Ọgụngụn 15:9 - Ika

⁹ weri ni oyiye-ọka chen'ẹ — ọka wẹ gweriẹn k'e jun ihiẹn nọkẹ mkpu-kọstadị nta isin lẹ nkirishi hụn wẹ gi ofugbọn-olivu k'e jun mkpu kọstadị ẹbụọ gwọ;

Ọgụngụn 15:9 ပူးပေါင်းရင်းမြစ်များ

Ihiẹn Mẹni Nke Ibuzọ 21:23

Ọnanị nọ sị Defidi, “Weri ẹ! Eze nwọnni m, mẹ ihiẹn ọwụlẹ sụọn'ị. Lee ẹ, m k'e wẹhẹ okẹn-efin m gi a kụkpọ ọka ebeni nị wẹ gi chụn ẹjan w'a dụn ọkụn lẹ ibe osisi okẹn-efin hụ gi a rụn ọrụn a nị wẹ gi fiye ọkụn lẹ ọka-witi m kụkpọpụha nị wẹ gi chụn ẹjan-ọka. Mmẹ k'e wẹhẹ ihiẹn ndịnị ile.”

Nehemiah 10:33

kẹ imẹmẹsọnmẹ brẹdi hụ w'e butọ elu teburu ihun Osolobuẹ kẹ ọka lẹ ẹjan w'a dụn ọkụn hụn w'a chụnye ụhụọhịn-ụhụọhịn kẹ oyiye ndị w'e ye Ụhụọhịn Ezumikẹn rị ichẹn-ichẹn lẹ ifọn ọhụn ọwụlẹ lẹ mmẹmmẹ ndị wẹ tumẹsọnmẹ imẹ Iwu; kẹ oyiye ichẹn-ichẹn rị nsọ w'e yesọnmẹ kẹ ẹjan-njọ wẹ gi a gbarị isi ndị Izrẹlụ; wẹ gizikwọ a a rụn ihiẹn ile w'a rụn imẹ ụlọ Chuku ẹnyi.

Izikẹlụ 42:13

Ya kẹ okẹnnyẹ ahụn rị a ghọsị m ihiẹn nọ sị m, “Mmughẹ ndịnị rị Ụlọ-NSỌ ẹka-ekpẹn lẹ ẹka-nni wụ mmughẹ nsọ. Imẹ wẹ kẹ ndị nchụn-ẹjan hụn a bịa ebe Osolobuẹ rị d'a rụn ọrụn k'a rị a nọ e ri oyiye ndị ahụn kachanrịn nsọ. Ebahụn kẹ wẹ k'a gha e butọ oyiye ndị ahụn kachanrịn nsọ — hụn wụ oyiye-ọka, ẹjan-njọ lẹ ẹjan-ndọnzi, makẹni ebahụn rị nsọ.

Izikẹlụ 46:11

“ ‘Ogẹn mmẹmmẹ lẹ ogẹn ichẹn-ichẹn wẹ kaye wẹ gi e mẹ wẹ, adana ọka ohu lẹ okẹn-efin ohu k'a wị, adana ohu lẹ ebulu ohu, o weri ọka hụn o k'a saẹka ye cheni ụmụ atụnrụn ndị hụ, we galọnụ ofugbọn-olivu cheni adana ọka ohu-ohu.

Izikẹlụ 46:15

Ya wụ, wẹ k'e wẹhẹ nwa-atụnrụn lẹ oyiye-ọka lẹ ofugbọn ụtụntụn ile jẹnrin ejẹn, e gi wẹ a chụn ẹjan w'a kpọ ọkụn.

Izikẹlụ 46:5

Oyiye-ọka ya lẹ ebulu k'a wị wụ adana-ẹfa ohu; ya weri oyiye ọka o k'a saẹka ye cheni atụnrụn ndị ahụn; o we ofugbọn-olivu k'e jun galọnụ ohu cheni adana ọka ohu-ohu.

Izikẹlụ 46:7

Ọka jun adana-ẹfa k'e sọn nwa okẹn-efin ahụn, hụn jun ẹfa ohu e sọn ebulu hụ, o we hụn o k'a saẹka ye cheni mmụ atụnrụn isin ahụn, o we galọnụ ofigbọn-olivu cheni adana ọka ohu-ohu.

