32 Kanị nke ụnụ, alị ọkpọ-nkụnnị kẹ ụnụ k'a nwụntọsọnmẹ.
Ya kẹ Osolobuẹ nọ kishi ẹka elu, kun enwẹn ẹ, sị o k'e mẹ wẹ nwụntọsọnmẹ imẹ atụ ahụn,
imẹ alị ọkpọ-nkụnnị kẹ ụnụ jẹnkọ d'a nwụntọsọnmẹ — onyẹ ọwụlẹ imẹ ụnụ hụn dẹnnwịnwịnnị nị m, hụn rị nwa ahụa ọgụn shi elu — hụn wẹ gụn ogẹn wẹ gi gụn ụnụ.
Imẹ ndịnị ile, onwọnni hụn rị ndị ibuzọ hụ wẹ gụn ogẹn ahụn Mozizi lẹ Ẹrọnụ gi gụn ndị Izrẹlụ imẹ atụ Saịnaị.
Makẹni Osolobuẹ a gwatọgụọ ndị Izrẹlụ ahụn nị wẹ sikọ d'a nwụntọrịrị atụ; onwọnni nwan onyẹ họdụ imẹ wẹ karị Kalẹbụ nwa Jefunẹ lẹ Joshụa nwa Nọnụ.
“Olulu ndị Izrẹlụ bu Osolobuẹ ọda-ọda, ọ nọ mẹ wẹ wahunmẹmẹ imẹ atụ ọrọgbọ ahụa ọgụnnaị d'e runi agbọ hụ ile mẹ Osolobuẹ eje-ihiẹn hụ a nwụnchanrịn.
Kanị agụngụn imẹrinmẹ wẹ asụọnị Osolobuẹ, ọ nọ gbu wẹ, ozun wẹ e jun imẹ atụ.
Elee ndị kẹ ize wẹ ze Osolobuẹ ọrọgbọ ahụa ọgụnnaị? Ẹlẹ ndị ahụn mẹ njọ? Ẹlẹ wẹ nwụntọsọnmẹ imẹ atụ?
