Ọgụngụn 18:19 - Ika

¹⁹ Ẹghẹẹ, e wegụọ m ihiẹn ọwụlẹ w'e wepụ e che ụsụọ imẹ oyiye ile rị nsọ ndị Izrẹlụ e ye Osolobuẹ ye ịyụ lẹ ụmụ ị ikẹnnyẹ lẹ ikpoho, n'ọ wụrụ ihiẹn k'a gha e ru ụnụ ẹka ogẹn ile. Nkwerigbama nnu rị imẹ ẹ hụn ghalẹni e gbehutọ lẹ hụn k'a rịnị yụ lẹ ụmụ ị jẹnrin ejẹn k'ọ wụ ebe Osolobuẹ rị.”

Ọgụngụn 18:19 ပူးပေါင်းရင်းမြစ်များ

Ndị-nze Nke Ẹbụọ 12:16

Ebucheni wẹ egho ndị wẹ gisọnmẹ chụn ẹjan onyẹ-ikpe-ma lẹ ẹjan-njọ imẹ Ụlọ-nsọ Osolobuẹ: nke ndị nchụn-ẹjan rọ.

Ihiẹn Mẹni Nke Ẹbụọ 13:5

Ụnụ amarịn nị Osolobuẹ wụ Chuku Izrẹlụ e gigụọ nkwerigbama hụn k'a rị jẹnrin ejẹn kẹ ihiẹn wẹ gi nnu kikọ we alị-eze Izrẹlụ ye Defidi lẹ mmụ a jẹnrin ejẹn?

Ihiẹn Mẹni Nke Ẹbụọ 31:4

Ọ sị ndị bi imẹ Jerusalẹm e ye ndị nchụn-ẹjan lẹ ndị Livaị ihiẹn runi wẹ, kẹni wẹ wechanrịn enwẹn wẹ kwanị ihiẹn gbashịarị Iwu Osolobuẹ.

Ọpụpụ 29:27

“Imẹ anụ ebulu hụ wẹ gi tumẹ wẹ, wepụha ẹrannị i finfinghọsị Osolobuẹ lẹ ọrụ-ụkụ a hụ wẹ weshin'ẹ elu n'ọ wụrụ ihiẹn rị nsọ imẹ ihiẹn wụ nke Ẹrọnụ lẹ ụmụ a ikẹnnyẹ.

Izikẹlụ 43:24

Ụnụ e wẹhẹ wẹ ihun Osolobuẹ, ndị nchụn-ẹjan e fufe wẹ nnu, gi wẹ chụnyeni Osolobuẹ ẹjan w'a dụn ọkụn.

Lẹvitikọsụ 2:13

“E ye ni oyiye-ọka ụnụ ile nnu. Yesọnmẹ ni oyiye-ọka ụnụ nnu — nnu hụn ghọsị nkwerigbama ụnụ lẹ Chuku ụnụ; ye ni oyiye ụnụ ile nnu.

Lẹvitikọsụ 21:22

N'o righọ ihiẹn-oriri Chuku nọkẹ ibe ẹ — kẹ ndị rịkẹnmẹkẹ nsọ kẹ ndị ọzọ rị nsọ —

Lẹvitikọsụ 7:14

O k'e wẹhẹrịrị brẹdi ichẹn-ichẹn, ohu-ohu, n'ọ wụrụ ihiẹn o gi kwadọn ọrụn Osolobuẹ. Ihiẹnni o gi kwadọn ọrụn Osolobuẹ wụ nke onyẹ nchụn-ẹjan hụn chụnn'a ẹjan hụ, hụn feye ẹdeke ẹjan-ekele hụ.

Ọgụngụn 18:11

“Ọnwan wụzịkwọ nke ụnụ: ihiẹn ọwụlẹ wẹ wepụ che ụsụọ imẹ oyiye ile ndị Izrẹlụ finfinghọsị m. M rị e we wẹ e ye ịyụ lẹ ụmụ ị ikẹnnyẹ lẹ ikpoho, n'ọ wụrụ ihiẹn e ru ụnụ ẹka ogẹn ile. Onyẹ ọwụlẹ hụn rị ikpụlọ ị hụn rụlẹni nwọn ikẹn rị ẹ.

Ọgụngụn 18:8

Osolobuẹ nọ sị Ẹrọnụ, “E bugụọ m oyiye ile w'e ye m che i ẹka; oyiye ile rị nsọ hụn ndị Izrẹlụ e ye m, e wegụọ m'a ye ịyụ lẹ ụmụ ị, n'ọ wụrụ nke ụnụ, wụrụ ihiẹn hụn e ru ụnụ ẹka ogẹn ile.

Ọgụngụn 31:29

Nọ nị azụụn nke wẹ weri ẹ, ụnụ e we ẹ ye Ẹliẹza onyẹ nchụn-ẹjan, n'ọ wụrụ ihiẹn wẹ tụnị Osolobuẹ.

Ọgụngụn 31:41

Ya Mozizi nọ mẹ kẹ Osolobuẹ dọn gwa a, we hụn wụ nke Osolobuẹ ye Ẹliẹza onyẹ nchụn-ẹjan.

Ditrọnọmi 12:26

Kanị, omẹni ihiẹn ndị ahụn wẹ e ye Osolobuẹ lẹ oyiye ọwụlẹ i k'e gi mẹzu nkwa i kwe ẹ, we wẹ jẹn ebahụn Osolobuẹ k'a họrị.

Ditrọnọmi 12:6

ebẹhụ kẹ ụnụ k'e wejẹn oyiye ụnụ — kẹ ndị w'a dụn ọkụn kẹ ẹjan ndị ọzọ, kẹ ụzọ-ohu-imẹ-ụzọ-iri ụnụ kẹ ụtụ ụnụ kẹ oyiye ụnụ gi e mẹzu nkwa kẹ oyiye ndị ghasọnmẹ ụnụ obi pụha, kẹ oyiye nwa-ibuzọ efin lẹ atụnrụn lẹ ewu ụnụ.