Ọgụngụn 13:27 - Ika

²⁷ Ihiẹn wẹ gwa Mozizi wụ: “Ẹnyi e jẹngụọ alị hụ i zi ẹnyi d'e lele. Ezigbo alị rọ nke-esi — alị anụ lẹ ihiẹn-akụnkụn n'e mẹ ọhụnma — alị mirin-ẹran lẹ mirin-ẹnwụn n'e hu. Lee mkpụrụ-osisi alị ahụn.

Ọgụngụn 13:27 ပူးပေါင်းရင်းမြစ်များ

Nehemiah 9:25

Wẹ nọ mẹri obodo ichẹn-ichẹn wẹ tụnhunmẹ mgbọn, weri wẹ, lẹ alị bu ọda e mẹ ihiẹn-ugbo; e werisọnmẹ wẹ ụlọ ihiẹn ichẹn-ichẹn rị mma jun lẹ ọmị ndị hụ gutọ lẹ ugbo-vaịnị rịsọnmẹ alị hụ lẹ ugbo-olivu lẹ osisi bu ọda hụn a mị mkpụrụ. E rijun wẹ ẹfọ, ẹhụ wẹ a pụha; okẹn-ọhụnma ị rị e mẹni wẹ hụ a sụọ wẹ ụsụọ ẹfọ.

Ọpụpụ 13:5

“Ogẹn Osolobuẹ k'e gi webanhan ụnụ alị ndị Kenaanị, ndị Hẹti, ndị Amọ, ndị Hivu lẹ ndị Jebusu, alị ahụn o kun enwẹn ẹ kwe ndị nẹdi ụnụ nkwa n'o sikọ d'e ye ụnụ ya, alị hụn mirin-ẹran lẹ mirin-ẹnwụn jun, e hu kẹ mirin, e gi ni ifọnni e mẹ mmẹmmẹni ahụa-ahụa.

Ọpụpụ 3:17

E kweọlẹ m nkwa nị m jẹnkọ d'e wepụha ụnụ imẹ ụya ụnụ rị e ri imẹ alị Ijiptu, we ụnụ shi alị ndị Kenaanị, ndị Hẹti, ndị Amọ, ndị Pẹrẹzi, ndị Hivu lẹ ndị Jebusu, alị mirin-ẹran lẹ mirin-ẹnwụn rị e hu.’

Ọpụpụ 3:8

A bịaọlẹ m nwan d'a gbapụha wẹ ẹka ndị Ijiptu lẹzi nị m gha imẹ alị ahụn wepụha wẹ, webanhan wẹ alị rị mma, shịa ẹfọ, alị mirin-ẹran lẹ mirin-ẹnwụn rị e hu imẹ ẹ, alị hụn ndị Kenaanị, ndị Hẹti, ndị Amọ, ndị Pẹrẹzi, ndị Hivu lẹ ndị Jebusu bi nwan.

Ọpụpụ 33:3

Shi ni alị ahụn mirin-ẹran lẹ mirin-ẹnwụn jun, e hu. Kanị, esọnjẹnkọ m ụnụ, makẹni ndị isi-ikẹn kẹ ụnụ wụ, amamgbe m'e gbupụ ụnụ ụzọ.”

Jerimaya 11:5

Ogẹn hụ, e mẹzu m nkwa hụ m kun enwẹn m kwe ndị nẹdi ụnụ kanị, nị m jẹnkọ d'e ye wẹ alị rịgbu enwẹn ẹ mma mirin-ẹran lẹ mirin-ẹnwụn jun’ k'o dọn nwan rị tannị.” Ya kẹ m nọ sị Osolobuẹ, “Isẹẹ, Osolobuẹ!”

Jerimaya 32:22

Ị nọ ye wẹ alị-ọmanị i kun enwẹn i kwe ndị nẹdi wẹ nkwa n'i k'e ye wẹ, alịnị mirin-ẹran lẹ mirin-ẹnwụn jun, e hu.

Izikẹlụ 20:15

E te kịshighọdẹ m ẹka elu kun enwẹn m imẹ atụ ebahụn nị ewebanhankọ m wẹ imẹ alị hụ m ye wẹ hụn mirin-ẹran lẹ mirin-ẹnwụn jun, e hu, alị hụn kachanrịn alị ile mma,

Izikẹlụ 20:6

E kunzịghọnị m wẹ enwẹn m ụhụọhịn hụ nị m k'a gha Ijiptu wepụha wẹ, we wẹ shi alị m chọtọnị wẹ, alị hụn mirin-ẹran lẹ mirin ẹnwụn jun, e hu, alị hụn kachanrịn alị ile mma.

