Ọgụngụn 14:18 - Ika

¹⁸ ‘Osolobuẹ ara bukẹnrin olulu; o nwọnkẹnmẹkẹ ihiẹn-ọsụsụọ; ọ gbagharị njọ lẹ nnupụ-isi. Kanị ara hatu onyẹ ikpe ma — o gidẹ ufiri njọ nẹdi e ye ụmụ afụnfụn d'e ru agbọ nke ẹtọ lẹ nke ẹnọ.’

Ọgụngụn 14:18 ပူးပေါင်းရင်းမြစ်များ

Nehemiah 9:17

A jụ wẹ n'e gọnkọ wẹ ntịn, anyanhanzidẹni wẹ ọrụn-atụmẹnya ị rụnsọnmẹ imẹ igunrun wẹ; a gba wẹ isi akwanran tumẹrin ịhịan n'o dukin wẹ Ijiptu nwẹn wẹ te nọ wụ igbọn. Kanị Chuku hụn a gbagharị njọ k'ị wụ, onyẹ ẹfọma lẹ onyẹ e mẹyeni ịhịan, onyẹ ghalẹni e wekẹnrin iwe, onyẹ e nwọn ihiẹn-ọsụsụọ ọda-ọda, y'a gbakitọkwọnị wẹ azụụn —

Jobu 21:19

W'a sịzị nị, ‘Ụmụ eje-ịhịan kẹ Chuku e butọnị afụnfụn njọ a.’ Ya gi ẹ sọn onyẹ ahụn lẹ enwẹn ẹ, n'ọ marịn!

Ẹbụ-ọma 103:8

Osolobuẹ e mẹ omikẹn, o mẹyeni ịhịan; ara bukẹnrin olulu, o mẹni ndị nke ẹ omikẹn.

Ẹbụ-ọma 108:4

Makẹni ihiẹn-ọsụsụọ ị kadẹ igwere elu ejẹn; k'i mẹhan onyẹ wẹ gi e dọn ẹnya ka orukpu rị igwere elu e jẹn.

Ẹbụ-ọma 109:14

Osolobuẹ ya nyanhan njọ ndị nẹdi ẹ wẹ; ya agbagharịlẹ njọ nnẹ ẹ mẹ.

Ẹbụ-ọma 145:8

Osolobuẹ e mẹyekẹni ịhịan; o mẹ omikẹn; ara bukẹnrin olulu; o nwọnkẹ ihiẹn-ọsụsụọ.

Ẹbụ-ọma 78:38

Kanị, makẹni ọ wụ onyẹ-omikẹn, ọ gbagharịsọnmẹ wẹ njọ; o tikpọchanrịnnị ebọn wẹ; ọ tọ e kwọndọn enwẹn ẹ, o gichanrịnnị olulu rị a obi sọn wẹ.

Ẹbụ-ọma 86:15

Kanị Osolobuẹ, ị wụ Chuku omikẹn hụn e mẹyeni ịhịan, Chuku hụn ghalẹni e bukẹnrin olulu, onyẹ okẹn ihiẹn-ọsụsụọ hụn e mẹsọnmẹ hụn run'ẹ.

Ọpụpụ 20:5

akpọkwọlẹni ni wẹ isi alị mọbụ fe wẹ; makẹni mmẹ, hụn wụ Osolobuẹ, Chuku ụnụ, wụ Chuku ẹnya a fụ omẹni wẹ ye onyẹ ọzọ ihiẹn runi m. M'e gi njọ ndị ize m e ze e sọn ụmụ wẹ d'e rudẹ agbọ nke ẹtọ lẹ nke ẹnọ.

Ọpụpụ 20:6

Kanị, ndị ihiẹn m a sụọ rị e dọnmẹ iwu m, m'e mẹni wẹ lẹ ụmụ wẹ kẹ ndị nke m d'e rudẹ agbọ nnụ-uku ole-lẹ-ole.

