Ọgụngụn 14:8 - Ika

⁸ Omẹni ihiẹn ẹnyi a sụọghọ Osolobuẹ, o jẹnkọ d'e duban ẹnyi imẹ alị ahụn, alị anụ lẹ ihiẹn-akụnkụn n'e mẹ ọhụnma — alị mirin-ẹran lẹ mirin-ẹnwụn rị e hu, o sikọ d'e we ẹ ye ẹnyi.

Ọgụngụn 14:8 ပူးပေါင်းရင်းမြစ်များ

Samuẹlụ Nke Ẹbụọ 22:20

O wepụha m, bu m che ebe ẹhụ nọ fu m; ọ gbapụha m makẹni ihiẹn m sụọ a.

Ndị-nze Nke Ibuzọ 10:9

Ọjịja-mma ya rịnị Osolobuẹ wụ Chuku i, hụn ihiẹn i sụọ, ọ nọ bu i che ukpo Izrẹlụ. Ufiri ihiẹn-ọsụsụọ itẹbitẹ Osolobuẹ nwọnni Izrẹlụ k'o gi tumẹ i eze, n'ị hụn ụzọ kwadọn ezi-omumẹ lẹ imẹ ihiẹn furuni.”

Ndị-nze Nke Ẹbụọ 18:32

d'e ru mgbe m bịa d'e we ọnụ shi alị hụn nọ kẹ nke ụnụ: alị ọka lẹ manya ọhụn jun, alị hụn brẹdi lẹ alị vaịnị jun, alị osisi-olivu lẹ mirin-ẹnwụn jun. Hanrịn nị nwan ndụn; ahanrịnlẹ ni ọnwụn! “Egọnkwọlẹ ni Hezikaya ntịn, makẹni ndufie kẹ ọ rị e dufie ụnụ ebe ọ rị a sị, ‘Osolobuẹ k'a gbapụha ẹnyi.’

Ẹbụ-ọma 22:8

“Ọ tụkwasị Osolobuẹ obi! Osolobuẹ ya zụọpụha a nwan! Ya zụọpụha a nwan — ebe o mẹni ihiẹn ẹ asụọka Osolobuẹ!”

Ọpụpụ 3:8

A bịaọlẹ m nwan d'a gbapụha wẹ ẹka ndị Ijiptu lẹzi nị m gha imẹ alị ahụn wepụha wẹ, webanhan wẹ alị rị mma, shịa ẹfọ, alị mirin-ẹran lẹ mirin-ẹnwụn rị e hu imẹ ẹ, alị hụn ndị Kenaanị, ndị Hẹti, ndị Amọ, ndị Pẹrẹzi, ndị Hivu lẹ ndị Jebusu bi nwan.

Azaya 62:4

Akpọkọzị wẹ i “Onyẹ wẹ gbatọ” mọbụ kpọzị alị ị “Alị wẹ jụ.” Kama wẹ k'a kpọma ị “Ihiẹn ẹ sụọ m,” kpọma alị ị “A lụgụọ w'a;” makẹni ihiẹn i k'a sụọ Osolobuẹ, makẹni Osolobuẹ k'a lụmazị alị ị.

Jerimaya 32:41

O k'a gha a sụọ m nị m'e mẹ wẹ mma; m k'e gi obi m ile lẹ ihiẹn ile rị imẹ m kụn wẹ ye alịnị nọkẹ ihiẹn-ugbo.’ ”

Zẹfanaya 3:17

Osolobuẹ hụn wụ Chuku ụnụ nọyeni ụnụ anọyeni! Odogun hụn a zụọnị k'ọ wụ! Yụ wụ Jerusalẹm k'a rị a sụọ a, e mẹ ẹ a ghọghọ. O k'e gi ihiẹn-ọsụsụọ a gba Jerusalẹm umẹ. O k'e gi i a ṅan, a bụshi ẹbụ elu.”

Ọgụngụn 13:27

Ihiẹn wẹ gwa Mozizi wụ: “Ẹnyi e jẹngụọ alị hụ i zi ẹnyi d'e lele. Ezigbo alị rọ nke-esi — alị anụ lẹ ihiẹn-akụnkụn n'e mẹ ọhụnma — alị mirin-ẹran lẹ mirin-ẹnwụn n'e hu. Lee mkpụrụ-osisi alị ahụn.

Ọgụngụn 16:14

Y'e ke weru ẹnyi nwan alị nwẹn mirin-ẹran lẹ mirin-ẹnwụn rị e hu hụn i ku oku ẹ mọbụ ye ẹnyi ugbo lẹ alị vaịnị ndị nwẹn i ku. N'ị gụpụdẹ nwan ndịnị akp'ẹnya ra? Mba, ẹnyi abịakọ!”

Ndị Rom 8:31

Kị ẹnyi k'e ku nwan? O mẹ nwan nị Osolobuẹ rị ẹnyi azụụn, onyẹ k'a saẹka mẹ ẹnyi ihiẹn ọwụlẹ?

Ditrọnọmi 10:15

bụ Osolobuẹ sị ndị nẹdi ụnụ kanị k'ọ chọ, bu wẹ che obi, nke wụ nị, imẹ alị ile, ụnụ ụmụ wẹ k'ọ họrị, k'o dọn rị tannị.

Joshụa 14:12

Ye m nwan alịnị rị elu ugu hụn Osolobuẹ kwe m nkwa ụhụọhịn ahụn. Y'a nụghọ a ụhụọhịn ahụn nị ndị adụn-aran Anakị rị ebẹhụ, uwẹ lẹ obodo uku, obodo uku wẹ tụnhunmẹ mgbọn; kanị, omẹni Osolobuẹ a nọyeghọnị m, m sikọ d'a chụpụ wẹ kẹ Osolobuẹ dọn ku.”