e mẹrigụ alị ndịnị, wẹ nọ kin azụụn, pụha alị Ẹn'mishipatị hụn wụ Kadẹshi, mẹri alị ndị Amalẹki ile lẹ ndị Amọ bi Hazazọnụ-Tama.

Ẹbụ-ọma 29:8

Olu Osolobuẹ e mẹhunmẹ alị ọkpọ-nkụn; Osolobuẹ e mẹhunmẹ alị ọkpọ-nkụn Kadẹshi.

Ọpụpụ 15:20

Ya kẹ Miriam, okpoho onyẹ-amụma, nwẹnẹ Ẹrọnụ, nọ weri ẹgede-chakachaka, ikpoho ile nọ werisọnmẹ ẹgede sọn ẹ; wẹ hụ a kụ, e tẹn egu.

Ọpụpụ 2:4

Nwẹnẹ nwa-ndu ahụn hụn okpoho nọ nọdị ebe teye ẹkẹrẹ, e lee ihiẹn jẹnkọ d'e mẹn'ẹ.

Ọpụpụ 2:7

Ya kẹ nwẹnẹ nwata hụ hụn okpoho nọ pụha, sị a, “Nị m jẹn d'a kpọha okpoho Hibru n'ọ pan'ị ya?”

Izikẹlụ 47:19

“Ebe o k'a gha ẹbamịn-ndịdan k'a wụ gha Tama d'e rukwọrị mirin-Mẹriba hụn rị Kadẹshi, ghasọnmẹ Iyi Udu-mirin Ijiptu d'e ru Ohimin-uku wụ Mẹditerenia. Ọhụn wụ okẹn ẹ ẹbamịn-ndịdan.

Maịka 6:4

Mmẹ gha alị Ijiptu wepụha ụnụ, mmẹ gbapụha ụnụ imẹ ụlọ igbọn hụ: mmẹ zi Mozizi lẹ Ẹrọnụ lẹ Miriam d'e du ụnụ.

Ọgụngụn 12:1

Ebẹhụ kẹ Miriam lẹ Ẹrọnụ nọ kujama oku Mozizi makẹ nwunyẹ ẹ onyẹ alị Ẹtiopịa. Makẹni Mozizi lụrụ onyẹ Ẹtiopịa.

Ọgụngụn 12:10

Ogẹn orukpu ahụn gi gha elu Ọdụ ahụn pụ, e lee Miriam lẹ oti ebahụn o wuzo — ẹhụ a hụ e nwun kẹ ẹkwa ọchan! Ẹrọnụ e lee Miriam, hụn a nị oti a fụkpogụọ a;

Ọgụngụn 12:15

Ya wẹ nọ gha ebahụn wẹ ziẹntọ wepụ Miriam ọrọgbọ akp'ọhịn ẹsa; ndị Izrẹlụ nkẹ ebulini d'e runi e webanhangụ w'a.

Ọgụngụn 13:21

Ya wẹ nọ shi alị ugu hụ, lelesọnmẹ kẹ ọ nọ, gha alị ọkpọ-nkụn Zini d'e rukwọrị Rehobu hụn rị ibẹka Lebo-Hamatị.

Ọgụngụn 13:26

d'e kunrun Mozizi, Ẹrọnụ lẹ igunrun Izrẹlụ ile imẹ alị Kadẹshi hụn rị alị ọkpọ-nkụn Paranị. Wẹ nọ gwa Mozizi lẹ Ẹrọnụ lẹ igunrun ahụn ile ihiẹn wẹ hụn, ghọsịzị wẹ mkpụrụ alị ahụn mị.

Ọgụngụn 20:16

kanị mgbe ẹnyi gi kwanghọsị Osolobuẹ, ọ nọ nụ ẹkwan ẹnyi, zihẹni ẹnyi mmọn-ozi, onyẹ-ozi ẹ, d'e wepụha ẹnyi imẹ Ijiptu. Ẹnyi rị nwan alị Kadẹshi ebeni mkpẹnrẹn alị ụnụ.

Ọgụngụn 20:22

Ndị Izrẹlụ nọ gha Kadẹshi pụ, shi Ugu Họ.

Ọgụngụn 20:28

Mozizi nọ gbụpụ Ẹrọnụ ẹwuru ndị hụ o yi, yimẹ Ẹliẹza nwa Ẹrọnụ ya; ya Ẹrọnụ nọ nwụntọ elu ugu ebahụn. Mozizi lẹ Ẹliẹza nọ gha elu ugu hụ hidan.

Ọgụngụn 26:59

ẹfan nwunyẹ Amram wụ Jokẹbẹdi nwa onyẹ ebọn Livaị hụn wẹ mụ kẹ wẹ rị alị Ijiptu. Ịya mụnị Amram Ẹrọnụ lẹ Mozizi lẹ nwẹnẹ wẹ okpoho wụ Miriam.

Ọgụngụn 27:14

Makẹni, ogẹnnẹi ndị Izrẹlụ gi nupụ isi ebahụn m nọ ye ụnụ mirin imẹ alị ọkpọ-nkụn Zini, ụnụ ẹbụọ pa oku m ebe ụnụ nọlẹni gụn agụngụn ghọsị nị m rị nsọ, gi ẹ ye m ọghọ ẹnya wẹ.” (Mirin Mẹriba ahụn rị Kadẹshi hụn rị alị ọkpọ-nkụn Zini rọ.)

Ọgụngụn 33:36

gha Eziọnụ-Gẹba buli, ziẹntọ Kadẹshi, Atụ alị ọkpọ-nkụn Zini;

Ditrọnọmi 1:46

Ịya haịn ụnụ gi tọ alị Kadẹshi, nọ ọnịnọ hụ ile ụnụ nọ ebẹhụ.

Ditrọnọmi 2:14

Ọrọgbọ ahụa ẹbụọ arịa ọgụnnaị kẹ ẹnyi nọpụ gha Kadẹshi-Bania d'e ru ebe ẹnyi nọ fetu Ọdanmgbugbu Zẹrẹdi. Ogẹn hụ, ndị ahụn ile rugụ ijẹn agha a nwụnchanrịngụọ nọkẹ kẹ Osolobuẹ dọn kun enwẹn ẹ gwa wẹ.

Ditrọnọmi 32:51

Ẹrịra k'ọ rị makẹni ụnụ ẹbụọ latọ ihiẹn m ku d'e mẹ nke ụnụ idẹnya ndị Izrẹlụ ebahụn mirin nọ pụha imẹ Mẹriba-Kadẹshi hụn rị atụ Zini, ụnụ aghọsịzịkwọnị ndị Izrẹlụ nị m rị nsọ.

Ndị Han Eṅẹn 11:16

Mba. Ogẹn wẹ gi gha Ijiptu pụha, Izrẹlụ nọ ghashi atụ pụha Ohimin-ufie, pụhazị Kadẹshi.