Ọgụngụn 14:9 - Ika

⁹ Ka agbalẹni ni nwan Osolobuẹ isi-akwanran; atụlẹ ni egun ndị alị ahụn, makẹni ẹnyi k'e luepụ wẹ kẹ nni. Ihiẹn wẹ gi che ẹhụ arịzị a kanị Osolobuẹ nọyeni ẹnyi anọyeni. Atụlẹ ni egun wẹ.”

Ọgụngụn 14:9 ပူးပေါင်းရင်းမြစ်များ

Jẹnẹsisi 48:21

Ya Izrẹlụ nọ sị Josẹfụ, “M'e d'a nwụn. Kanị, Osolobuẹ k'a nọyeni ụnụ, wekin ụnụ alị ndị nẹdi ụnụ kanị.

Ihiẹn Mẹni Nke Ẹbụọ 13:12

Ẹnyi lẹ Chuku wị; ịya wụ onyẹ-ndu ẹnyi. Ndị nchụn-ẹjan a sikọ d'e gbu opi ye ụnụ isi. Ndị Izrẹlụ, a lụsọnkwọlẹ ni Osolobuẹ wụ Chuku ndị nẹdi ụnụ agha — ụnụ emẹrikọkwọ!”

Ihiẹn Mẹni Nke Ẹbụọ 15:2

Azaria nọ jẹn d'e kunrun Asa, sị a, “Asa lẹ ndị Juda lẹ ndị Bẹnjamini ile, gọn ni m ntịn. Osolobuẹ a nọyeghọnị ụnụ omẹni ụnụ a nọdịyen'ẹ. Ụnụ chọ a, ụnụ k'a hụn a, kanị ụnụ gbakitọ a azụụn, ọ gbakitọ ụnụ azụụn.

Ihiẹn Mẹni Nke Ẹbụọ 20:17

Ẹlẹ ụnụ jẹnkọ d'a lụ aghanị. Werisọnmẹ ni hụ ọnọdị agha, ụnụ e turu nị ụnụ hụn mgbapụha Osolobuẹ jẹnkọ d'a gbapụha ụnụ, ndị Juda lẹ Jerusalẹm. Atụlẹ ni egun; anịlẹ ni ndụn gụ ụnụ. Eki, ụnụ e jẹn d'a lụsọn wẹ agha, Osolobuẹ k'a nọyeni ụnụ.’ ”

Ihiẹn Mẹni Nke Ẹbụọ 32:8

Ikẹn ịhịan mmaka sụọ k'o gi lala, kanị ẹnyi lẹ Osolobuẹ wụ Chuku ẹnyi hụn jẹnkọ d'e yeni ẹnyi ẹka, lụnị ẹnyi ọgụn, wị.” Ndị hụ nọ gi oku Hezikaya gwa wẹ kasị enwẹn wẹ obi.

Nehemiah 4:14

A hụngụ m kẹ ihiẹn ile nọ, m nọ kpọ ndị-isi ndị Ju lẹ ndị-isi ọrụn gọmẹnti rị Juda lẹ ndị họdụnị oku, sị wẹ, “Atụlẹ ni egun wẹ. Nyanhan nị Osolobuẹ, Onyẹ ahụn kanị, Onyẹ ahụn w'a tụ egun ẹ, kẹni ụnụ sa ẹka lụ ọgụn chemẹ umunẹ ụnụ lẹ ụmụ ụnụ ikẹnnyẹ lẹ ikpoho lẹ inyẹnmẹ ụnụ lẹ ụlọ ụnụ bi.”

Ẹbụ-ọma 106:24

Wẹ nọzị legberi alị ọma hụ Osolobuẹ wejẹnkọ wẹ, egini wẹ nkwa a dọn.

Ẹbụ-ọma 121:5

Osolobuẹ wụ onyẹ-nche i; Osolobuẹ rị ị ẹka-nni e kpumẹ i kẹ igungun dọn e kpumẹ ịhịan:

Ẹbụ-ọma 14:4

Ndị-njọnị aghọtakọdẹ? Ndịnị hụn e bu ndị nke m e ri kẹ brẹdi, ndịnị ghalẹni a kpọku Osolobuẹ.

Ẹbụ-ọma 46:11

Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche! Sẹla

Ẹbụ-ọma 46:7

Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche. Sẹla

Ẹbụ-ọma 46:8

Bịa nị d'a hụn ihiẹn Osolobuẹ rị a rụn, k'o dọn rị e tikpọ ihiẹn elu-ụwa!

Ẹbụ-ọma 74:14

ịyụ gwerinrin eje-anụ ohimin wụ Lẹvịatanị isi ẹ ile, ị nọ tụ ẹhụ a yeni ndị bi imẹ atụ ri.

