Ọgụngụn 13:20 - Ika

²⁰ Nanị kẹ alị ahụn nọ? O mẹ ihiẹn ugbo ra ara mẹ? Osisi hụ a ra ọ rịa? Lịlịma nị welụa mkpụrụ alị ahụn mị.” (Ogẹn wẹ gi a ghọ vaịnị ibuzọ k'o gi zipụ wẹ.)

Ọgụngụn 13:20 ပူးပေါင်းရင်းမြစ်များ

Ihiẹn Mẹni Nke Ibuzọ 22:11

“Nwa m, Osolobuẹ ya nọyen'i nwan; y'a rịn'ị mma, n'ị tụn ụlọ Osolobuẹ wụ Chuku k'o dọn ku ẹ ni ịyụ nwọn tụn a.

Nehemiah 9:25

Wẹ nọ mẹri obodo ichẹn-ichẹn wẹ tụnhunmẹ mgbọn, weri wẹ, lẹ alị bu ọda e mẹ ihiẹn-ugbo; e werisọnmẹ wẹ ụlọ ihiẹn ichẹn-ichẹn rị mma jun lẹ ọmị ndị hụ gutọ lẹ ugbo-vaịnị rịsọnmẹ alị hụ lẹ ugbo-olivu lẹ osisi bu ọda hụn a mị mkpụrụ. E rijun wẹ ẹfọ, ẹhụ wẹ a pụha; okẹn-ọhụnma ị rị e mẹni wẹ hụ a sụọ wẹ ụsụọ ẹfọ.

Nehemiah 9:35

Kẹ ogẹn ọkịkị alị ẹnyi gidẹ rị wẹ ẹka, ogẹn wẹ gi rị e ri ihiẹn ile i gi okẹn-ọhụnma ị ye wẹ imẹ alị hụ shịa ẹfọ i ye wẹ hụn e mẹ ihiẹn-ugbo, efedẹni wẹ i, erogharịnị wẹ latọ eje-obibi wẹ.

Izikẹlụ 34:14

Ebe ezigbo ẹfịfịa rị kẹ m'a nọ zụn wẹ; elu ugu ndị rị Izrẹlụ kẹ wẹ k'a nọ a kpa nni. Ẹghẹẹ, wẹ k'e ri, dinẹ ebe ẹfịfịa rị mma jun, wẹ k'a nọ elu ugu Izrẹlụ ebe ẹfịfịa rị mma rị a kpa nni.

Daniẹlụ 11:24

Mgbe ẹhụ e gi fumẹ azụụn ndị hụn ka ọdanfịn e mẹ imẹ alị-eze hụ, o jẹn d'a maye wẹ idẹnmizi, o mẹ ihiẹn nẹdi ẹ lẹ ndị nẹdi ẹ kanị mẹlẹni, kesọnmẹni ndị sọnkọn'a ihiẹn o gbukwarị lẹ akụ-lẹ-ụba o kpọnlụa. O k'e gi izu-umẹ werisọnmẹ ebe rị ichẹn-ichẹn wẹ tụnhunmẹ mgbọn; kanị o biekọ.

Maịka 7:1

Ụya e gbuẹ m! M nọ nwan kẹ onyẹ chọha figi ogẹn figi, kanị a ghọgụọ w'a, ghọdọnzi! Akpụrụ figi-ibuzọ rị a gụnnị m arịa!

Ọgụngụn 13:19

kẹ alị wẹ bi hụ mma ra ọ jọ njọ; kẹ wẹ bisọnmẹ obodo ndị wẹ tụnhunmẹ mgbọn ra ndị wẹ tụnhunmẹlẹni mgbọn;

Ditrọnọmi 1:24

Wẹ nọ buli, jẹnmẹ alị ahụn rị elu òke, e ru wẹ Ọdanmgbugbu Ẹsh'kọlụ, ya wẹ nọ gi nzuzue lele ẹ;

Ditrọnọmi 1:25

wẹ nọ ghọrị mkpụrụ osisi rị alị ahụn welụanị ẹnyi, sị, “Alị hụ Osolobuẹ wụ Chuku ẹnyi rị e ye ẹnyi a rịka mma.”

Ditrọnọmi 31:23

Osolobuẹ nọ tumẹ Joshụa nwa Nọnụ, sị a, “Kakẹnmẹ; rikin obi; makẹni ịyụ sikọ d'e weban ndị Izrẹlụ alị ahụn m kun enwẹn m kwe wẹ nkwa a; mmẹ lẹ enwẹn m k'a nọyeni i.”

Hibru 13:6

Ya wụ, ẹnyi k'a saẹka dụ ẹka obi, sị, “Di-nwọnni-ẹnyi wụ onyẹ e yeni m ẹka, egun atụkọ m; kị ịhịan k'a saẹka mẹ m?”

Joshụa 1:6

“Kakẹnmẹ; atụkwọlẹ egun; makẹni ịyụ jẹnkọ d'e du ndịnị d'e weri alị hụ m kun enwẹn m kwe ndị nẹdi wẹ kanị nkwa nị m k'e ye wẹ —

Joshụa 1:9

Agwagụọnị m'ị? Kakẹnmẹ; rikin obi; atụkwọlẹ egun; anịlẹ ndụn gụ ị, makẹni Osolobuẹ wụ Chuku i k'a nọyen'i ebe ọwụlẹ i jẹnkọ.”

Joshụa 2:1

Ya Joshụa nwa Nọnụ nọ gha Shitim wẹ rị gi nzuzue zipụ ikẹnnyẹ ẹbụọ, sị wẹ, “Jẹn ni d'e lele alị hụ, tụmadụ Jẹriko.” Ya wẹ nọ jẹnmẹ. E ru w'ẹ, wẹ nọ banye iwe ịgbaraja ohu ẹfan a wụ Rehabụ; wẹ nọ ranhịn ebahụn eki e we fọn.

Joshụa 2:3

Ya eze Jẹriko nọ zi ozini jẹnni Rehabụ: “Wepụha ikẹnnyẹ ndị ahụn bịa d'e kunrunn'i, ndị ahụn bịa iwe i, makẹni wẹ bịa d'e gi nzuzue lelehunmẹ alịnị ile.”