Ọgụngụn 19:21 - Ika

²¹ Iwuni k'a rịferi. “Onyẹ hụn fekpu wẹ mirin hụ wẹ gi rịzị ọchan k'a sụrịrị ẹkwa ya nwẹn; onyẹ ọwụlẹ mirin wẹ gi a rịzị ọchan mẹtụ k'a rụ d'e ru ẹnyasị.

Ọgụngụn 19:21 ပူးပေါင်းရင်းမြစ်များ

Ọpụpụ 27:21

Imẹ Ọdụ-ozuzu, ihun Ẹkwa ahụn wẹ gi a tankin ebe Ẹkpẹti Ashịa-ẹri rị, Ẹrọnụ lẹ ụmụ a ikẹnnyẹ k'a hụn a nị ukpẹ ahụn e nwun ebẹhụ ihun Osolobuẹ gha ẹnyasị d'e ru ụtụntụn. Ndị Izrẹlụ k'e dọnmẹ iwuni agbọ wẹ ile.

Lẹvitikọsụ 11:25

onyẹ bu ozun hụn ọwụlẹ imẹ wẹ k'a sụrịrị ẹkwa a; o k'a rụzịkwọ d'e ru ogẹn ẹnyasị.

Lẹvitikọsụ 11:40

“Onyẹ ọwụlẹ ri anụ hụ nwụnhụnnị k'a sụrịrị ẹkwa a; o k'a rụ d'e ru ogẹn ẹnyasị.

Ọgụngụn 18:23

Ụnụ ndị Livaị nwọn a rụn ọrụn rị imẹ Ọdụ-nsọ, ụnụ kẹ wẹ k'a jụ ihiẹn ọwụlẹ mẹ Ọdụ-ozuzu. Iwuni k'a rịferi agbọ ile lalanị. Enwọnkọ wẹ alị imẹ Izrẹlụ.

Ọgụngụn 19:10

“Onyẹ hụn kpọn ntụn efin ahụn k'a sụrịrị ẹkwa a; ọ k'a rụ d'e ru ama ẹnyasị. Iwuni k'a rịnị kẹ ndị Izrẹlụ kẹ abịamabịa bi imẹ igunrun wẹ jẹnrin ejẹn.

Ọgụngụn 19:7

O mẹgụ, onyẹ nchụn ẹjan ahụn jẹnkọ d'a sụrịrị ẹkwa a, gi mirin wụ ẹhụ. O nwọn nwan ikẹn banhan ebe ịhịan bi, kanị o k'a rụkwọ d'e ru ama ẹnyasị.

Ọgụngụn 19:8

Onyẹ hụn dụn efin hụ ọkụn k'a sụzịkwọ ẹkwa a, gi mirin wụ ẹhụ; o k'a rụkwọ d'e ru ama ẹnyasị.

Hibru 10:4

makẹni ẹdeke okẹn-efin lẹ ewu as'ẹka wepụ njọ.

Hibru 7:19

(makẹni Iwu mbụ enwọn ihiẹn o dọnzi ru alị); Osolobuẹ e webanhangụọ nwan olilẹnya ka mma ẹnyi e gi s'ẹka nọkunmẹ Osolobuẹ.

Hibru 9:10

Makẹni oyiye lẹ ẹjan ndịnị wụhụ oku ihiẹn-oriri lẹ ihiẹn-ọrịra lẹ nchanchan rị ichẹn-ichẹn wẹ gi e dọn nsọ, omẹnalị ẹnya e legha wẹ buche wẹ olu d'e ru ogẹn ihiẹn rịchanrịn mma e gi pụha.