Ẹbụ-ọma 91:1

Onyẹ hụn warị okpuru Chuku Kachanrịnnị, a rịsọnmẹ igungun Onyẹ Nwọn Ikẹn Ile.

Ọpụpụ 14:13

Mozizi nọ za wẹ, sị, “Atụlẹ ni egun! Turu ni; ụnụ jẹnkọ d'a hụn nzụọpụha Osolobuẹ jẹnkọ d'a zụọpụha ụnụ tannị. Nke ndị Ijiptuni ụnụ rị a hụn tannị, ụnụ ahụnkọzị wẹ.

Ọpụpụ 33:16

Nanị kẹ w'a dọn marịn nị ihiẹn mmẹ lẹ ndị nke i a sụọghọ ị mmanị yụ lẹ enwẹn i sọnjẹn ẹnyi? Kị mmẹ lẹ ndị nke i gizi nwan rị ichẹn ebe ndị ọzọ ile rị enu-ụwa rị?”

Azaya 1:2

Igwere nụ a! Elu-ụwa, gọn ntịn! Makẹni Osolobuẹ sị: “Mmẹ zụn ụmụ, zụnpụha wẹ, kanị wẹ rị nwan a pa oku m.

Azaya 32:2

Onyẹ-onyẹ imẹ wẹ sikọ d'a wụrụ ebe ịhịan a warị ogẹn okẹn ufere lẹ ebe w'a gbaban ẹbi gha a kpọ; wẹ k'a nọ kẹ mirin iyi imẹ alị ọkpọ-nkụn, lekẹ igungun okẹn-ọmụma imẹ alị anwụn nọ a mụ ọda-ọda.

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 41:14

Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Azaya 63:10

Kanị wẹ nọ femẹ isi, mẹ ize zemẹ Mmọn-nsọ Osolobuẹ. Ya Osolobuẹ nọ hutọ, họnrin eṅẹnrẹn wẹ — gidẹ ẹka a bunụmanị wẹ.

Jerimaya 1:19

Wẹ k'a lụsọn i ọgụn, kanị asakọ wẹ ẹka mẹri i, makẹni m k'a nọyen'i, zụọpụha ị.” Ya kẹ Osolobuẹ ku.

Jerimaya 42:11

Atụzịlẹ ni egun eze Babilọnụ ụnụ rị a tụ. Atụlẹ ni egun ẹ. Makẹni, m jẹnkọ d'a nọyeni ụnụ, zụọpụha ụnụ ẹka a. Mmẹ wụ Osolobuẹ e kugụọ a.

Jerimaya 48:45

“Ndị gbakọnị agha sikọ d'a gbaha Hẹsh'bọnụ, wẹ lẹ ndụn gụnị wẹ; Hẹsh'bọnụ kẹ ọkụn k'a gha benwunrun, Hẹsh'bọnụ hụn Sihọnụ nọ kị ogẹn mbụ kẹ ọkụn k'a gha nwunrun. Ọ k'a dụnpụ ndị Mụabụ ezimezi ihun, dụnkpụkpọ okpokomisi ndị hụn agha a sụọ.

Daniẹlụ 9:5

ẹnyi e mẹgụọ njọ, ẹnyi e mẹfiegụọ. Ẹnyi a kpachanpụgụọ ẹnya mẹ njọ, e nupụ isi okpuru i; ẹnyi a latọgụọ ihiẹn ị sị ẹnyi mẹ lẹ iwu ndị i yesọnmẹ.

Daniẹlụ 9:9

Di-nwọnni-ẹnyi hụn wụ Chuku ẹnyi wụ onyẹ omikẹn lẹ onyẹ mgbagharị, ọ sụọn'a nị ẹnyi e nupụgụọ isi okpuru ẹ —

Ọgụngụn 13:30

Ya kẹ Kalẹbụ nọ buche ọnụ mẹ ịhịan ile gba nkịtịn ihun Mozizi, sị, “Nị ẹnyi jẹnmẹ ni d'e weri alị ahụn, makẹni ẹnyi k'a s'ẹka weri ẹ.”

Ọgụngụn 17:6

Ya Mozizi nọ gwa ndị Izrẹlụ, ndị-isi wẹ nọ y'ẹ ọkpọ mmẹbụọ, onyẹ-isi ebọn ohu-ohu nwọnsọnmẹ ohu-ohu; ọkpọ Ẹrọnụ rị imẹ wẹ.

Ọgụngụn 20:2

Mirin wẹ k'a ra arịa, wẹ ile nọ zuni Mozizi lẹ Ẹrọnụ.

Ọgụngụn 24:8

Osolobuẹ gha nwan alị Ijiptu e wepụha Izrẹlụ; Izrẹlụ nwọn ndụn ọda-ọda kẹ efin-ọfịa. Izrẹlụ k'e tikpọchanrịn alị ichẹn-ichẹn lụsọnni wẹ, tigungwọn wẹ ọkpụkpụ, gi obo zugbu wẹ.