Juwẹlụ 1:9

Ọka lẹ manya wẹ e gi chụn ẹjan imẹ Ụlọ-nsọ Osolobuẹ arịzịa; ndị nchụn-ẹjan a rụn ọrụn Osolobuẹ hụ a kwan.

Juwẹlụ 2:14

Onyẹ ma? Ikẹnkwọ o rohutọ, mẹ omikẹn, gọzidẹ ụnụ — ụnụ a hụn ọka lẹ manya ụnụ e gi ye Osolobuẹ wụ Chuku ụnụ oyiye.

Lẹvitikọsụ 14:10

“Nke akp'ọhịn ẹsatọ, o k'e wẹhẹrịrị ebulu ẹbụọ lẹ onyẹnyẹ-atụnrụn ohu rị ahụa ohu ẹhụ wẹ zu oke; o we ọka wẹ gweriẹn wẹ gi ofugbọn-olivu gwọ hụn k'e jun mkpu kọstadị nta ẹsa lẹ hụn ruchanrịnlẹni mkpikpi hụn o k'e gi ye oyiye-ọka, lẹ ofugbọn-olivu ruchanrịnlẹni mkpikpi mkpu kọstadị nta.

Lẹvitikọsụ 6:14

“Lee ni iwu oyiye-ọka: o ru, ụmụ Ẹrọnụ ikẹnnyẹ e wẹhẹ ọka ahụn wẹ gi chụn ẹjan ihun Osolobuẹ, ihun ukpo nchụn-ẹjan.

Lẹvitikọsụ 7:37

Iwu ndịnị kẹ wẹ gisọnmẹ e ye oyiye w'a dụn ọkụn, oyiye ọka, ẹjan-njọ, ẹjan onyẹ ikpe ma, oyiye-ntumẹ lẹ ẹjan-ekele.

Ọgụngụn 15:10

ụnụ e wezi oyiye-manya k'e jun mkpu-kọstadị nta ẹbụọ chen'ẹ. O k'a wụrụ oyiye wẹ gi ọkụn ye, ẹjan hụn ishin ẹ a sụọ Osolobuẹ.

Ọgụngụn 15:8

“Ụnụ welanị okoro efin d'a chụnyeni Osolobuẹ ẹjan w'a dụn ọkụn mọbụ ẹjan ndị ọzọ, mọbụ ẹjan ụnụ gi e mẹzu nkwa pụ-ichẹn ụnụ kwe ẹ mọbụ ẹjan-ekele,

Ọgụngụn 28:12

Ihiẹn sikọ d'e sọn okoro-efin ọwụlẹ wụ oyiye-ọka wẹ gweriẹn k'e jun mkpu kọstadị-nta isin hụn wẹ gi ofigbọn-olivu gwọ; nke ebulu ọwụlẹ k'e jun mkpu kọstadị-nta ẹnọ;

Ọgụngụn 28:14

“Oyiye-manya k'e jun mkpu kọstadị-nta ẹbụọ kẹ wẹ sikọ d'e wecheni okẹn-efin ọwụlẹ; nke ebulu ọwụlẹ k'e jun mkpu kọstadị-nta ohu-lẹ-mkpikpi; nke nwa-atụnrụn ọwụlẹ k'e jun mkpu kọstadị-nta ohu. Ọhụn wụ ẹjan wẹ k'a gha a dụn ọkụn ifọn ọwụlẹ — hụn ifọn gihụ pụ.

Ọgụngụn 29:6

A chụn nị ndịnị e cheni ẹjan w'a dụn ọkụn ifọn-ifọn lẹ oyiye-ọka a lẹ hụn w'a chụn ụhụọhịn-ụhụọhịn lẹ oyiye-ọka a, uwẹ lẹ oyiye-manya sọnni wẹ, kẹ wẹ dọnsọnmẹ kaye wẹ — ẹjan wẹ gi ọkụn chụnyeni Osolobuẹ hụn ishin ẹ a sụọ a.

Samuẹlụ Nke Ibuzọ 1:24

Ogẹn nwata hụ gi hagụ ẹran, Hana nọ weri ẹ, k'o mẹhanlẹ nwata, werizi efin ahụa ẹtọ lẹ manya lẹ ọka-witi wẹ gweriẹn k'e jun adana ẹtọ lẹ mkpikpi, wẹhẹ ẹ Ụlọ Osolobuẹ imẹ Shilo.