Ọgụngụn 18:12 - Ika

¹² “E yegụọzị m ụnụ udẹn-olivu ile kachanrịn mma lẹ manya ọhụn ile kachanrịn mma lẹ ọka ile wẹ gi e ye Osolobuẹ oyiye-ọka ibuzọ.

Ọgụngụn 18:12 ပူးပေါင်းရင်းမြစ်များ

Jẹnẹsisi 27:28

Osolobuẹ ya hukpu i igirigi elu-igwere; ya mẹ alị mẹn'i ihiẹn ọhụnma-ọhụnma; ya mẹ i nwọn ihiẹn-oriri lẹ ihiẹn w'a ra ọhụnma-ọhụnma.

Ndị-nze Nke Ẹbụọ 4:42

Okẹnnyẹ ohu gha Baalụ-Shalisha wẹhẹni odibo Osolobuẹ wụ Ẹlaịsha ogbe brẹdi ọgụn wẹ gi ọka-bali ibuzọ kagụnị mẹmẹ lẹ ukun ọka oyiyi. Ẹlaịsha nọ sị odibo ẹ, “W'ẹ ye ndị amụmanị ri.”

Ihiẹn Mẹni Nke Ẹbụọ 31:5

Hụn wẹ gihụ nụ ihiẹn eze ku, ya ndị Izrẹlụ nọ wepụha obi yemẹ ihiẹn-ugbo wẹ ibuzọ: kẹ ọka kẹ manya kẹ ofigbọn-olivu kẹ mirin-ẹnwụn kẹ ihiẹn ile gha ugbo wẹ pụha. Ihiẹn wẹ wẹhẹ e hikẹmẹkẹ; e wẹhẹzikwọ wẹ ụzọ-ohu-imẹ-ụzọ iri ihiẹn ndị wẹ nwọnhẹn.

Ẹbụ-ọma 147:14

O mẹ ihiẹn a rịnị alị ụnụ mma, e gi ọka kachanrịn mma e yejun i ẹfọ.

Ẹbụ-ọma 81:16

nkẹ Osolobuẹ e ye ụnụ ọka kachanrịn mma ri; gidẹ mirin-ẹnwụn gha imẹ ọmụma pụha yejun ụnụ ẹfọ.”

Ọpụpụ 22:29

“Agharịkwọlẹ ịgha ọban ị lẹ manya lẹ ofigbọn-olivu ị pịnpụha e ye Osolobuẹ. I k'e yerịrị m okẹnnyẹ ibuzọ ị.

Ọpụpụ 23:19

“Wẹhẹ mkpụrụ kachanrịn mma imẹ mkpụrụ ibuzọ ihiẹn ugbo i mịpụha ụlọ Osolobuẹ wụ Chuku i. “Egikwọlẹ mirin-ẹran ewu shi nwa a.

Ọpụpụ 34:26

“Wẹhẹ ihiẹn-ugbo kachanrịn mma alị ị mịpụha Ụlọ Osolobuẹ wụ Chuku i. “Egikwọlẹ mirin-ẹran nnẹ ewu shi nwa a.”

Izikẹlụ 44:30

Hụn buchanrịn ụzọ imẹ ihiẹn-ugbo ibuzọ ile lẹ oyiye ile ụnụ ye k'a wụ nke ndị nchụn-ẹjan. Ụnụ shigụ brẹdi, wepụhagụnị nị ndị nchụn-ẹjan, kẹni ngọzi rị ụlọ ụnụ.

Lẹvitikọsụ 2:12

Omẹni oyiye ihiẹn-ugbo rọ, ụnụ nwọn ikẹn wẹhẹni Osolobuẹ yisti mọbụ mirin-ẹnwụn, kanị egikọ wẹ yisti mọbụ mirin-ẹnwụn chụn ẹjan elu ukpo nchụn-ẹjan n'ọ wụrụ ẹjan wẹ gi ọkụn chụnyeni Osolobuẹ hụn ishin ẹ a sụọ a.

Lẹvitikọsụ 2:14

“I welanị oyiye-ọka d'e gi ye Osolobuẹ oyiye ihiẹn-ugbo ibuzọ, o sikọ d'a wụrịrị mban ọka-mirin wẹ hụnma ọkụn, a sụkpọ w'a.

Lẹvitikọsụ 23:17

Gha nị ebe-lẹ-ebe ụnụ bi wẹhẹ ogbe brẹdi ẹbụọ-ẹbụọ, oyiye w'e finfin, brẹdi wẹ gi ọka wẹ gweriẹn mẹmẹ, ọka jun mkpu kọstadị-nta ẹnọ lẹ mkpikpi wẹ buche yisti; wẹhẹn'ẹ d'e ye Osolobuẹ oyiye ihiẹn-ugbo ibuzọ.

Lẹvitikọsụ 23:20

“Onyẹ nchụn-ẹjan k'e finfin ebulu ẹbụọ ndị hụ ihun Osolobuẹ n'ọ wụrụ ẹjan w'e finfin, uwẹ lẹ brẹdi hụ wẹ gi ọka ibuzọ mẹmẹ. Oyiye rị nsọ ẹnya Osolobuẹ kẹ wẹ wụ; onyẹ nchụn-ẹjan nwọn wẹ.

Ditrọnọmi 18:3

Ihiẹn ndịnị k'a gha e ru ndị nchụn-ẹjan ẹka imẹ efin mọbụ atụnrụn ndị Izrẹlụ gi chụn ẹjan: ẹka a, agban a lẹ ihiẹn ile rị imẹ ẹfọ a.

Ditrọnọmi 18:4

Ụnụ k'a gha e ye wẹ ọka ibuzọ ụnụ, manya-ọhụn lẹ ofigbọn-olivu ibuzọ ụnụ lẹ ẹṅẹnrẹn ibuzọ ụnụ kọpụha ẹhụ atụnrụn ụnụ —

Ditrọnọmi 26:2

y'a gha imẹ ihiẹn-ugbo ibuzọ ile alị ahụn Osolobuẹ wụ Chuku ụnụ rị e ye ụnụ mịpụha weberi, buche imẹ ụkpalị, bujẹn ebahụn Osolobuẹ k'a họrị nị Ẹfan a rị,

Ditrọnọmi 32:14

wẹ lẹ mirin-ẹran anụ hụn kpụkpụrụnị lẹ mirin-ẹran anụ hụn kpụkpụrụlẹni — nke efin lẹ nke atụnrụn lẹ nke ewu; o gizi ụmụ atụnrụn lẹ ewu wẹ zụntọ lẹ ebulu Bashanị rị mma lẹ mkpụrụ ọka-witi rị mma. Ụnụ a razịghọ mirin vaịnị rị a gbọ ụfọfọ.