Ọgụngụn 18:21 - Ika

²¹ “Nke ndị Livaị, m rị e we ụzọ-ohu imẹ ụzọ-iri ile rị Izrẹlụ e ye ndị Livaị, n'ọ wụrụ nke wẹ hụn wẹ gi a kụ wẹ ụgwọ ọrụn wẹ rị a rụn imẹ Ọdụ-ozuzu.

Ọgụngụn 18:21 ပူးပေါင်းရင်းမြစ်များ

Jẹnẹsisi 14:20

Ịja-mma y'a rịnị Chuku hụn kachanrịnnị, hụn ye i mmẹri ebe ndị iṅẹnrẹn i rị.” Ebram nọ kebe ihiẹn o bukinhẹn ụzọ iri, we ụzọ ohu ye Mẹkizẹdẹkị.

Jẹnẹsisi 47:24

Kanị, ihiẹn-ugbo pụha, ụzọ ohu imẹ ụzọ isẹn k'a wụrụ nke Fẹro, ụzọ ẹnọ a wụrụ nke ụnụ, hụn ụnụ k'a kụnzị lẹ hụn ụnụ lẹ ezi-lẹ-ụlọ ụnụ lẹ ụmụ ụnụ ndị ntịtị k'e ri.”

Jẹnẹsisi 47:26

Ya Josẹfụ nọ gi ẹ hi uhi imẹ alị Ijiptu ile: nị Fẹro nwọn ụzọ ohu imẹ ụzọ isẹn imẹ ihiẹn-ugbo ile wẹ ghọ alị Ijiptu. Ẹrịra k'ọ rịkwọ nwan d'e ru tannị. Alị ndị ohẹn-mmọn sụọ kẹ Fẹro werilẹni.

Ihiẹn Mẹni Nke Ẹbụọ 31:12

Ya wẹ nọ kpọnbanhan ihiẹn ndị hụ wẹ tụ lẹ ụzọ-ohu-imẹ-ụzọ-iri ndị hụ lẹ ihiẹn ndị hụ wẹ gi kwanị Osolobuẹ, emẹtụnị w'a ẹka. Onyẹ Livaị w'a kpọ Konania kẹ wẹ tumẹ n'ọ hụn ụzọ e lepụ ihiẹn ndị hụ ẹnya, tumẹ nwẹnẹ ẹ wụ Shimei n'o hansọn ẹ.

Nehemiah 10:29

Wẹ ile nọ nwan sọn umunẹ wẹ lẹ ndị-isi wẹ kun ẹfan Osolobuẹ, sị a mẹshi wẹ ikẹn omẹni emẹni wẹ ihiẹnni wẹ kwe nkwa a, ya wẹ nọ kwe nkwa nị wẹ sikọ d'e dọnmẹ Iwu Chuku hụn o gi odibo ẹ wụ Mozizi ye; nị wẹ sikọ d'e dọnrin ẹnya dọnmẹchanrịn ụmụ-iwu lẹ usọnrọn lẹ uhi Osolobuẹ Di-nwọnni ẹnyi yi.

Nehemiah 10:37

Ẹnyi sikọ d'a gha e wẹhẹni ndị nchụn-ẹjan rị ebe w'e butọ ihiẹn-oriri imẹ ụlọ Chuku ẹnyi ya: kẹ ọka ibuzọ ẹnyi gwọ kẹ oyiye ọka ibuzọ ẹnyi kẹ mkpụrụ ibuzọ osisi ẹnyi ọwụlẹ mị kẹ manya ọhụn ibuzọ ẹnyi kẹ ofigbọn-olivu ibuzọ ẹnyi, kẹni w'e bu ẹ a tọ ebẹhụ. Ẹnyi k'a rị e wẹhẹzikwọnị ndị Livaị ụzọ-ohu-imẹ-ụzọ-iri ihiẹn-ugbo ẹnyi, makẹni ndị Livaị nwọn a na ụzọ-ohu-imẹ-ụzọ-iri imẹ ụmụ-alị ile ẹnyi n'a rụn ugbo.

Nehemiah 10:38

“Onyẹ nchụn-ẹjan, onyẹ ebọn Ẹrọnụ, sikọ d'e sọnrịrị ndị Livaị wẹ gha a nakikomẹ ụzọ-ohu-imẹ-ụzọ-iri; ndị Livaị sikọ d'e wepụha ụzọ-ohu-imẹ-ụzọ-iri ihiẹn ndị wẹ nakikomẹ, wẹhẹ ẹ Ụlọ Chuku ẹnyi d'e bu ẹ tọ ebe w'e butọ ihiẹn ebẹhụ.

