Ọgụngụn 14:12 - Ika

¹² M sikọ d'a tụ wẹ eje-emu, jụ wẹ tọ — e gi m'i họnrin okẹn alị hụn ka wẹ ọda, ka wẹ ikẹn.”

Ọgụngụn 14:12 ပူးပေါင်းရင်းမြစ်များ

Samuẹlụ Nke Ẹbụọ 24:1

O nwọn ogẹn Osolobuẹ gi weni ndị Izrẹlụ iwe, ọ nọ nu Defidi n'o mẹ wẹ ihiẹn; ọ sị “Jẹn d'a gụn ndị Izrẹlụ lẹ ndị Juda.”

Ọpụpụ 32:10

Hatu m nwan ye, nị m gi olulu mẹ wẹ ihiẹn, gi ẹ tikpọpụ wẹ, e gi m'i họnrin okẹn alị!!’ ”

Ọpụpụ 5:3

Mozizi lẹ Ẹrọnụ nọ sị, “Chuku ndị Hibru e kunrungụọ ẹnyi. Hatu nwan ẹnyi nị ẹnyi jẹn ijẹn akpọhịn ẹtọ imẹ atụ d'a chụnyeni Osolobuẹ wụ Chuku ẹnyi ẹjan, amamgbe ọ tụ ẹnyi emu mọbụ gi ọpịa-agha gbu ẹnyi.”

Izikẹlụ 20:13

“Kanị ndị Izrẹlụ nọ pazịkwọ oku m imẹ atụ. Esọnni wẹ uhi m; a jụ wẹ ihiẹn ndị m sị wẹ e mẹ, hụn o mẹni onyẹ dọnmẹ wẹ ọ rị ndụn; e mẹrụ wẹ Ogẹn Ezumikẹn m ile, mẹrụ wẹ ọda-ọda. Ya m nọ sị nị m gi ọnụma sọn wẹ imẹ atụ, tikpọ wẹ.

Lẹvitikọsụ 26:25

M k'e wẹhẹni ụnụ agha, gi ẹ mẹgwarị ụnụ omẹgwarị ndị tikpọ nkwerigbama. Ụnụ gbaban imẹ obodo ụnụ, e zi m eje-emu e feni ye imẹ igunrun ụnụ, mẹ ụnụ danban ẹka ndị iṅẹnrẹn ụnụ.

Ọgụngụn 25:9

kanị ọnwụn hụ e gbuọlẹ madụ nnụ-uku ẹnọ kwasị ọgụn (24,000).

Ditrọnọmi 28:21

Osolobuẹ k'a tụsọnmẹ ụnụ emu d'e ru n'o tikpọpụchanrịn ụnụ alị ahụn ụnụ banyekọ d'e nwọnrin.