Ọgụngụn 14:10 - Ika

¹⁰ Kanị igunrun ahụn ile nọ kumẹ oku i gi ọmụma magbu wẹ. Ya kẹ Osolobuẹ nọ gi orukpu-ọghọ a bịa Ọdụ-nsọ; ndị Izrẹlụ ile hụ e legha a.

Ọgụngụn 14:10 ပူးပေါင်းရင်းမြစ်များ

Ọpụpụ 16:10

Hụn Ẹrọnụ gi rị a gwa ndị Izrẹlụ ile oku, wẹ nọ lee ẹnya ibe atụ: e lee orukpu hụ Osolobuẹ gi a ghọsị enwẹn ẹ k'ọ pụha.

Ọpụpụ 16:7

o ruzi ụtụntụn, ụnụ k'a hụnzịkwọ ikẹn-lẹ-ọghọ Osolobuẹ, makẹni Osolobuẹ anụọlẹ kẹ ụnụ rị e dẹnnwịnwịnn'a. Makẹni ẹlẹ ẹnyi kẹ ụnụ rị e dẹnnwịnwịnnị: onyẹ kẹ ẹnyi wụ hụn ụnụ e dẹnnwịnwịnnị?”

Ọpụpụ 17:4

Ya kẹ Mozizi nọ kwanghọsị Osolobuẹ, sị a, “Nanị m'e mẹ ndịnị? Nị wẹ gi tan ọmụma magbu m!”

Ọpụpụ 40:34

Ya kẹ orukpu nọ kpumẹ Ọdụ-ozuzu, ọghọ rị Osolobuẹ ẹhụ e jun Ọdụ nsọ.

Lẹvitikọsụ 9:23

Mozizi lẹ Ẹrọnụ nọ banye Ọdụ-ozuzu. Kẹ wẹ pụha, wẹ nọ gọzi ndị Izrẹlụ; orukpu ghọsị ọghọ Osolobuẹ nọ nwọnpụha, wẹ ile nọ hụn a.

Ọgụngụn 16:19

Ogẹn Kora gi kpọkwamagụ ndị Izrẹlụ ile nị wẹ zuni wẹ eje-umẹ Ọnụ-mgbọn Ọdụ-nsọ, Osolobuẹ nọ gi ọghọ a pụha ihun igunrun ahụn ile.

Ọgụngụn 16:42

Kanị, ogẹn wẹ ile gi zu nị wẹ maye Mozizi lẹ Ẹrọnụ, e lee wẹ ẹnya Ọdụ-nsọ, e lee orukpu k'o kpumẹ ẹ, Osolobuẹ e giọlẹ ọghọ a pụha!

Ọgụngụn 17:7

Mozizi nọ kị ọkpọ ndị ahụn tọ ihun Osolobuẹ imẹ Ọdụ Ashịa-ẹri.

Ọgụngụn 20:6

Mozizi lẹ Ẹrọnụ nọ gha ihun wẹ pụ, shi ọnụ-mgbọn Ọdụ-ozuzu, fiẹnrin alị; ya Osolobuẹ nọ gi ọghọ a pụha d'e kunrun wẹ ẹbụbụọ.

Matiu 23:37

“Euu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpumẹ ụmụ ị kẹ nneku-ọhụhụ dọn e gi nku e kpumẹ ụmụ a, bụ y'a nịnị m!

Ọrụn Ndị-ozi 7:52

Elee onyẹ-amụma kẹ ndị nẹdi ụnụ kpokpolẹni? Uwẹ gbu ndị hụn ku oku ọbịbịa Kraịstị Onyẹ Ezi-omumẹ, ụnụ nwẹn wụ nwan ndị ren'ẹ lẹ ndị gbun'ẹ!

Ọrụn Ndị-ozi 7:59

Ogẹn wẹ gi rị a ma Stivini ọmụma, ọ nọ mẹ ekpere, sị, “Di-nwọnni-ẹnyi wụ Jesu, dodo nabanhan mmọn m!”

Samuẹlụ Nke Ibuzọ 30:6

Obi eruni Defidi alị kaka, makẹni ndị hụ sọnkọn'a hụ e ku oku igi ọmụma magbu ẹ — ihiẹn hụn mẹ ụmụ onyẹ-onyẹ hụ a fụ hụnyẹ akpobi. Kanị Defidi nọ gi Osolobuẹ wụ Chuku ẹ kasị enwẹn ẹ obi.