Ọgụngụn 12:8 - Ika

⁸ M'e du ẹ e ku elee-m elee-i, a kpọpụ ihiẹn ẹfan, m'a ra gi ilu gwa a oku; Ọ hụndẹ kẹ Osolobuẹ nọ. Ya kẹ egun nọ nwan a nị ụnụ e kuja oku odibo m wụ Mozizi?”

Ọgụngụn 12:8 ပူးပေါင်းရင်းမြစ်များ

Jẹnẹsisi 32:30

Ya Jekọpụ nọ kpọ ebẹhụ Pẹniẹlụ, sị, “Makẹni a hụnọlẹ m Chuku elee-m elee-i, anwụnnị m.”

Ẹbụ-ọma 17:15

Kanị mmẹ nwẹn, m jẹnkọ d'a hụn ihun i makẹni m rị ọchan; m tẹnhin, a hụn m ihun i, ẹfọ e jun m.

Ẹbụ-ọma 49:4

M sikọ d'e leban itẹn ohu ẹnya, a kpọ m ụbọ kọwa itẹn m.

Ọpụpụ 19:19

opi ahụn hụ a hankẹnmẹ ọhankẹnmẹ-ọhankẹnmẹ. Mozizi hụ e ku, Osolobuẹ hụ e gi olu akpara a shịarị a.

Ọpụpụ 20:4

“Elerikwọlẹ ni ihiẹn ọwụlẹ mẹmẹrin mmọn, kẹ ihiẹn rị elu-igwee kẹ ihiẹn rị elu-ụwa kẹ ihiẹn rị imẹ mirin;

Ọpụpụ 33:11

Osolobuẹ e du Mozizi e ku oku elee-m elee-i kẹ ịhịan lẹ ọwụ a dọn e ku oku. Wẹ kugụ Mozizi e kin azụụn ebe wẹ ziẹntọ — kanị, hụn e yen'ẹ ẹka wụ Joshụa nwa Nọnụ ara gha ọdụ ahụn pụ.

Ọpụpụ 33:19

Osolobuẹ nọ sị a, “M sikọ nwan d'a ghafe ihun i, ghọsị ị mma m ile, kpọ ẹfan m wụ Osolobuẹ idẹnya ị: onyẹ m chọ nị m mẹni ọhụnma kẹ m k'e mẹni ọhụnma, onyẹ m chọ nị m mẹni omikẹn kẹ m k'e mẹni omikẹn.

Ọpụpụ 33:23

e wepụ m nwan ẹka, y'a hụn azụụn m; kanị o mẹ nke ihun m, ahụnkọ w'a kaka.”

Ọpụpụ 34:30

Ogẹn Ẹrọnụ lẹ Izrẹlụ ile gi hụn Mozizi, hụn nị ihun ẹ rị e gbuke, egun anịnị wẹ nọkunmẹ ẹ.

Itẹn 1:6

Ịhịan k'e gizi wẹ a marịn alị itẹn lẹ ilu, gi wẹ a ghọta oku ndị marịn ihiẹn lẹ oku a fụ ọrụn ọghọta.

Azaya 40:18

Onyẹ kẹ ụnụ e gi nwan jeni Chuku? Kịnị kẹ ụnụ k'a sị nị ịya k'o yi?

Azaya 46:5

Onyẹ kẹ y'e gi jeni m mọbụ sị nị mmẹ lẹ ịya han? Onyẹ k'i ro n'ọ nọ kẹ mmẹ hụn y'e gi jeni m?

Izikẹlụ 17:2

“Nwa ịhịan, tanị ndị Izrẹlụ ilu; gi ẹ jụ wẹ ajụjụ.

Izikẹlụ 20:49

M nọ sị, “Euu Osolobuẹ Nwọn Ihiẹn Ile! Wẹ rị nwan e ku oku m, a sị, ‘Ẹlẹ ilu-ilu k'ọ rịhụ e lu?!’ ”

Hosia 12:13

Onyẹ-amụma kẹ Osolobuẹ gi zụọpụha ndị Izrẹlụ imẹ alị Ijiptu; onyẹ-amụma k'o gizi du wẹ, chemẹ wẹ.