Nehemiah 12:44

Ogẹn ahụn, wẹ tumẹzi ndị sikọ d'e lepụ ẹnya ebe ile w'e butọ oyiye lẹ ihiẹn-ugbo ibuzọ lẹ ụzọ-ohu-imẹ-ụzọ-iri; uwẹ nwọn a gha ugbo-ugbo lẹ obodo-obodo, a na ịhịan ile ihiẹn Iwu sị wẹ e ye ndị nchụn-ẹjan lẹ ndị Livaị, e kpọnhẹn ẹ ebe w'e butọ ihiẹn, makẹni ọ sụọ ndị Juda ụsụọ imẹni ndị nchụn-ẹjan lẹ ndị Livaị hụn a rụn ọrụn Osolobuẹ ya.

Nehemiah 12:47

Ya k'o gi mẹ ni ogẹnni, ogẹn Zerubabẹlụ lẹ ogẹn Nehimaya, ndị Izrẹlụ ile hụ a tụnị ndị ọkụ-ẹbụ lẹ ndị-nche ọnụ-mgbọn ihiẹn ụhụọhịn-ụhụọhịn; w'a tụzịkwọnị ndị Livaị ọzọ rịlẹni itu ẹbụbụọnị, ndị Livaị nkẹ a gha ihiẹn wẹ ye wẹ a tụnị ndị nchụn-ẹjan, ụmụ Ẹrọnụ, ihiẹn runi wẹ.

Nehemiah 13:12

Ya ndị Juda ile nọ wẹhẹmẹ ụzọ-ohu-imẹ-ụzọ-iri ọka lẹ manya-ọhụn lẹ ofigbọn-olivu, e bu wẹ a tọ imẹ mmughẹ ndị hụ w'e butọ ihiẹn.

Nehemiah 13:5

ya ọ nọ we mmughẹ ohu shịanị ye Tobaya, mmughẹ wẹ te buche ọka wẹ gi ye oyiye lẹ frankisẹnsị lẹ ihiẹn ụlọ-nsọ lẹ ohu-imẹ-ụzọ-iri ọka lẹ manya-ọhụn lẹ ofigbọn-olivu, hụn wẹ sị wẹ e ye ndị Livaị lẹ ndị ọkụ-ẹbụ lẹ ndị-nche ọnụ-mgbọn ụlọ-nsọ lẹ ihiẹn ndị wẹ a tụnị ndị nchụn-ẹjan.

Malakaị 2:4

Ogẹn ahụn, ụnụ a marịn nị mmẹ ku ihiẹnni makẹ nkwa m kwe ebọn Livaị. Ya kẹ Osolobuẹ ihiẹn ile rị okpuru ẹ ku.

Malakaị 3:10

Wẹhẹchanrịn nị nwan ụzọ-ohu-imẹ-ụzọ-iri ebe w'e butọ a — kẹni ihiẹn-oriri jun Ụlọ m. Gi n'ẹ leledẹle m, mmẹ wụ Osolobuẹ ku ẹ — omẹni agụnpụkọnị m ụnụ windo elu-igwee, hutuni ụnụ ngọzi ụnụ jẹnkọlẹni d'a sa ẹka bu;

Ọgụngụn 18:6

Mmẹ lẹ enwẹn m a ghagụọ imẹ ndị Izrẹlụ họye i ndị Livaị ibe i nị wẹ wụrụ ihiẹn m ye i, hụn wẹ gi kwanị Osolobuẹ kẹni w'a rụn ọrụn imẹ Ọdụ-nsọ.

Ọgụngụn 3:6

“Wẹhẹ ndị ebọn Livaị, y'e we wẹ ye Ẹrọnụ, nị wẹ hụn ụzọ e yen'ẹ ẹka.

Ọgụngụn 31:28

“Na nị ndị hụ jẹn agha ụtụ ye Osolobuẹ: imẹ ọgụn-isẹn kwasị nnụ ọwụlẹ rị ndụn wẹ bulụa, nanị wẹ ohu: kẹ ịhịan kẹ efin kẹ jaki kẹ atụnrụn.

Ndị Galeshịa 6:6

Ndị wẹ rị a kuzi oku-Chuku wẹ keye ndị rị a kuzi wẹ oku-Chuku ihiẹn ọwụlẹ rị mma wẹ nwọn.

Ditrọnọmi 18:8

ihiẹn ọwụlẹ pụhanị, ya lẹ ibe ẹ e ke ẹ ahanmahan, ọ sụọkwọn'a nị ezi-lẹ-ụlọ a hụ e wẹhẹn'ẹ egho wẹ re ihiẹn.

Hibru 7:5

Lee nwan: nke ụmụ Livaị ndị nchụn-ẹjan, Iwu Mozizi sị wẹ a narịn ụmụ Izrẹlụ ibe wẹ ụzọ-ohu-imẹ-ụzọ-iri. Ya wụ, Iwu ye wẹ ikẹn ịnarịn ndị nke wẹ ụzọ-ohu-imẹ-ụzọ-iri, ọsụọn'a nị wẹ ile wụ ụmụ Ebraham.