Ọgụngụn 15:39 - Ika

³⁹ Tasẹlụ ndịnị wẹ kẹ ụnụ k'a gha e lee kẹni ụnụ hụn ụzọ a nyanhan ihiẹn ile Osolobuẹ ku, nị ụnụ hụn ụzọ e mẹ wẹ, makẹ ụnụ gha a gbakịtọ m azụụn, mẹsọnmẹ ihiẹn rị ụnụ obi lẹ ihiẹn ndị hụ a la ụnụ ẹnya nọkẹ ndị ughẹrẹ.

Ọgụngụn 15:39 ပူးပေါင်းရင်းမြစ်များ

Ndị-nze Nke Ibuzọ 12:33

O ru nwan nke akp'ọhịn mmisẹn imẹ ifọn nke ẹsatọ hụ, ifọn ahụn o gi ẹka a tumẹ, ọ nọ chụn ẹjan elu ukpo nchụn-ẹjan hụ ọ rụn imẹ Bẹtẹlụ. O tumẹgụọnị ndị Izrẹlụ rị azụụn nke ẹ mmẹmmẹ wẹ k'a gha e mẹ, o nyinrin ukpo nchụn-ẹjan hụ d'a chụn ẹjan.

Jobu 31:7

“Omẹkwọnị ụkụ m a ghagụọ ụzọ hụ rị mma pụ; omẹkwọnị ẹnya m a kịghọ obi m mọbụ nị ẹka m a rụgụọ,

Ẹbụ-ọma 106:39

E mẹrụchanrịn wẹ enwẹn wẹ yeni ihiẹn ndị hụ wẹ rị e mẹ, gi ẹ họnrin ịgbaraja ẹnya Osolobuẹ.

Ẹbụ-ọma 73:27

Chuku, ndị nọkunmẹlẹni i k'a la iwi; i k'e tikpọ ndị la ị tọ sọnmẹ ihiẹn ichẹn.

Ọpụpụ 13:9

Ọdịnalịnị jẹnkọ d'a nọ kẹ ahịma rị ị ẹka lẹ ihiẹn-nnyanhan rị ị ezimezi ihun, kẹni Iwu Osolobuẹ rịsọnmẹ i ọnụ ogẹn ile, makẹni Osolobuẹ gi ikẹn hi-ogbe wepụha ụnụ imẹ alị Ijiptu.

Itẹn 28:26

Onyẹ gi enwẹn ẹ e dọn ẹnya wụ nzuzu, kanị onyẹ gi amamihiẹn e bi k'a wanahịn.

Itẹn 3:1

Nwa m, azọkwọlẹ ihiẹn m kuzi i, ka bu ihiẹn m sị ị mẹ che obi i,

Ẹkịliziastisi 11:9

Okoro, e nwọn nwan anwịnrịn n'ị rị okoro; obi ya sụọma ị ụsụọ hụnnị ị rị okoro. Sọnmẹ ihiẹn ọwụlẹ obi i ye i lẹ ihiẹn ọwụlẹ ẹnya ị legha; ka nyanhankwọ nị Chuku jẹnkọ d'a ju ị ukwere ihiẹn ndịnị ile.

Jerimaya 9:14

Kanị a gba wẹ isi-akwanran kẹ obi wẹ dọn gwa wẹ, fesọnmẹ Baalụ kẹ ndị nẹdi wẹ dọn kuzi wẹ.

Izikẹlụ 6:9

Ndị hụ hụn isi imẹ ụnụ k'a nyanhan m imẹ alị ichẹn-ichẹn ndị hụ wẹ kpụnjẹn wẹ, nyanhan kẹ obi dọn gbawapụ m yeni obi wẹ rịlẹni ụzọ ohu, obi wẹ hụn pụchanrịn ebe m rị shi mmọn wẹ ndị hụ chanban wẹ ẹnya, ize enwẹn wẹ a ban wẹ yeni eje-ihiẹn ile wẹ mẹ lẹ arụ ile wẹ mẹ.

Hosia 2:2

“Ụmụ m, gwakwọ nị nnẹ ụnụ Izrẹlụ-o! Ẹlẹzidẹ nwan nwunyẹ m; ẹlẹzi m di ẹ! Rịọkwọ n'a n'o bu ẹnya che ụzọ ohu, rebehi ẹhụ a!

Ditrọnọmi 29:19

Onyẹ nọ ẹrịra nụ ihiẹn ndịnị wẹ rị e kun ẹfan Osolobuẹ e ku, ọ tụma enwẹn ẹ ntụ, sị, “Onwọnni ihiẹn k'e mẹni m, ọsụọn'a nị m gbasọnmẹ isi-akwanran.” Ọnwan k'e buhẹni alị Izrẹlụ ile ntikpọ, kẹ ndị rị mma kẹ ndị rịlẹni mma.

Ditrọnọmi 4:23

Wekwọ nị ẹnya ru alị makẹ ụnụ gha a zọ Iwu Osolobuẹ wụ Chuku ụnụ gi kwọngbama ụnụ lẹ ịya; akpụrụkwọlẹ ni ihiẹn ọwụlẹ femẹ — makẹni Osolobuẹ wụ Chuku ụnụ a gwagụọ ụnụ emẹlẹ ẹ.

Ditrọnọmi 6:12

kpachanpụkwọ nị ẹnya makẹ ụnụ gha a zọ Osolobuẹ hụn gha alị Ijiptu, alị ahụn ụnụ nọ wụ igbọn, wepụha ụnụ.

Ditrọnọmi 8:11

Kpachanpụkwọ ẹnya amamgbe y'a zọ Osolobuẹ wụ Chuku ụnụ, mẹbehi ihiẹn ndị ọ sị ụnụ mẹ lẹ iwu ẹ lẹ uhi ẹ hụn m rị e ye ụnụ tannị.

Ditrọnọmi 8:14

isi e bumẹ ụnụ, ụnụ a zọ Osolobuẹ wụ Chuku ụnụ, hụn gha Ijiptu, alị ụnụ nọ wụ igbọn, wepụha ụnụ.

Jemisi 4:4

Ndị ẹnya rịlẹni ụzọ ohu! Ụnụ amarịn nị ọwụ ụwa wụ eṅẹnrẹn Osolobuẹ? Ya wụ, onyẹ chọ n'ọ wụrụ ọwụ ụwa o họnrin eṅẹnrẹn Osolobuẹ.