Matiu 1:23

“Lee ẹ, okpoho kelẹni marịn okẹnnyẹ jẹnkọ d'a tụ imẹ, mụ okẹnnyẹ; wẹ k'a kpọ nwa hụ ‘Imanuẹlụ’, ya wụ, ‘Osolobuẹ rị imẹ igunrun ẹnyi.’ ”

Ndị Rom 8:31

Kị ẹnyi k'e ku nwan? O mẹ nwan nị Osolobuẹ rị ẹnyi azụụn, onyẹ k'a saẹka mẹ ẹnyi ihiẹn ọwụlẹ?

Ditrọnọmi 1:21

Lee n'ẹ, Osolobuẹ wụ Chuku ụnụ e bugụọ alị hụ tọnị ụnụ. Jẹn ni nwan d'e weri ẹ kẹ Osolobuẹ wụ Chuku ndị nẹdi ụnụ dọn gwa ụnụ. Atụlẹ ni egun; elelẹ ni ẹnya azụụn.”

Ditrọnọmi 1:26

Kanị, ụnụ ekweni jẹn; ụnụ a pa oku Osolobuẹ, Chuku ụnụ.

Ditrọnọmi 1:29

M nọ sị ụnụ, “Amazilẹ ni piripiri; atụlẹ ni egun wẹ.

Ditrọnọmi 31:6

Kakẹnmẹ ni; rikin ni obi! Atụlẹ ni egun, amalẹ ni ni piripiri, makẹni ụnụ lẹ Osolobuẹ wụ Chuku ụnụ wị jẹnkọ, ọ hapụkọ ụnụ mọbụ la ụnụ tọ.”

Ditrọnọmi 31:8

Osolobuẹ lẹ enwẹn ẹ k'e buruni ụnụ ụzọ; o k'a nọyeni ụnụ; ọ hapụkọ ị mọbụ la ị tọ. Atụlẹ egun; anịlẹ ndụn gụ ị.”

Ditrọnọmi 32:42

M k'e mẹ ọbara ụta m rajun ẹdeke ẹfọ. Ọpịa-agha m e ri uru: ẹdeke ndị wẹ gbu lẹ ndị wẹ kwọndọn, isi ndị-ndu ndị-iṅẹnrẹn.”

Ditrọnọmi 7:18

Ka atụlẹ ni egun wẹ; nyanhankwọ nị ihiẹn Osolobuẹ wụ Chuku ụnụ mẹ Fẹro eze Ijiptu lẹ ndị Ijiptu ile.

Ditrọnọmi 7:21

Atụkwọlẹ ni egun wẹ, makẹni Osolobuẹ wụ Chuku ụnụ, hụn rị imẹ igunrun ụnụ, wụ Chuku hi-ogbe, hụn e mẹ ihiẹn a tụ egun.

Ditrọnọmi 9:7

Nyanhan nị, azọkwọlẹ ni, kẹ ụnụ dọn kpasu Osolobuẹ wụ Chuku ụnụ iwe imẹ atụ. Gha ụhụọhịn ụnụ gha Ijiptu pụha d'e ru hụnnị ụnụ ru ebeni, isi-isi kẹ ụnụ rị e nupụnị Osolobuẹ.

Ndị Filipi 1:27

Ka bisọnmẹni obibi furu oziọma Kraịstị, n'o mẹni kẹ m bịa d'a hụn ụnụ kẹ abịanị m, nị ntịn kẹ m gihụ nụ ukwere ụnụ, e gi m'ẹ dọn nị ụnụ gi mmọn ohu wuzo, gi obi ohu a lụ ọgụn ụnụ gi a kwadọn ihiẹn ile oziọma sị ẹnyi kweri;

Joshụa 1:5

Onwọnni onyẹ sikọ d'a s'ẹka che i ọgụn y'e we nwụn. Kẹ m dọn nọyeni Mozizi kẹ m k'a dọn nọyeni i; alatọkọ m'ị, ajụtọkọ m'ị.

Joshụa 14:12

Ye m nwan alịnị rị elu ugu hụn Osolobuẹ kwe m nkwa ụhụọhịn ahụn. Y'a nụghọ a ụhụọhịn ahụn nị ndị adụn-aran Anakị rị ebẹhụ, uwẹ lẹ obodo uku, obodo uku wẹ tụnhunmẹ mgbọn; kanị, omẹni Osolobuẹ a nọyeghọnị m, m sikọ d'a chụpụ wẹ kẹ Osolobuẹ dọn ku.”

Ndị Han Eṅẹn 1:22

Ogẹn ikpụlọ Josẹfụ gi maye obodo Bẹtẹlụ ọgụn, Osolobuẹ nọyeni wẹ anọyeni.