Ọgụngụn 14:30 - Ika

³⁰ Onwọnni akpụ onyẹ ohu imẹ ụnụ sikọ d'a hụn alị ahụn m kịshi ẹka elu kun enwẹn m n'o k'a wụ iwe ụnụ — wezụka Kalẹbụ nwa Jefunẹ lẹ Joshụa nwa Nọnụ.

Ọgụngụn 14:30 ပူးပေါင်းရင်းမြစ်များ

Jẹnẹsisi 14:22

Kanị Ebram nọ sị eze ndị Sodọm, “E weliọlẹ m ẹka m buzinmẹ Osolobuẹ, Chuku hụn kachanrịnnị, onyẹ hụn ke elu-igwee lẹ ụwa

Ẹbụ-ọma 95:11

M nọ gi iwe kun enwẹn m, sị, “Abanyekọ wẹ d'e zu ikẹn hụ m kwe nkwa a.”

Ọpụpụ 6:8

M k'e webanhan ụnụ alị ahụn m kịshi ẹka ẹbụọ elu, kun enwẹn m, kwe nkwa nị m k'e ye Ebraham lẹ Aziki lẹ Jekọpụ ya. M k'e ye ụnụ ya weri. Mmẹ wụ Osolobuẹ.’ ”

Izikẹlụ 20:15

E te kịshighọdẹ m ẹka elu kun enwẹn m imẹ atụ ebahụn nị ewebanhankọ m wẹ imẹ alị hụ m ye wẹ hụn mirin-ẹran lẹ mirin-ẹnwụn jun, e hu, alị hụn kachanrịn alị ile mma,

Izikẹlụ 20:38

M k'a gha alị ụnụ shiẹnpụchanrịn ndị ile rị imẹ ụnụ hụn a pa oku m lẹ ndị e feni m isi. M k'e wepụha wẹ alị wẹ bi, kanị abanyekọ wẹ alị Izrẹlụ, ụnụ e gi ẹ marịn nị m wụ Osolobuẹ.

Ọgụngụn 13:6

imẹ ebọn Juda, Kalẹbụ nwa Jefunẹ k'ọ họrị;

Ọgụngụn 14:24

“Kanị, makẹni odibo m wụ Kalẹbụ nwọn agụngụn ichẹn, e gi obi ẹ ile e sọn m, m sikọ d'e weban a imẹ alị ahụn o jẹn, ebozo a k'e nwọnrin ẹ.

Ọgụngụn 14:38

Imẹ wẹ ile hụn jẹn d'e lele alị hụ, Joshụa nwa Nọnụ lẹ Kalẹbụ nwa Jefunẹ sụọ kẹ Osolobuẹ gbulẹni.

Ọgụngụn 26:65

Makẹni Osolobuẹ a gwatọgụọ ndị Izrẹlụ ahụn nị wẹ sikọ d'a nwụntọrịrị atụ; onwọnni nwan onyẹ họdụ imẹ wẹ karị Kalẹbụ nwa Jefunẹ lẹ Joshụa nwa Nọnụ.

Ọgụngụn 32:12

mmanị Kalẹbụ nwa Jefunẹ onyẹ Kẹnizi lẹ Joshụa nwa Nọnụ, makẹni wẹ wepụha obi sọnchanrịn mmẹ wụ Osolobuẹ.’

Rẹvẹleshọnụ 10:6

kun ẹfan Onyẹ hụ rị ndụn jẹnrin ejẹn hụn ke elu-igwee lẹ ihiẹn ile rịn'a, ụwa lẹ ihiẹn ile rịn'a lẹ ohimin lẹ ihiẹn ile rịn'a, sị, “Ebiekọzị wẹ, kaka;