Jerimaya 23:2

Lee nwan ihiẹn Osolobuẹ hụn wụ Chuku Izrẹlụ ku banyeni ndị rị e du ndị nke m: “Makẹni ụnụ a chụzịzagụọ ndị nke m, chụpụ wẹ — hụn nkẹ ụnụ e gi lepụ wẹ ẹnya, m k'e ye ụnụ afụnfụn eje-ihiẹn ụnụ mẹ. Mmẹ wụ Osolobuẹ e kugụọ a!

Jerimaya 32:18

Y'e gi ihiẹn-ọsụsụọ e sọn ndị e sọnn'i d'e rudẹ agbọ nnụ-uku ole-lẹ-ole, e gizikwọ njọ ịhịan e sọn ụmụ a. Ịyụ wụ Chuku hi-ogbe, Chuku hụn nwọn ikẹn ọda-ọda, hụn ẹfan a wụ ‘Osolobuẹ ihiẹn ile rị okpuru ẹ’.

Ẹkwan 5:7

Ndị nẹdi ẹnyi mẹ njọ bụ arịzị wẹ nwan ndụn, ẹnyi rị nwan a ta afụnfụn njọ wẹ.

Jona 4:2

Ya Jona nọ mẹ ekpere sị Osolobuẹ, “Heuu Osolobuẹ! Ekuni m'ẹ nị m d'a gha ụlọ buli n'i jẹnkọ d'e mẹ ẹnịna? Ịya haịn m te gi gbashikọ Tashishi. Amarịnghọ m n'ị wụ Chuku hụn e ro ịhịan, n'i wụ Onyẹ-omikẹn; nị y'a ra bukẹnrin olulu; nị y'e nwọnkẹ ihiẹn-ọsụsụọ ịhịan, nị y'e rohutọ a latọ afụnfụn i te k'e ye ịhịan.

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Ọgụngụn 14:17

Dodo nwan Osolobuẹ, ghọsị ikẹn i kẹ i dọn ku ebe ị nọ sị,

Ọgụngụn 23:21

Onwọnni eje-isi wẹ hụn ebọn Jekọpụ ẹhụ; onwọnni ụya wẹ hụn Izrẹlụ ẹhụ. Osolobuẹ wụ Chuku wẹ nọyeni wẹ anọyeni; Eze e yiọlẹ oro n'ọ hụ imẹ igunrun wẹ!

Ndị Rom 5:21

n'ọ wụrụ nị kẹ njọ dọn gi ọnwụn kị ẹrịra kẹ ẹfọma Osolobuẹ k'e dọnzi gi ezi-omumẹ ọ rị e ye ịhịan kị — gi ẹrịra mẹ ịhịan nwọnhẹn ndụn-itẹbitẹ ghahanị Di-nwọnni-ẹnyi wụ Jizọs Kraịstị.

Ditrọnọmi 5:10

kanị m'e gi ihiẹn-ọsụsụọ e sọn ụmụ ndị ihiẹn m a sụọ, ndị e mẹ ihiẹn m ku, d'e rukwọrị agbọ ‘nnụ-nnụ’.

Ditrọnọmi 5:9

“Akpọkwọlẹ ni ni wẹ isi alị mọbụ fe wẹ, makẹni mmẹ, Osolobuẹ hụn wụ Chuku ụnụ, wụ Chuku ẹnya a fụ; m'e gi njọ ndị hụn ize m e ze e sọn ụmụ wẹ d'e ru ụmụ-ụmụ lẹ ụmụ ụmụ-ụmụ wẹ,

Ditrọnọmi 7:10

Nke ndị hụn ize ẹ e ze, o mẹgwarị wẹ idẹnya wẹ hụn o gi tikpọ wẹ; ẹghẹẹ, o mẹgwarị ndị ahụn ize ẹ e ze idẹnya wẹ, a ra lee ẹnya azụụn.

Ditrọnọmi 7:9

Marịn nị nwan nị Osolobuẹ wụ Chuku ụnụ wụ Chuku nke-esi; Chuku wẹ gi e dọn ẹnya k'ọ wụ: o gisọnmẹ ihiẹn-ọsụsụọ o kwe nkwa a e sọn ụmụ ndị ihiẹn ẹ a sụọ, ndị e mẹ ihiẹn o ku, o gi ẹ e sọn wẹ agbọ nnụ ole-lẹ-ole.