Ọgụngụn 14:14

O ru ẹ a gwa wẹ ndị bi alịnị — bụ a nụgụọ w'a nị ị nọyeni ndịnị anọyeni lẹni a hụngụọ wẹ ịyụ wụ Osolobuẹ elee-m elee-i, nị orukpu i a rị wẹ isi lẹni y'a nọ orukpu mawuruni e buruni wẹ ụzọ ebe eki rị elu, a nọ ọkụn mawuruni e buruni wẹ ụzọ imẹ uhinhin.

Ọgụngụn 7:89

Ogẹn Mozizi gi banye Ọdụ-ozuzu d'e sọn Osolobuẹ ku, ọ nọ nụ olu ẹ k'ọ gha elu okun Ẹkpẹti Ashịa-ẹri ahụn, ẹgbata ndị chẹrobu ẹbụọ hụ, a gwa a oku. Ọ nọ sọn ẹ ku.

Matiu 13:35

Ịya kẹ ihiẹn onyẹ-amụma ku imẹ Ẹkụkwọ-nsọ gi mẹzu. Onyẹ-amụma sị, “M jẹnkọ d'a shịapụ ọnụ m lu ilu; m jẹnkọ d'a gha e ku ihiẹn zuerini, ihiẹn zueri kete wẹ gbelẹ iyetọ ụwa.”

Luku 10:16

“Ọ nọ sị ndị nsọnmazụụn a, ‘Onyẹ gọn ụnụ ntịn, mmẹ k'ọ rị e gọn ntịn; onyẹ jụ ụnụ, mmẹ k'ọ jụ; onyẹ ọwụlẹ jụnị m rị a jụ onyẹ zihẹni m.’ ”

Jọnụ 1:18

Onwọnni onyẹ hụntu Osolobuẹ, kanị akpụ Nwa ohu ọ mụ sụọ, hụn wụ Osolobuẹ, hụn ya lẹ Nẹdi ẹ rị, e mẹgụọ ẹnyi marịn Osolobuẹ.

Jọnụ 15:15

Arịzị m a kpọ ụnụ igbọn, makẹlẹ igbọn amarịn ihiẹn di-nwọnn'ẹ rị e mẹ. Ọwụ kẹ m kpọ ụnụ, makẹni a gwagụọ m ụnụ ihiẹn ile m nụ ọnụ Nẹdi m.

Jọnụ 15:24

Omẹni ete rụnnị m ihiẹn wẹ rụntulẹni imẹ igunrun wẹ, ikpe eke ma wẹ; kanị, a hụnchanrịngụọ wẹ nwan ọrụn-atụmẹnya ndị m rụn — bụ ize mmẹ lẹ Nẹdi m hụ e ze wẹ.

Ndị Kọrẹntị Ibuzọ 13:12

Ogẹnni ẹnyi a hụn bishi-bishi nọkẹ onyẹ rị e lee ughegbe rịlẹni mma. Kanị, o ru ogẹn hụ, o k'a wụ elee-m, elee-i; kikẹnni, ẹnyi amarịnzuni, kanị ogẹn hụ, m k'a marịnchanrịn ihiẹn ile kẹ Osolobuẹ dọn marịnchanrịn m.

Ndị Kọrẹntị Nke Ẹbụọ 3:18

Ẹnyi ile wẹ kpupụgụ ẹkwa hụ ihun rị nwan e legha ọghọ Di-nwọnni-ẹnyi nọkẹ onyinyọn rị imẹ ughegbe; wẹ hụ e nwọnhutọ ẹnyi, e mẹ ẹnyi a rị kẹ Onyẹ ẹnyi rị e legha, e nwọn ọghọ a e nwọnwaye. Ihiẹnni gha ẹka Di-nwọnni-ẹnyi hụn wụ Mmọn-nsọ a bịa.

