Ọgụngụn 15:31 - Ika

³¹ Ebe o mẹ ni o legberigụọ oku Osolobuẹ, mẹ ihiẹn ọ sị wẹ emẹlẹ, wẹ k'e bepụrịrị onyẹ ahụn; o k'e gi isi ẹ buru ihiẹn o mẹ.”

Ọgụngụn 15:31 ပူးပေါင်းရင်းမြစ်များ

Samuẹlụ Nke Ẹbụọ 12:9

Kị haịn i gi lelịa oku Osolobuẹ, mẹ ihiẹn rịlẹni mma ẹnya a? Y'e gi ọpịa-agha gbu Yuria onyẹ Hẹti, weri nwunyẹ ẹ lụma. Ịyụ gbu ẹ ghahanị ọpịa-agha hụ ndị Amọnụ gi gbu ẹ.

Ẹbụ-ọma 107:11

makẹni a pagụọ wẹ oku Chuku, makẹni e lelịagụọ wẹ oku Onyẹ ahụn Kachanrịnnị gwa wẹ.

Ẹbụ-ọma 119:126

Osolobuẹ, dodo mẹhunmẹ nwan, n'e tikpọgụọ wẹ iwu i!

Ẹbụ-ọma 38:4

Obi rị e gbu m mgbu a karịgụọ m ẹka, nọkẹ ibu nyịngbu enwẹn ẹ.

Ọpụpụ 30:33

Onyẹ mẹmẹ ihiẹn nọ kẹ ya mọbụ te onyẹ rị ogbe ya, wẹ k'e bepụ a imẹ ndị nke ẹ, ndị Izrẹlụ.’ ”

Itẹn 13:13

Onyẹ wẹ gwa oku o lelịa a k'e gi isi ẹ buru; kanị onyẹ gbaye iwu wẹ ye ẹ, ọ narịn ụgwọ-ọrụn.

Azaya 30:12

Ya kẹ Onyẹ-nsọ Izrẹlụ gi nwan sị, “Ebe o mẹni ụnụ a jụgụọ ozini, tụkwasị mmẹgbu obi, gi ndufie dọn ẹnya,

Azaya 53:6

Ẹnyi ile a kpahugụọ nọkẹ atụnrụn; onyẹ-onyẹ a warị ẹbụ a — Osolobuẹ e bukwasị a njọ ẹnyi ile.

Izikẹlụ 18:20

Onyẹ hụn mẹ njọ nwọn nwụn. Nwa ebukọ njọ nẹdi ẹ, nẹdi ebukọ njọ nwa a. Ezi-omumẹ onyẹ ezi-omumẹ kẹ w'a gụnnị onyẹ ezi-omumẹ, njọ onyẹ-njọ kẹ w'a gụnnị onyẹ-njọ.

Lẹvitikọsụ 26:15

nị ụnụ a jụ iwu ndị hụ m ye ụnụ, jụ uhi m yisọnmẹ, jụ nị ụnụ e mẹkọ ihiẹn ndị hụ ile m sị ụnụ mẹ, gi ẹrịra tikpọ nkwerigbama m tumẹ ẹgbata mmẹ lẹ ụnụ,

Lẹvitikọsụ 26:43

Makẹni, wẹ k'a gba alị hụ tọ, o gi ogẹn ahụn o gi gba okpokoro wẹ gilẹni nị a zuru ikẹn ile run'ẹ. Ẹghẹẹ, wẹ k'a kụ ụgwọ njọ wẹ makẹni wẹ jụ iwu m lẹ makẹni uhi m asụọnị wẹ.

Lẹvitikọsụ 5:1

“Onyẹ mẹ njọ yeni n'ọ jụ n'ọ shịakọ ẹri ihiẹn o gi ẹnya a hụn mọbụ ihiẹn o gi ntịn a nụ, bụ ọ nụghọ kẹ wẹ gi ẹfan Osolobuẹ sị ịhịan ile ku ihiẹn wẹ nụ lẹ ihiẹn wẹ hụn, o k'e gi isi ẹ buru ẹ;

Ọgụngụn 9:13

Kanị omẹni ịhịan enwọn ihiẹn o gi rụ, omẹni onwọnni ebe ịhịan jẹn, bụ o mẹni Mmẹmmẹ-nghafe, wẹ k'e bepụ onyẹ hụ imẹ ndị nke ẹ, makẹni o yeni oyiye Osolobuẹ ogẹn oyiye hụ. Onyẹ hụ k'e gi isi ẹ buru njọ a.

Ditrọnọmi 17:12

Onyẹ pa oku ọka-ikpe mọbụ onyẹ nchụn-ẹjan hụn e wuzo ebahụn a rụnnị Osolobuẹ wụ Chuku ụnụ ọrụn, wẹ k'e gburịrị a. Ụnụ k'e wepụchanrịnrịrị eje-ihiẹn ahụn imẹ Izrẹlụ.

Ndị Tẹsalonika Ibuzọ 4:8

Onyẹ jụ nwan n'o gikọ iwu ndịnị bi, ẹlẹ ịhịan k'ọ rị e legberi kanị Osolobuẹ hụn ye ụnụ Mmọn-nsọ a.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Pita Nke Ẹbụọ 2:21

O te ka wẹ mma nị amarịntudẹni wẹ Ụzọ hụ rị ọchan karị nị a marịngụ w'a, a gbakịtọ wẹ oku lẹ iwu hụ rị nsọ wẹ ye wẹ azụụn.

Samuẹlụ Nke Ibuzọ 3:14

M nọ nwan kụn isi m, sị ikpụlọ Ẹlaị ‘Kẹ ẹjan kẹ oyiye, onwọnni hụn sikọ d'a saẹka finchanpụ njọ ikpụnọ Ẹlaị.’ ”