Ọgụngụn 18:5 - Ika

⁵ “Ụnụ nwọn e lepụ Ọdụ-nsọ lẹ ukpo nchụn-ẹjan ẹnya, makẹ m ghazị e gi ọnụma e sọn ndị Izrẹlụ.

Ọgụngụn 18:5 ပူးပေါင်းရင်းမြစ်များ

Ihiẹn Mẹni Nke Ibuzọ 23:24

Wẹ ile wụ ebozo Livaị, ikp'ụlọ-ikp'ụlọ, kẹ wẹ dọnsọnmẹ detu ẹfan onyẹ-onyẹ ogẹn wẹ gi gụn wẹ; wẹ wụ ndị rugụ ahụa ọgụn shi elu hụn a rụn ọrụn imẹ Ụlọ-nsọ Osolobuẹ:

Ihiẹn Mẹni Nke Ibuzọ 23:32

Ndị Livaị nwọn e lepụ Ọdụ-ozuzu lẹ Ebẹhụ rị nsọ ẹnya; uwẹ jẹnkọ nwan d'a rị e jẹnni umunẹ wẹ wụ ụmụ Ẹrọnụ ozi nị w'a rụn ọrụn wẹ imẹ Ụlọ-nsọ Osolobuẹ.

Ihiẹn Mẹni Nke Ibuzọ 24:5

Wẹ nyan utẹn Osolobuẹ gi kebe wẹ, onwọnni onyẹ wẹ mẹgbu; kẹ ebozo Ẹliẹza kẹ ẹbozo Itama nwọnsọnmẹ ndị-isi ọrụn ofufe lẹ ndị ọzọ gilẹni ọkwa hụn Chuku mẹ wụrụ ndị-isi.

Ihiẹn Mẹni Nke Ibuzọ 9:19

Imẹ ndị-nche, Shalum nwa Kore nwa Ẹbiasafụ nwa Kora lẹ ndị ikpụlọ Kora ibe ẹ wụ ndị e che nche ọnụmụzọ Ọdụ-nsọ kẹ ndị nẹdi wẹ dọn che ọnụmụzọ Ụlọ Osolobuẹ.

Ihiẹn Mẹni Nke Ibuzọ 9:23

Wẹ lẹ ụmụ wẹ kẹ oku iche-nche ọnụmụzọ ụlọ Osolobuẹ rị ẹka — ụlọ a hụn wụ Ọdụ.

Ihiẹn Mẹni Nke Ibuzọ 9:33

Nke ndị ọkụ-ẹbụ, ndị kịsọnmẹ ikpụlọ imẹ ebọn wẹ wụ Livaị nwọnsọnmẹ mmughẹ w'a nọdị imẹ Ụlọ-nsọ; onwọnzini ọrụn ọzọ wẹ keye wẹ, makẹni w'a rụn nke wẹ kẹ ebe eki rị elu kẹ imẹ uhinhin.

Ọpụpụ 27:21

Imẹ Ọdụ-ozuzu, ihun Ẹkwa ahụn wẹ gi a tankin ebe Ẹkpẹti Ashịa-ẹri rị, Ẹrọnụ lẹ ụmụ a ikẹnnyẹ k'a hụn a nị ukpẹ ahụn e nwun ebẹhụ ihun Osolobuẹ gha ẹnyasị d'e ru ụtụntụn. Ndị Izrẹlụ k'e dọnmẹ iwuni agbọ wẹ ile.

Jerimaya 23:15

Lee ni nwan ihiẹn Osolobuẹ ihiẹn ile rị okpuru ẹ ku banyeni ndị-amụma Jerusalẹm: “M k'e mẹ elu lu wẹ ilu kẹ ihiẹn-oriri e lu ilu, ye wẹ nsọngbu ra kẹ mirin wẹ buche nshi, makẹni ndị amụmanị e mẹgụọ eje-obibi ghagbarị alịnị ile.”

Izikẹlụ 44:15

“ ‘Kanị ndị nchụn-ẹjan, ndị Livaị ebọn Zadọkụ, kwọnkẹnmẹ ofufe ụlọ-nsọ m ogẹn ndị Izrẹlụ gi la m tọ, kpahu. Uwẹ k'a nọkunmẹ m, rụnnị m ọrụn ịchụn-ẹjan. Uwẹ k'e wuzo ihun m, e wẹhẹni m ụtọrọ lẹ ẹdeke anụ wẹ gi chụn ẹjan. Ya kẹ Osolobuẹ Nwọn Ihiẹn Ile ku.

Izikẹlụ 44:16

Uwẹ k'a banhan imẹ Ụlọ-nsọ m; uwẹ k'a nọkunmẹ teburu m, a chụnyeni m ẹjan; uwẹ k'e lepụ ihiẹn m ẹnya.

Lẹvitikọsụ 10:6

Mozizi nọ sị Ẹrọnụ lẹ ụmụ Ẹrọnụ wụ Ẹliẹza lẹ Itama, “Ahapụkwọlẹ ni isi ụnụ ya-ya-ya nị ụnụ rị a kwan ndị hụ Osolobuẹ gi ọkụn dụngbu mọbụ dọka ẹkwa ụnụ, amamgbe ụnụ a nwụnhụn, ize ndị Izrẹlụ ile a ban Osolobuẹ. Kanị, umunẹ ụnụ, ikpụnọ Izrẹlụ ile, nwọn ikẹn kwan ndị hụ Osolobuẹ gi ọkụn dụngbu.

