Ọgụngụn 16:5 - Ika

⁵ Ya ọ nọ sị Kora lẹ ndị ile sọnkọn'a, “O ru ụtụntụn ekile, Osolobuẹ a ghọsị onyẹ hụn wụ nke ẹ lẹ onyẹ hụn rị nsọ — mẹ onyẹ ahụn nọkunmẹ ẹ. Onyẹ hụn ọ họrị k'o k'a nị nọkunmẹ ẹ.

Ọgụngụn 16:5 ပူးပေါင်းရင်းမြစ်များ

Ẹbụ-ọma 105:26

Osolobuẹ nọ zi odibo ẹ wụ Mozizi, ya lẹ Ẹrọnụ hụn Osolobuẹ họrị.

Ẹbụ-ọma 115:10

Ebọn Ẹrọnụ, ndị nchụn-ẹjan, gi ni Osolobuẹ dọn ẹnya. Ịya e yeni ụnụ ẹka; ịya e che ụnụ nche.

Ẹbụ-ọma 65:4

Onyẹ ị họrị buche ẹhụ ị n'o biri ezi-ọgwa ị e nwọnkẹkwọ ngọzi. Ẹnyi sikọ d'e ri ihiẹn rị mma rị Ụlọ-NSỌ ị rijun ẹfọ, ihiẹn rị mma hụn rị Ebẹhụ Rị Nsọ ị rị.

Ọpụpụ 28:1

“Gha imẹ ndị Izrẹlụ weri Ẹrọnụ nwẹnẹ i tumẹ, n'ọ hụn ụzọ rụnmanị m ọrụn ịchụn-ẹjan, ya lẹ ụmụ a ikẹnnyẹ, Nadabụ lẹ Abihu, lẹ Ẹliẹza lẹ Itama.

Ọpụpụ 28:41

I jẹnkọ d'e yimẹ Ẹrọnụ nwẹnẹ i lẹ ụmụ a ikẹnnyẹ ẹkwa ndịnị, y'e hukpu wẹ udẹn wẹ gi e tumẹ ịhịan, tumẹ wẹ. Y'e wepụha wẹ nị wẹ rụnmanị m ọrụn ịchụn-ẹjan.

Ọpụpụ 28:43

Ẹrọnụ lẹ ụmụ a ikẹnnyẹ k'e yirịrị a ogẹn ile wẹ sikọ d'a banye Ọdụ-ozuzu mọbụ nọkunmẹ ukpo-nsẹnsị imẹ Ebe Rị Nsọ d'a rụn ọrụn ofufe, makẹ ikpe gha a ma wẹ, a nwụnhụn wẹ. Ẹrọnụ lẹ ụmụ a k'e dọnmẹ iwuni jẹnrin-ejẹn.

Jerimaya 30:21

Onyẹ nke wẹ jẹnkọ d'a kị wẹ; imẹ igunrun wẹ kẹ onyẹ k'a kịnị wẹ k'a gha pụha. M k'e wezụnhan a, ọ nọkunmẹ m — makẹni onwọnni onyẹ k'a sa ẹka nọkunmẹ m sokpan mmẹ wezụnhan a. Ya kẹ Osolobuẹ ku.

Jerimaya 49:19

“Lee ẹ! Kẹ ẹwọrọ dọn a gha ọfịa mkpẹnrẹn Iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị: ẹrịra kẹ m k'a maye Ẹdọm idẹnmuzi, mẹ wẹ gba alị wẹ tọ. Onyẹ m chọ kẹ m e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”

Jerimaya 50:44

“Lee ẹ! Kẹ ẹwọrọ dọn a gha ọfịa mkpẹnrẹn iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị, ẹrịra kẹ m k'a dọn maye ndị Babilọnụ idẹnmizi, mẹ wẹ gba alị wẹ tọ. Onyẹ m chọ kẹ m'e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”

Izikẹlụ 40:46

Mmughẹ hụ bu ihun zinmẹ ẹbamịn ndịdan wụ nke ndị nchụn-ẹjan hụn e lepụ ukpo nchụn-ẹjan ẹnya. Ndịnị wụ ụmụ Zadọkụ. Uwẹ sụọ wụ ndị ebọn Livaị sikọ d'a nọkunmẹ Osolobuẹ d'a rụnn'a ọrụn.”

