Ọgụngụn 19:20 - Ika

²⁰ Kanị, ịhịan rụ bụ o dọnni enwẹn ẹ nsọ, wẹ k'e bepụ a imẹ igunrun ndị nke ẹ, makẹni o mẹrụgụọ Ọdụ-nsọ Osolobuẹ. Ebe o mẹni wẹ eke fekpu ẹ mirin ịhịan gi a rịzị ọchan, ọ rụkwọ arụ.

Ọgụngụn 19:20 ပူးပေါင်းရင်းမြစ်များ

Jẹnẹsisi 17:14

Okẹnnyẹ ọwụlẹ wẹ kwalẹni ugun, wẹ bepụlẹni ọnụnụ ẹhụ-okẹnnyẹ ẹ, wẹ bepụ hụnyẹ imẹ ndị nke ẹ; o tikpọlẹ iwu-nkwerigbama m.”

Ọpụpụ 30:33

Onyẹ mẹmẹ ihiẹn nọ kẹ ya mọbụ te onyẹ rị ogbe ya, wẹ k'e bepụ a imẹ ndị nke ẹ, ndị Izrẹlụ.’ ”

Lẹvitikọsụ 15:31

“Ẹrịra kẹ ụnụ e gi wepụha ndị Izrẹlụ ebe wẹ nọ rụ, amamgbe w'a nwụntọ imẹ ẹ, yeni e gigụọ w'a mẹrụ Ọdụ-nsọ m rị imẹ igunrun wẹ.”

Lẹvitikọsụ 17:16

Kanị omẹni ọ sụnị ẹkwa, ọ wụnị ẹhụ, onyẹ hụ k'e gi isi ẹ buru ẹ.”

Lẹvitikọsụ 22:4

“Onwọnni nwa Ẹrọnụ ọwụlẹ bu eje-emu akpụkpọ-ẹhụ mọbụ hụn ihiẹn rị e hupụha ẹhụ hụn k'e ri oyiye nsọ ndị ahụn ndị Izrẹlụ e wẹhẹ d'e ru mgbe ọ rịzị ụchan. O k'a rụzịkwọ omẹni ẹhụ a hụarị ihiẹn ọwụlẹ ozun mẹrụ mọbụ onyẹ rị a nyụn ohe,

Ọgụngụn 15:30

“Kanị onyẹ ọwụlẹ kachanpụ ẹnya dan iwu ndịnị, ọsụọn'a nwa di-alị Izrẹlụ, ọsụọn'a abịamabịa, onyẹ ahụn a kparigụọ Osolobuẹ. Wẹ k'e bepụrịrị onyẹ ahụn imẹ ndị nke ẹ.

Ọgụngụn 19:13

Onyẹ ozun ịhịan mẹtụ bụ o feni ẹhụ rị e mẹrụ Ọdụ Osolobuẹ. Wẹ k'e bepụ a imẹ ndị Izrẹlụ. Ebe o mẹ ni efekpuni w'ẹ mirin hụ wẹ gi e wepụ ụrụ, ọ rụghọ; onyẹ rụnị k'ọ wụkwọ.

Ọgụngụn 9:13

Kanị omẹni ịhịan enwọn ihiẹn o gi rụ, omẹni onwọnni ebe ịhịan jẹn, bụ o mẹni Mmẹmmẹ-nghafe, wẹ k'e bepụ onyẹ hụ imẹ ndị nke ẹ, makẹni o yeni oyiye Osolobuẹ ogẹn oyiye hụ. Onyẹ hụ k'e gi isi ẹ buru njọ a.

Makị 16:16

Onyẹ hụn kwerini, e mẹ wẹ ẹ mirin-Chuku, jẹnkọ d'e nwọn nzụọpụha; kalẹ, onyẹ kwerilẹni, ikpe jẹnkọ d'a ma a.

Pita Nke Ẹbụọ 3:14

Ezi umunẹ m, ebe o mẹni ụnụ rị a tụ ẹnya ihiẹn ndịnị, lịlịma nị nwan nị ụnụ wụrụ ndị nwọnlẹni nkọrịanị mọbụ ebe wẹ nọ rụ ẹnya a, ndị ẹgbata ya lẹ wẹ rị mma.

Rẹvẹleshọnụ 22:11

Onyẹ e mẹ njọ ya mẹsọnmẹ; onyẹ e bi eje-obibi ya bisọnmẹ; onyẹ ezi-omumẹ ya mẹsọnmẹ; onyẹ rị nsọ ya rịsọnmẹ.”