Ọgụngụn 19:9 - Ika

⁹ “Okẹnnyẹ rụlẹni k'e kpọnkikomẹ ntụn onyẹnnyẹ-efin ahụn, kpọn ẹ ye ebe rụlẹni, ịhịan bilẹni. Ndị Izrẹlụ k'e dọnmẹ ẹ, e weri a kwademẹ mirin wẹ gi e dọn ịhịan nsọ. Ẹjan-njọ wẹ gi e wepụ ụrụ rọ.

Ọgụngụn 19:9 ပူးပေါင်းရင်းမြစ်များ

Lẹvitikọsụ 15:20

Ihiẹn ọwụlẹ o gi dinẹ k'a rụ, ihiẹn ọwụlẹ o gi nọdị alị k'a rụ.

Zẹkaraya 13:1

O ru ogẹn hụ, isi-mirin hụn a chanchanpụ njọ lẹ ụrụ k'e kpupụnị ebọn Defidi lẹ ndị bi Jerusalẹm.

Ọgụngụn 19:13

Onyẹ ozun ịhịan mẹtụ bụ o feni ẹhụ rị e mẹrụ Ọdụ Osolobuẹ. Wẹ k'e bepụ a imẹ ndị Izrẹlụ. Ebe o mẹ ni efekpuni w'ẹ mirin hụ wẹ gi e wepụ ụrụ, ọ rụghọ; onyẹ rụnị k'ọ wụkwọ.

Ọgụngụn 19:17

“Ịhịan gi ozun rụ, bụọrị nị ntụn onyẹnnyẹ-efin hụ, ẹjan-njọ ahụn wẹ dụn ọkụn, bụọye imẹ ihiẹn, hu mirin rị mma ye ẹ.

Ọgụngụn 19:18

Onyẹ rụlẹni a kpagiri ẹrurushin hisopu suye imẹ mirin ahụn, fe ẹ kpu ọdụ ahụn ịhịan nọ nwụn lẹ ihiẹn rị imẹ ẹ lẹ ndị rị imẹ ẹ ogẹn ozun gi rị a. Ẹrịra kẹ w'a dọn fekpuzi onyẹ hụn ọkpụkpụ onyẹ-nwụnhụnnị mẹtụ lẹ onyẹ ili mọbụ ozun onyẹ wẹ gbu mọbụ onyẹ nwụn ọnwụn ehi mẹtụ.

Ọgụngụn 19:3

We ẹ ye Ẹliẹza onyẹ nchụn-ẹjan; wẹ k'e wepụ a ebe ịhịan bi d'a nọ idẹnya Ẹliẹza gbu ẹ.

Ọgụngụn 19:8

Onyẹ hụn dụn efin hụ ọkụn k'a sụzịkwọ ẹkwa a, gi mirin wụ ẹhụ; o k'a rụkwọ d'e ru ama ẹnyasị.

Ọgụngụn 6:12

O k'e we enwẹn ẹ kwadọnzini Osolobuẹ ọkwụkwanị pụ-ichẹn; o wẹhẹgụ ebulu rị nwa ahụa ohu d'a chụn ẹjan onyẹ ikpe ma, ọ ghazị isi gụnma, nọzu ọrọgbọ hụn o kwe nkwa mbụ. Ya wụnị agụnyekọzị wẹ ọrọgbọ ile ọ nọpụ — makẹni o mẹrụọlẹ enwẹn ẹ hụn o te gi kwanị Osolobuẹ.

Ọgụngụn 8:7

Lee ihiẹn i jẹnkọ d'e mẹ gi dọn wẹ nsọ: fekpu wẹ mirin idọn-nsọ; mẹ wẹ kọchanrịn ẹṅẹnrẹn rị wẹ ẹhụ, sụ ẹkwa wẹ, gi wẹ ile dọn enwẹn wẹ nsọ;

Ọgụngụn 9:13

Kanị omẹni ịhịan enwọn ihiẹn o gi rụ, omẹni onwọnni ebe ịhịan jẹn, bụ o mẹni Mmẹmmẹ-nghafe, wẹ k'e bepụ onyẹ hụ imẹ ndị nke ẹ, makẹni o yeni oyiye Osolobuẹ ogẹn oyiye hụ. Onyẹ hụ k'e gi isi ẹ buru njọ a.

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Ndị Kọrẹntị Nke Ẹbụọ 7:1

Ndị nke m, hụnnị Osolobuẹ kwe ẹnyi nkwa ndịnị, nị ẹnyi chanpụ enwẹn ẹnyi ihiẹn ile e mẹrụ ẹhụ lẹ mmọn, gi egun Osolobuẹ a rịchanrịn nsọ.

Hibru 7:26

Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.

Hibru 9:13

Makẹni, omẹni ifekpuhụ ẹdeke ewu lẹ okẹn-efin lẹ ntụn nwa-efin wẹ dụn ọkụn kẹ onyẹ gi njọ rụ gi a wụbehi onyẹ rụnị,