Izikẹlụ 43:19

I k'e we okoro okẹn-efin ye ndị nchụn-ẹjan, ndị ebọn Zadọkụ hụn omẹni uwẹ sụọ wụ ndị ebọn Livaị k'a gha a nọkunmẹ m, a chụnị m ẹjan. Wẹ k'e gi okoro-efin hụ chụn ẹjan-njọ, ya kẹ Osolobuẹ Nwọn Ihiẹn Ile ku.

Izikẹlụ 45:4

Idumu ndị nchụn-ẹjan wụ azụụnnị rị nsọ hụn wẹ k'a nọ tụn Ụlọ-nsọ; idumu ndị nchụn-ẹjan hụn a rụn ọrụn imẹ Ụlọ-nsọ rọ, ndị nchụn-ẹjan hụn a nọkunmẹ Osolobuẹ a rụnn'a ọrụn. Ya wụ, o k'a wụ ebe ndị nchụn-ẹjan e bi lẹ ebe Ụlọ-nsọ sikọ d'a rị.

Lẹvitikọsụ 10:3

Mozizi nọ sị Ẹrọnụ, “Ọnwan wụ ihiẹn ahụn Osolobuẹ ku ogẹn o gi sị; ‘M k'e gi ndị a nọkunmẹni m ghọsị nị m rị nsọ; m k'a hụn a nị ịhịan ile e ye m ọghọ m.’ ” Ẹrọnụ ekuni oku.

Lẹvitikọsụ 8:2

“Wẹhẹ Ẹrọnụ lẹ ụmụ a ikẹnnyẹ, wẹ lẹ ẹwuru wẹ lẹ ihiẹn ndị hụ m gwa ị: udẹn-nsọ, okẹn-efin wẹ sikọ d'e gi chụn ẹjan-njọ, ebulu ẹbụọ lẹ ụkpalị brẹdi ndị wẹ buchelẹni yisti,

Malakaị 3:18

Ogẹn ahụn, ụnụ e hutọ, sị, ‘Ezioku-ezioku, ihiẹn rị ichẹn rị ẹgbata ndị ezi-omumẹ lẹ ndị njọ, ihiẹn rị ichẹn rị ẹgbata ndị a gbaye Osolobuẹ lẹ ndị ghalẹni a gbaye ẹ!’

Ọgụngụn 16:3

Wẹ nọ zuni Mozizi lẹ Ẹrọnụ eje-umẹ, sị wẹ, “Ụnụ rị e mẹkarị enwẹn ụnụ! Ndị Izrẹlụ ile rị nsọ, onyẹ ọwụlẹ imẹ wẹ; Osolobuẹ nọyezikwọnị wẹ anọyeni! Kị ụnụ rịzị e bushini enwẹn ụnụ elu a karị ndị nke Osolobuẹ ile?”

Ọgụngụn 16:6

Ịyụ wụ Kora lẹ ndị ile sọnkọn'ị, lee ihiẹn ụnụ jẹnkọ d'e mẹ: werisọnmẹ ni sẹnsa wẹ gi a mụ nsẹnsi;

Ọgụngụn 17:5

Ọkpọ onyẹ hụn m họrị sikọ d'a gbọrị, nị m hụn ụzọ kụsị ndẹnwịnnwịnnị ndị Izrẹlụ rị e dẹnnwịnwịnnị ị ogẹn ile.”

Ọgụngụn 17:8

Eki e fọn, Mozizi a banye imẹ Ọdụ Ashịa-ẹri, ọ nọ hụn nị ọkpọ Ẹrọnụ, hụn nọkin ẹnya ebọn Livaị a gbọrị — ẹlẹdẹ ọgbọrị sụọ k'ọ gbọrị, o mẹmẹgụọ mkpụkpụma, o mịgụọdẹ obobo, mị mkpụrụ amọndụ.

