Ọgụngụn 18:15 - Ika

¹⁵ “Nwa ibuzọ gha ẹkpa-nwa ọwụlẹ pụha — kẹ ịhịan kẹ anụ — hụn wẹ ye Osolobuẹ wụ nke ụnụ. Kanị ụnụ k'a gbarị okẹnnyẹ ibuzọ ọwụlẹ lẹ okẹn ibuzọ anụ ọwụlẹ rụnị mụ.

Ọgụngụn 18:15 ပူးပေါင်းရင်းမြစ်များ

Ndị-nze Nke Ẹbụọ 12:5

Onyẹ nchụn-ẹjan ọwụlẹ ya narịnsọnmẹ ndị jẹnkọ d'e wẹhẹn'ẹ egho oyiye wẹ, nị wẹ gi ẹ dọnzi ebe ọwụlẹ wẹ hụn wiwini imẹ Ụlọ-nsọ.”

Nehemiah 10:37

Ẹnyi sikọ d'a gha e wẹhẹni ndị nchụn-ẹjan rị ebe w'e butọ ihiẹn-oriri imẹ ụlọ Chuku ẹnyi ya: kẹ ọka ibuzọ ẹnyi gwọ kẹ oyiye ọka ibuzọ ẹnyi kẹ mkpụrụ ibuzọ osisi ẹnyi ọwụlẹ mị kẹ manya ọhụn ibuzọ ẹnyi kẹ ofigbọn-olivu ibuzọ ẹnyi, kẹni w'e bu ẹ a tọ ebẹhụ. Ẹnyi k'a rị e wẹhẹzikwọnị ndị Livaị ụzọ-ohu-imẹ-ụzọ-iri ihiẹn-ugbo ẹnyi, makẹni ndị Livaị nwọn a na ụzọ-ohu-imẹ-ụzọ-iri imẹ ụmụ-alị ile ẹnyi n'a rụn ugbo.

Ọpụpụ 13:15

Ogẹn eze Ijiptu gi kpọkin obi, jụ n'ọ hatukọ ẹnyi, Osolobuẹ nọ gbukwama ikẹnnyẹ ibuzọ ile rị alị Ijiptu — kẹ ịhịan kẹ anụ. Ya haịn ẹnyi gi e gi okẹn-anụ ibuzọ ọwụlẹ gha ẹfọ pụha a chụnyeni Osolobuẹ ẹjan, e gi ihiẹn a gbarị okẹnnyẹ ibuzọ ọwụlẹ.’

Ọpụpụ 13:2

“We ni okẹnnyẹ ibuzọ ọwụlẹ kwanị m. Nwa ibuzọ ọwụlẹ gha ẹfọ pụha imẹ igunrun ndị Izrẹlụ wụ nke m, kẹ ịhịan kẹ anụ.”

Ọpụpụ 22:29

“Agharịkwọlẹ ịgha ọban ị lẹ manya lẹ ofigbọn-olivu ị pịnpụha e ye Osolobuẹ. I k'e yerịrị m okẹnnyẹ ibuzọ ị.

Ọpụpụ 34:20

Gi nwa-atụnrụn gbarị nwa-ibuzọ jaki mụ. Kanị, omẹni y'a gbarịkọ a, y'a kpagi ẹ olu. Gbarịchanrịn nị ikẹnnyẹ ibuzọ ile ụnụ mụ. “Onyẹ ọwụlẹ agbakwọlẹ ẹka bịa ihun m.

Ọgụngụn 18:16

Wẹ zu ifọn ohu, ụnụ e gi ọnụ-egho wẹ gi a gbarị wẹ gbarị wẹ — akpụrụ siliva isẹn. Akpụrụ siliva wẹ gi gbarị a lẹ akpụrụ siliva ụlọ Osolobuẹ hụn wụ akpụrụ nta ọgụn k'a hanrịrị.

Ọgụngụn 3:13

makẹni ikẹnnyẹ ibuzọ ile wụ nke m. Ogẹn m gi gbuchanrịn ikẹnnyẹ ibuzọ ile rị imẹ Ijiptu, m nọ bu ikẹnnyẹ ibuzọ Izrẹlụ tọnị enwẹn m, kẹ ịhịan kẹ anụ. Wẹ k'a wụ nke m. Mmẹ wụ Osolobuẹ.”

Ọgụngụn 3:46

“Igi gbarị ikẹnnyẹ mmẹtọ kwasị ọgụn-mmẹtọ (273) hụn ikẹnnyẹ-ibuzọ ndị Izrẹlụ gi karị ndị Livaị,

Ditrọnọmi 15:19

Wepụhanị Osolobuẹ wụ Chuku i okẹn ibuzọ ile anụ ị mụ — kẹ efin kẹ atụnrụn kẹ ewu; eyimẹkwọlẹ okẹn efin ibuzọ ị agbụn n'i gi ẹ rụn ọrụn; akọrịkwọlẹ ebulu ibuzọ atụnrụn ị mụ ẹṅẹnrẹn.