Ọgụngụn 19:18 - Ika

¹⁸ Onyẹ rụlẹni a kpagiri ẹrurushin hisopu suye imẹ mirin ahụn, fe ẹ kpu ọdụ ahụn ịhịan nọ nwụn lẹ ihiẹn rị imẹ ẹ lẹ ndị rị imẹ ẹ ogẹn ozun gi rị a. Ẹrịra kẹ w'a dọn fekpuzi onyẹ hụn ọkpụkpụ onyẹ-nwụnhụnnị mẹtụ lẹ onyẹ ili mọbụ ozun onyẹ wẹ gbu mọbụ onyẹ nwụn ọnwụn ehi mẹtụ.

Ọgụngụn 19:18 ပူးပေါင်းရင်းမြစ်များ

Ẹbụ-ọma 51:7

Gi ẹrurushin-hisopu i fe m ẹhụ kẹni m rịzị ọchan; sụ m ọhụnma-ọhụnma lekẹ ẹkwa, kẹni m nwunnahịn ẹkwa-ọchan.

Ẹbụ-ọma 51:9

Elezilẹ njọ m mẹ, ka finchanpụ ihiẹn ile m mẹ ikpe gi ma m.

Azaya 52:15

ẹrịra kẹ ọghọ a k'a tụzị alị ichẹn-ichẹn ẹnya — ndị-nze k'a nụdẹ oku ẹ kpumẹ ọnụ. Makẹni, wẹ k'e gi ẹnya wẹ hụn ihiẹn wẹ gwatulẹni wẹ oku ẹ; wẹ k'a ghọta ihiẹn wẹ nụtulẹni ukwere ẹ.

Ọgụngụn 19:17

“Ịhịan gi ozun rụ, bụọrị nị ntụn onyẹnnyẹ-efin hụ, ẹjan-njọ ahụn wẹ dụn ọkụn, bụọye imẹ ihiẹn, hu mirin rị mma ye ẹ.

Ọgụngụn 19:19

Onyẹ rụlẹni sikọ d'e fe mirin hụ wẹ gi a rịzị ọchan kpu hụn rụnị ẹhụ nke akpọhịn ẹtọ lẹ nke akpọhịn ẹsa, mẹ ẹ rịzị ọchan nke akpọhịn ẹsa hụ, hụnyẹ a sụ ẹkwa, gi mirin wụ ẹhụ; o ru ẹnyasị ụhụọhịn hụ, ọ rịzị ọchan.

Ọgụngụn 19:9

“Okẹnnyẹ rụlẹni k'e kpọnkikomẹ ntụn onyẹnnyẹ-efin ahụn, kpọn ẹ ye ebe rụlẹni, ịhịan bilẹni. Ndị Izrẹlụ k'e dọnmẹ ẹ, e weri a kwademẹ mirin wẹ gi e dọn ịhịan nsọ. Ẹjan-njọ wẹ gi e wepụ ụrụ rọ.

Jọnụ 17:17

Gi ezioku dọn wẹ nsọ: oku i wụ ezioku.

Jọnụ 17:19

“M rị nwan e gi ufiri wẹ e wepụha enwẹn m, kẹni m mẹ wẹ wụrụ ndị wẹ wepụha dọn nsọ nke-esi.

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Hibru 9:19

Makẹni, ogẹn Mozizi gi gwachanrịngụ ndị hụ ihiẹn ile Iwu hụ sị wẹ e mẹ, ọ nọ weri ẹdeke nwa-efin lẹ ewu wẹ gbu lẹ mirin, gi ẹṅẹnrẹn anụ e nwun ufie-ufie lẹ ukun ẹfịfịa w'a kpọ ẹrurushin-hisopu deri ẹdeke lẹ mirin hụ, fekpusọnmẹ kẹ Ẹkụkwọ-Iwu hụ lẹ enwẹn ẹ kẹ ndị Izrẹlụ ile —