Jọnụ 15:16

“Ẹlẹ ụnụ họrị m; kaka, mmẹ họrị ụnụ, tumẹ ụnụ kẹni ụnụ d'a mị mkpụrụ — mkpụrụ hụn sikọ d'a rịsọnmẹni, kẹni Chuku-Nẹdi ye ụnụ ihiẹn ọwụlẹ ụnụ gi ẹfan m rịọ.

Ọrụn Ndị-ozi 1:2

d'e ru ụhụọhịn hụ wẹ weri ẹ shi elu-igwee, kẹ o gigụ ikẹn Mmọn-nsọ gwa ndị-ozi hụ pụ-ichẹn ọ họpụha ihiẹn wẹ jẹnkọ d'e mẹ.

Ọrụn Ndị-ozi 1:24

Ya wẹ nọ mẹ ekpere, sị, “Di-nwọnni-ẹnyi, ịyụ marịn obi ịhịan ile; dodo, ghọsị ẹnyi onyẹ ị họrị imẹ madụ ẹbụọnị,

Ọrụn Ndị-ozi 13:2

Ebe wẹ zu e fe Di-nwọnni-ẹnyi, e bu ọnụ, Mmọn-nsọ nọ sị, “Wepụha nị nị m Banabasị lẹ Sọlụ, nị wẹ hụn ụzọ d'a rụn ọrụn m kpọ wẹ d'a rụn.”

Ọrụn Ndị-ozi 15:7

E kube wẹ, Pita nọ lihi ọtọ, sị wẹ, “Umunẹ m, ụnụ a marịnghọ kẹ Osolobuẹ dọn họpụha m imẹ ụnụ mbụ-mbụ, gi m mẹ ndị alị ọzọ nụ oziọma, kweri.

Ọrụn Ndị-ozi 22:14

Ya ọ nọ sị, ‘Osolobuẹ ndị nẹdi ẹnyi a họrịgụọ ị n'ị marịn uche ẹ, n'ị hụn Onyẹ hụ Rị-ọchan, nụzịkwọ kẹ o gi olu ẹ gwa ị oku.

Ndị Ẹfẹsọsụ 2:13

Kanị, makẹni ụnụ rị imẹ Kraịstị wụ Jizọsị, e gigụọ wẹ nwan ẹdeke Kraịstị, ọnwụn Kraịstị, wezụhan ụnụ te rị ebe teni.

Timoti Nke Ẹbụọ 2:19

Kanị iyetọ Osolobuẹ turuhụkwọ ebe ọ rị; ihiẹn wẹ deye ẹ wụ: “Di-nwọnni-ẹnyi a marịnghọ ndị wụ ndị nke ẹ” lẹ “Onyẹ ọwụlẹ hụn a kpọku ẹfan Di-nwọnni-ẹnyi ya la njọ tọ.”

Hibru 12:14

A lịlịma nị nị udọn a rị ẹgbata ụnụ lẹ ịhịan ile lẹ ni ụnụ a rịzị nsọ, makẹni onyẹ rịlẹni nsọ ahụnkọ Onyẹ-nwọnni-ẹnyi.

Rẹvẹleshọnụ 1:6

ọ nọ nwan mẹ ẹnyi wụrụ alị-eze, mẹ ẹnyi wụrụ ndị nchụn-ẹjan Osolobuẹ ẹ hụn wụ Nẹdi ẹ. Ọghọ lẹ ọkịkị ya wụrụ nke ẹ jẹnrin ejẹn! Isẹẹ.

Samuẹlụ Nke Ibuzọ 2:28

Mmẹ họrị Ẹrọnụ nẹdi i imẹ ebọn ile rị Izrẹlụ n'ọ wụrụnị m onyẹ nchụn-ẹjan, e nyinrin ukpo nchụn-ẹjan m, a mụ nsẹnsi, n'o yiri ẹwuru ẹfọdụ ndị nchụn-ẹjan a rụn ọrụn ihun m. Mmẹ keyezi ikpụnọ nẹdi i ẹjan ile ndị Izrẹlụ gi ọkụn a chụnyeni m.