Ọgụngụn 15:3 - Ika

³ omẹni ụnụ rị e ye Osolobuẹ ẹjan wẹ gi ọkụn e ye ẹ nị ishin ẹ sụọ a, ọsụọn'a efin mọbụ atụnrụn mọbụ ewu rọ, ọsụọn'a ẹjan w'a dụn ọkụn mọbụ ẹjan ọzọ rọ; kẹ hụn ụnụ gi e mẹzu nkwa pụ-ichẹn ụnụ kwe Osolobuẹ kẹ oyiye ghapụha ịhịan obi rọ kẹ oyiye ụnụ gi e mẹ mmẹmmẹ ahụa-ahụa ndị ụnụ gi e fe m rọ — hụn ọwụlẹ ọ wụ,

Ọgụngụn 15:3 ပူးပေါင်းရင်းမြစ်များ

Jẹnẹsisi 8:21

Osolobuẹ a nụ ishin ẹjan ahụn, ọ nọ sụọ a; ọ nọ sị enwẹn ẹ, “Onwọnzini ogẹn m'e gi bụzị akpakalị ọnụ makẹ ufiri ịhịan, ọsụọn'a nị eje-ihiẹn eje-ihiẹn kẹ ịhịan e ro ghakwọrị ebe ọ rị nwata lala; onwọnzikwọnị ogẹn m'e gi tikpọ ihiẹn ile rị ndụn kẹ m dọn mẹ.

Ẹzra 7:17

Hụn a n'i gi eghoni ile ṅọn okẹn-efin lẹ ebulu lẹ ụmụ-ebulu lẹ ọka lẹ manya ndị wẹ gisọnmẹ a chụn ẹjan, y'e gi wẹ chụn ẹjan elu ukpo nchụn-ẹjan rị Ụlọ Chuku i imẹ Jerusalẹm,

Ẹbụ-ọma 54:6

M k'a chụnyen'i ẹjan gha m obi pụha; m k'a ja Ẹfan ị mma, Osolobuẹ, n'ọ rịka mma.

Ọpụpụ 29:18

Ya kpọchanrịn nwan ebulu hụ ọkụn elu ukpo nchụn-ẹjan. Ẹjan wẹ kpọnị Osolobuẹ ọkụn rọ hụn ishin ẹ a sụọ Osolobuẹ ụsụọ, oyiye wẹ gi ọkụn ye Osolobuẹ.

Ọpụpụ 29:25

Y'a gha ubẹka wẹ werizi wẹ d'a dụn wẹ lẹ ẹjan ahụn wẹ sikọ d'a dụ ọkụn ọkụn, gi ẹ họnrin ishin k'a sụọ Osolobuẹ, oyiye wẹ gi ọkụn ye Osolobuẹ.

Ọpụpụ 29:41

Ọhị gbama y'a chụnye atụnrụn hụn ẹbọ ahụn lẹzi oyiye-ọka lẹ ihiẹn-ọrịra nke ẹ, k'i dọn mẹ nke ụtụntụn: ọ wụrụ ihiẹn e shin ọhụnma, oyiye wẹ gi ọkụn ye Osolobuẹ.

Lẹvitikọsụ 10:13

Nọ nị ebe rị nsọ ri e, makẹni ịya wụ ihiẹn ru yụ lẹ ụmụ ị ikẹnnyẹ imẹ ẹjan wẹ gi ọkụn chụnyeni Osolobuẹ, makẹni ẹrịra kẹ Osolobuẹ gwa m.

Lẹvitikọsụ 27:2

“Gwa ndị Izrẹlụ, sị wẹ: Ịhịan kwe nkwa zeni n'o k'e gi ịhịan kwanị Osolobuẹ ghahanị igi egho roro ẹ,

Lẹvitikọsụ 7:16

“Kanị, omẹni nkwa o kwe Osolobuẹ k'o k'e gi oyiye hụ mẹzu mọbụ nị oyiye ghapụha a hụ obi rọ, ụhụọhịn o ye oyiye hụ kẹ wẹ k'e ri ẹ, kanị wẹ nwọn ikẹn ri hụn ọwụlẹ bọ-ọra.