Ditrọnọmi 18:15

Osolobuẹ wụ Chuku ụnụ k'a gha imẹ umunẹ ụnụ wepụhanị ụnụ onyẹ-amụma nọ kẹ mmẹ; ụnụ k'e gọnrịrị onyẹ-amụma ahụn ntịn.

Ditrọnọmi 34:10

O ke nwọnzi onyẹ-amụma nọ kẹ Mozizi imẹ Izrẹlụ, hụn ya lẹ Osolobuẹ e mẹ ihiẹn elee-m elee-i,

Ditrọnọmi 4:15

Ụhụọhịn ahụn Osolobuẹ gha imẹ ọkụn rị elu Ugu-Saịnaị wụ Horẹbụ gwa ụnụ oku: onwọnni ihiẹn ụnụ hụn ụnụ e gi sị, “Lee kẹ Osolobuẹ nọ”. Ya wụ, kpachanpụ nị nwan ẹnya ọhụnma-ọhụnma,

Ditrọnọmi 5:8

“Emẹmẹrinkwọlẹ ni mmọn-lẹ-iyi ọwụlẹ: kẹ hụn yi ihiẹn rị igwere kẹ hụn yi ihiẹn rị akpakalị mọbụ imẹ mirin.

Ndị Kolosị 1:15

Ẹnya hụn Nwa a nị wụ Kraịstị a hụngụọ Osolobuẹ wẹ ghalẹni e legha; Kraịstị wụzịkwọ Nwa-ibuzọ, Onyẹ-isi hụn ihiẹn ile wẹ ke rị okpuru ẹ.

Ndị Tẹsalonika Ibuzọ 4:8

Onyẹ jụ nwan n'o gikọ iwu ndịnị bi, ẹlẹ ịhịan k'ọ rị e legberi kanị Osolobuẹ hụn ye ụnụ Mmọn-nsọ a.

Timoti Ibuzọ 6:16

Ịya sụọ wụ onyẹ ghalẹni a nwụnhụn; Onyẹ hụn bi imẹ ukpẹ wẹ ghalẹni a s'ẹka a nọkunmẹ; Onyẹ ịhịan leghatulẹni hụn ịhịan jẹnkọlẹni d'a s'ẹka legha! Mgbaye lẹ ọkịkị itẹbitẹ wụ nke ẹ jẹnrin ejẹn! Isẹẹ.

Hibru 1:1

Ogẹn mbụ, Osolobuẹ gwasọnmẹ ndị nẹdi ẹnyi wẹ oku imẹrinmẹ ogẹn lẹ ụzọ rị ichẹn-ichẹn ghahanị ndị-amụma.

Hibru 1:3

Ịya kẹ wẹ gi a hụn kẹ Osolobuẹ nọ. Ẹnya hụnn'a a hụngụọ Osolobuẹ. O gi oku-ọnụ a hụn nwọn ikẹn hi-ogbe e kwọndọn ụwa ile. Ogẹn o gi chụngụ ẹjan wẹ gi a chanchanpụ njọ, ọ nọdị alị ẹka-nni Onyẹ kachanrịnnị imẹ elu-igwee.

Pita Nke Ẹbụọ 2:10

tụmadụ ndị hụn e mẹ ihiẹn ụrụ a gụnnị wẹ lẹ ndị e legberi ọkịkị. Obi ndị nkuzi-ntụ ndịnị e zekẹ, ihiẹn obi wẹ ye wẹ kẹ w'e mẹ; egun anịdẹ wẹ e kuja oku eje-mmọn.

Judu 1:8

Ẹrịra kẹ ndị nkuzi-ụghanị dọn nwan a hụnsọnmẹ ọhụn e mẹ wẹ e mẹ ihiẹn ẹhụ wẹ gi a rụ, e legberi ọkịkị, e kuja oku eje-mmọn.