Lẹvitikọsụ 20:24

Kanị a gwagụọ m ụnụ nwẹn, sị, ‘Alị wẹ k'e họnrin nke ụnụ; m k'e we ẹ ye ụnụ weri, alị mirin-ẹran lẹ mirin ẹnwụn jun, e hu kẹ mirin.’ Mmẹ wụ Osolobuẹ, Chuku ụnụ, hụn họpụha ụnụ imẹ alị ndị ọzọ ile, kẹni ụnụ rị ichẹn.

Ọgụngụn 14:7

sị igunrun ndị Izrẹlụ ahụn ile, “Alị hụn ẹnyi ghagbarị imẹ ẹ, lele, a rịkakwọ mma!

Ọgụngụn 14:8

Omẹni ihiẹn ẹnyi a sụọghọ Osolobuẹ, o jẹnkọ d'e duban ẹnyi imẹ alị ahụn, alị anụ lẹ ihiẹn-akụnkụn n'e mẹ ọhụnma — alị mirin-ẹran lẹ mirin-ẹnwụn rị e hu, o sikọ d'e we ẹ ye ẹnyi.

Ọgụngụn 16:13

Hụnnị ị gha alị Ijiptu mirin-ẹran lẹ mirin-ẹnwụn rị e hu wepụha ẹnyi d'a nwụntọ imẹ alị ọkpọ-nkụnnị eke hi? Ị chọ nwan n'ị kị ẹnyi che okpuru i?

Ọgụngụn 16:14

Y'e ke weru ẹnyi nwan alị nwẹn mirin-ẹran lẹ mirin-ẹnwụn rị e hu hụn i ku oku ẹ mọbụ ye ẹnyi ugbo lẹ alị vaịnị ndị nwẹn i ku. N'ị gụpụdẹ nwan ndịnị akp'ẹnya ra? Mba, ẹnyi abịakọ!”

Ditrọnọmi 11:9

lẹni isi ụnụ hụn ụzọ ru ẹnyasị imẹ alị ahụn Osolobuẹ kun enwẹn ẹ kwe ndị nẹdi ụnụ kanị nkwa n'o k'e ye wẹ lẹ ụmụ wẹ, alị mirin-ẹran anụ lẹ mirin-ẹnwụn jun, e hu.

Ditrọnọmi 26:9

Ọ nọ wẹhẹ ẹnyi ebeni, ye ẹnyi alịnị, alị hụn mirin-ẹran anụ lẹ mirin-ẹnwụn jun, e hu.

Ditrọnọmi 27:3

ụnụ e dechanrịn ihiẹn ile rị imẹ iwuni ye wẹ, ụnụ fetugụ d'a banye alị ahụn Osolobuẹ wụ Chuku ụnụ rị e ye ụnụ, alị ahụn mirin-ẹran anụ lẹ mirin-ẹnwụn jun, e hu, nọkẹ kẹ Osolobuẹ wụ Chuku ndị nẹdi ụnụ dọn kwe ụnụ nkwa.

Ditrọnọmi 31:20

M webangụ wẹ alị ahụn mirin-ẹran anụ lẹ mirin-ẹnwụn jun, e hu, alị hụ m kun enwẹn m kwe ndị nẹdi wẹ kanị nkwa nị m k'e ye wẹ; wẹ rijungụ ẹfọ, du, wẹ jẹnkọ d'e sọnmẹ mmọn-lẹ-iyi, fe wẹ, la m tọ, tikpọ Iwu m gi kwọngbama mmẹ lẹ wẹ.

Ditrọnọmi 6:3

Euu ndị Izrẹlụ, gọnkwọ nị ntịn, dọnrin ni ẹnya mẹ ihiẹn ndịnị, kẹni ọ rịnị ụnụ mma, ụnụ a ba ụba ọda-ọda, alị ahụn a wụrụnị ụnụ alị mirin-ẹran anụ lẹ mirin-ẹnwụn jun, e hu, nọkẹ kẹ Osolobuẹ wụ Chuku ndị nẹdi ụnụ dọn kwe ụnụ nkwa.

Joshụa 5:6

Ndị Izrẹlụ wàhunmẹ imẹ atụ ọrọgbọ ahụa ọgụnnaị; wẹ wahunmẹ ọwahunmẹ hụ d'e ru ni ndị ahụn ile rugụ ogo agha ogẹn hụ wẹ gi gha alị Ijiptu pụha a nwụnhụnchanrịn, ndị ahụn ile nupụnị Osolobuẹ isi. Makẹni Osolobuẹ kun enwẹn ẹ sị nị ahụnkọ wẹ alị hụ o kun enwẹn ẹ kwe ndị nẹdi wẹ kanị nkwa n'o k'e ye ẹnyi ya, alị mirin-ẹran lẹ mirin-ẹnwụn jun, e hu.