Lẹvitikọsụ 24:3

ihun Ẹkwa hụ wẹ gi tankin Ẹkpẹti Ashịa-ẹri hụn rị imẹ Ọdụ-ozuzu. Ẹrọnụ sikọ d'e mẹmẹ wẹ nị wẹ hụn ụzọ e nwun gha ẹnyasị d'e ru ụtụntụn. Wẹ k'e mẹferi ihiẹnni agbọ ile lalanị.

Zẹkaraya 10:3

Olulu ndị-ndu ụnụ rị e bu m ọda-ọda, m k'e mẹshi ndị rị a kịgbu ụnụ ikẹn; makẹni Osolobuẹ ihiẹn ile rị okpuru ẹ e lepụ atụnrụn a wụ alị Juda ẹnya; m k'e gi wẹ họnrin ẹshin-agha m, ẹshin-agha nwọn ndụn wẹ e lee ile ọgbọ-agha.

Ọgụngụn 1:50

Ka tumẹ ndị Livaị nị w'e lepụ Ọdụ Ashịa-ẹri ẹnya — ya lẹ ihiẹn ẹ ile lẹ ihiẹn ọwụlẹ ya lẹ ịya wị. Uwẹ nwọn e bu Ọdụ hụ lẹ ihiẹn ẹ ile; wẹ sikọ d'e lepụ a ẹnya, bihunmẹ ẹ.

Ọgụngụn 1:53

Kanị ndị Livaị k'e zumẹsọnmẹ ọdụ nke wẹ ghahunmẹ Ọdụ Ashịa-ẹri amamgbe ọnụma Osolobuẹ e kunrun ndị Izrẹlụ. Ndị Livaị nwọn e lepụ Ọdụ Ashịa-ẹri ẹnya.”

Ọgụngụn 16:46

Mozizi nọ sị Ẹrọnụ, “Weri sẹnsa ị, n'i kpọn nsẹnsi ye imẹ ẹ; nọ ukpo nchụn-ẹjan bụọrị ikeke ọkụn buche imẹ ẹ, y'e buru ẹ gbaban imẹ igunrunni ozigbo d'a gbarị isi wẹ. Osolobuẹ e giọlẹ ọnụma mẹmẹ wẹ ihiẹn; ọnwụn e gbumẹgụọ wẹ.”

Ọgụngụn 18:4

Wẹ k'e sọn i rụn ọrụn ilepụ Ọdụ-nsọ ẹnya, ọrụn ile hụn rị imẹ Ọdụ ahụn; onwọnni onyẹ ọzọ k'a nọkunmẹ ebe ụnụ rị.

Ọgụngụn 4:18

“Anịkwọlẹ nị m gbupụ ndị ebọn Kohatị imẹ ebọn Livaị —

Ọgụngụn 8:19

“Imẹ ndị Izrẹlụ ile, e wegụọ m ndị Livaị ye Ẹrọnụ lẹ ụmụ a, nị wẹ hụn ụzọ a rụndọnni ndị Izrẹlụ ọrụn imẹ Ọdụ-nsọ, a gbarị isi ndị Izrẹlụ — makẹ eje-nsọngbu gha a bịanị wẹ wẹ nọkunmẹ Ọdụ-ozuzu.”

Ọgụngụn 8:2

“Gwa Ẹrọnụ, sị a, ‘I gha a mụye ukpẹ ẹsa ahụn, dọnyesọnmẹ wẹ hụn w'e gi nwunye ihun obu-ukpẹ ahụn buni wẹ.’ ”

Timoti Ibuzọ 1:18

Timoti nwa m, m rị e ye i iwu ndịnị makẹ amụma ndị hụ wẹ bu banyen'i ogẹn mbụ, kẹni ị saẹka gi wẹ lụ ọgụn ahụn rị mma,

Timoti Ibuzọ 3:15

kẹni, omẹni m bie d'a bịa, n'ị marịn k'o furu nị ịhịan e bi ikpụlọ Osolobuẹ, hụn wụ ụka Osolobuẹ, Chuku hụn rị ndụn. Ụka a nị wụ iyetọ lẹ adansụn ezioku.

Timoti Ibuzọ 5:21

M rị a gba ị mkpịnsịn-ẹka idẹnya Osolobuẹ lẹ Kraịstị wụ Jizọsị lẹ ndị mmọn-ozi rị nsọ: e dọnmẹ iwu ndịnị; egbeyekwọlẹni ịhịan; elekwọlẹ ịhịan ẹnya ihun!!

Timoti Ibuzọ 6:20

Euu, Timoti, kwọnkẹnmẹkwọ ihiẹn wẹ buche i ẹka; latọkwọ oku ndị ahụn nwọnlẹni erere ọ bannị ihiẹn Osolobuẹ lẹ oku zulẹni oke wẹ rị a kpọ, “Amamihiẹn” bụ ẹlẹ ya.