Ọgụngụn 12:6 - Ika

⁶ ọ nọ sị wẹ, “Gọn ni nwan ntịn ihiẹn m jẹnkọ d'e ku: Omẹni onyẹ-amụma m rị igunrun ụnụ, imẹ ọhụn kẹ m'a nọ e we enwẹn a ghọsị a; imẹ nrọ kẹ m nọ a gwa a oku.

Ọgụngụn 12:6 ပူးပေါင်းရင်းမြစ်များ

Jẹnẹsisi 15:1

Ihiẹn ndịnị e mẹgụ, Ebram nọ hụn ọhụn ebe Osolobuẹ nọ sị a, “Ebram, atụlẹ egun; mmẹ wụ akpaịn ị hụn e che i nche; m k'a kụ ị ụgwọ higbu enwẹn ẹ ogbe.”

Jẹnẹsisi 20:7

Wekinni nwan okẹnnyẹ ahụn nwunyẹ ẹ, makẹni onyẹ-amụma k'ọ wụ; o k'e mẹni i ekpere, y'a rị ndụn. Kanị omẹni y'e wekinn'ẹ azụụn, marịnkwọ n'i sikọ d'a nwụnhụnrịrị, yụ lẹ ndị nke i ile.”

Jẹnẹsisi 28:12

Ọ nọ rọ nrọ: imẹ nrọ ahụn, ọ nị hụn obe turu alị, mkpọnụnụ a ru elu-igwee; ndị mmọn-ozi Osolobuẹ hụ e nyinjẹn ẹ e nyinlụa.

Jẹnẹsisi 28:16

Ya Jekọpụ nọ tẹnhin, ọ nọ sị, “Ete marịndẹ m nị Osolobuẹ rị ebeni nke-esi.”

Jẹnẹsisi 37:5

Josẹfụ rọ nrọ. Ogẹn o gi ziẹnni mmunẹ ẹ nrọ ahụn, ize ẹ nọ bankẹnmẹ wẹ.

Jẹnẹsisi 37:9

O mẹgụ, ọ nọ rọzị nrọ ọzọ. Ọ nọ ziẹnni mmunẹ ẹ ya, sị, “Len'ẹ, a rọzị m nrọ ọzọ: ẹnyanwụn lẹ ifọn lẹzi okokisẹ mmanaị hụ a kụnị m isi-alị.”

Jẹnẹsisi 46:2

O ru imẹ abalị, Izrẹlụ nọ hụn ọhụn. Imẹ ọhụn ahụn, Chuku nọ hị a, “Jekọpụ! Jekọpụ!!” Jekọpụ nọ sị a, “Lee m ebeni.”

Samuẹlụ Nke Ẹbụọ 7:4

Uhinhin ahụn, Osolobuẹ nọ gwa Natanị oku, sị,

Ndị-nze Nke Ibuzọ 3:15

Ya Solomọnụ nọ tẹnhin, hụn a nị nrọ rọ. Ọ nọ lakin Jerusalẹm; ọ nọ wuzo ihun Ẹkpẹti-nkwerigbama Osolobuẹ, chụn ẹjan ndị w'a dụn ọkụn lẹ ẹjan-ekele. Ya ọ nọ kpọ ihu ẹ ile oriri.

Ndị-nze Nke Ibuzọ 3:5

Imẹ Gibiọnụ, Osolobuẹ nọ bịa d'e kunrun Solomọnụ imẹ nrọ imẹ uhinhin. Osolobuẹ nọ sị a, “Rịọ m ihiẹn ọwụlẹ i chọ nị m ye i.”

Jobu 33:15

Imẹ nrọ, imẹ ọhụn w'a hụn imẹ abalị, ebe ịhịan ranhịnmigụ, ebe wẹ dinẹ elu-ukpo —

Jobu 4:13

Ebe nrọ m rọ rị e hue m uhue imẹ uhinhin, ogẹn hụ okẹn ụran gi e buru ịhịan,

Ẹbụ-ọma 105:15

sị wẹ “Emẹtụkwọlẹ ni ndị m họrị ẹka! Emẹkwọlẹ ni ndị-amụma m ihiẹn ọwụlẹ!”

Ẹbụ-ọma 89:19

Ya kẹ ị gwa ndị nke i imẹ ọhụn, sị, “E yegụọnị m odogun-agha ohu ẹka gbọrị; e bushigụọ m onyẹ ohu m họrị imẹ ndị alịnị elu.

Ọpụpụ 7:1

Ya kẹ Osolobuẹ nọ sị Mozizi, “Lee ẹ, e mẹgụọ m'ị nọ kẹ Osolobuẹ ebe eze wụ Fẹro rị — Ẹrọnụ nwẹnẹ i a wụrụ ọnụ ị, nọkẹ onyẹ-amụma.

Jerimaya 23:25

“A nụgụọ m ihiẹn ndị-amụma hụ gi ẹfan m e bu amụma ntụ rị e ku; wẹ rị e mẹ oku nrọ, ‘O nwọn ihiẹn m rọhụn; o nwọn ihiẹn m rọhụn!’