Ọgụngụn 28:27

Gi ni ụmụ-efin ẹbụọ lẹ ebulu ohu lẹ ụmụ-atụnrụn ẹsa rịsọnmẹ ahụa ohu-ohu chụn ẹjan w'a dụn ọkụn hụn ishin ẹ a sụọ Osolobuẹ.

Ọgụngụn 29:8

Ụnụ a chụn ẹjan w'a dụn ọkụn ishin ẹ a sụọ Osolobuẹ: nwa-efin ohu, ebulu ohu ka ẹhụ lẹ ụmụ-ebulu ẹsa rịsọnmẹ ahụa ohu-ohu. Wẹ ile k'a wụrịrị anụ ẹhụ zu oke.

Ọgụngụn 6:15

lẹzi ihiẹn ndịnị o sikọ d'e buche imẹ ụkpalị wẹhẹ: brẹdi wẹ buchelẹni yisti lẹ donọtụ wẹ gi ọka wẹ gweriẹn mẹmẹ hụn wẹ gi ofigbọn-olivu gwọ lẹ biskiti wẹ te ofigbọn-olivu lẹzi oyiye ọka lẹ oyiye manya ya lẹ wẹ wị.

Matiu 3:17

Ya kẹ olu nọ gha elu-igwee sị, “Ọnwan wụ ezi Nwa m, hụn ihiẹn ẹ a sụọ m ọhụnma-ọhụnma.”

Ndị Kọrẹntị Nke Ẹbụọ 2:15

Makẹni, ebe Osolobuẹ rị, ishin Kraịstị kẹ ẹnyi wụ ebe ndị rị e nwọn nzụọpụha rị lẹ ebe ndị lakọ iwi rị.

Ndị Kọrẹntị Nke Ẹbụọ 2:16

Ebe ndị lakọ iwi rị, ẹnyi rị e shin ishin e gbuni; ebe ndị rị e nwọn nzụọpụha rị, ẹnyi rị e shin ishin e ye ndụn. Onyẹ k'a sa ẹka mẹ ihiẹn ndịnị?

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ditrọnọmi 12:11

Ogẹn ahụn, ebahụn Osolobuẹ wụ Chuku ụnụ họrị nị ya kẹ Ẹfan a k'a rị kẹ ụnụ k'a rị e jẹn, e wejẹn oyiye ile m rị a gwa ụnụ: kẹ hụn ụnụ a dụn ọkụn kẹ ẹjan ụnụ ndị ọzọ kẹ ụzọ-ohu-imẹ-ụzọ-iri kẹ ụtụ ụnụ kẹ ihiẹn ile rị mma ụnụ kwe Osolobuẹ nkwa a —

Ditrọnọmi 12:17

Anọkwọlẹ ni imẹ obodo ụnụ rị ichẹn-ichẹn ri ụzọ-ohu-imẹ-ụzọ-iri ọka ụnụ lẹ manya ọhụn ụnụ lẹ ofigbọn-olivu ụnụ mọbụ nwa ibuzọ efin lẹ atụnrụn lẹ ewu ụnụ mọbụ ihiẹn ọwụlẹ ụnụ kwe Osolobuẹ nkwa a mọbụ oyiye hụn ghapụha ụnụ obi mọbụ ụtụ ụnụ.

Ditrọnọmi 12:6

ebẹhụ kẹ ụnụ k'e wejẹn oyiye ụnụ — kẹ ndị w'a dụn ọkụn kẹ ẹjan ndị ọzọ, kẹ ụzọ-ohu-imẹ-ụzọ-iri ụnụ kẹ ụtụ ụnụ kẹ oyiye ụnụ gi e mẹzu nkwa kẹ oyiye ndị ghasọnmẹ ụnụ obi pụha, kẹ oyiye nwa-ibuzọ efin lẹ atụnrụn lẹ ewu ụnụ.

Ndị Filipi 4:18

Ihiẹn ile ụnụ ye e rugụọ m ẹka! O bukẹ!! Hụnnị Ẹpafrọditọsụ wẹhẹni m ihiẹn ile ụnụ ye ẹ bịanị m, ẹfọ e jungụọ m. Oyiye ishin ẹ a sụọ Osolobuẹ rọ, ẹjan Osolobuẹ a nabanhan hụn a sụọ a ụsụọ.