Jerimaya 23:28

“Onyẹ-amụma rọ nrọ, ya ziẹn nrọ a; kanị onyẹ hụn nwọn oku m ya kuchanrịn a k'ọ nọ — makẹni ẹfịfịa-ọka lẹ akpụrụ-ọka ẹlẹ ihiẹn ohu.

Izikẹlụ 1:1

Nke akpọhịn isẹn imẹ ifọn nke ẹnọ imẹ ahụa nke iri-kwasị-ọgụn, m rị mkpẹnrẹn Iyi Kẹba alị Babilọnụ, ebe wẹ kpụnjẹn mmẹ lẹ ndị Juda ibe m. Ya m nọ hụn ọhụn. Imẹ ọhụn ahụn, igwere nọ kpupụ, Chuku nọ ghọsị m ihiẹn.

Daniẹlụ 10:8

Ya ọ nọ họdụ mmẹ sụọ ebẹhụ m bu ẹnya tụma okẹn ihiẹnni m rị a hụn; ndụn a gụchanrịn m, e tirapụ m ẹnya, akpụ ndụn ohu arịzị m.

Daniẹlụ 2:19

O ru imẹ abalị, Osolobuẹ nọ ghọsị Daniẹlụ ihiẹn-omimi ahụn imẹ ọhụn. Daniẹlụ nọ ja Chuku rị elu-igwee mma,

Daniẹlụ 7:1

Ahụa ibuzọ Bẹlụshaza wụ eze Babilọnụ kịma, Daniẹlụ rọ nrọ, hụnsọnmẹ ihiẹn ndị ọ hụn imẹ nrọ hụ ebe o dinẹ elu bẹdi ẹ. Ọ nọ be ihiẹn ndị hụ ọ rọhụn nkeke detu.

Daniẹlụ 8:2

Imẹ ọhụn ahụn, m hụn enwẹn m imẹ isi-obodo wụ Susa, hụn rị imẹ Ẹgbẹrẹ Ẹlam. Imẹ ọhụn ahụn, m rị mkpẹnrẹn mirin, mkpẹnrẹn Ote-mirin Ulaị.

Hosia 12:11

O mẹ nwan nị njọ rị a kpọ imẹ Gilẹdị; ndị Gilẹdị a lagụọ iwi; imẹ Gil'galụ zị wẹ rị e gi okẹn-efin a chụnyeni mmọn ẹjan — m k'a kụtuzịkwọ ukpo nchụn-ẹjan ndị ahụn, a nọsọnmẹ wẹ kẹ ikpọn ọmụma rị ugbo wẹ rụn nke ọhụn.”

Juwẹlụ 3:1

“Osolobuẹ sị: Ogẹn ahụn, m mẹgụ n'ọ rịzị nị Juda lẹ Jerusalẹm mma,

Zẹkaraya 1:8

“M hụn ọhụn imẹ uhinhin, hụn okẹnnyẹ ohu rị elu ẹshin ododo hụn wuzo alị osisi mẹtụlụ rị imẹ ọdanmgbugbu. Ẹshin ododo ọzọ lẹ ẹshin ụda lẹ ẹshin ọchan rị okẹnnyẹ hụ azụụn.

Ọgụngụn 24:4

amụma onyẹ hụn a nụ ọnụ Osolobuẹ, a hụn ọhụn gha ẹka Onyẹ Nwọn ikẹn ile a bịa; onyẹ hụn a dann'a alị hụn ẹnya a shịapụ:

Matiu 1:20

Kanị, ogẹn o gi rị e ro ihiẹnni, ọ nọ rọhụn mmọn-ozi Di-nwọnni-ẹnyi k'ọ bịa d'e kunrun ẹ, sị, “Josẹfụ nwa Defidi, atụlẹ egun; lụma Meri, makẹni nwa ọ rị imẹ ẹ gha ẹka Mmọn-nsọ bịa.

Matiu 2:19

Ogẹn Hẹrọdụ gi nwụnhụngụ, mmọn-ozi Di-nwọnni-ẹnyi nọ bịa d'e kunrun Josẹfụ imẹ nrọ imẹ alị Ijiptu,

Matiu 23:31

Ọhụn kẹ ụnụ gi a shịagbu enwẹn ụnụ ẹri nị ụnụ wụ ụmụ ndị gbu ndị-amụma!

Matiu 23:34

“M jẹnkọ nwan d'e zihẹni ụnụ ndị amụma lẹ ndị marịn ihiẹn lẹ ndị marịn Iwu Mozizi ọhụnma. Ụnụ jẹnkọ d'e gbu ụfọdụ, kpọma ụfọdụ ye osisi gbu, fịan ụfọdụ mkpịnsịn imẹ ụlọ-ofufe ụnụ; ụnụ sikọ d'a gha a chụ wẹ gha obodo pụ obodo,

Matiu 23:37

“Euu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpumẹ ụmụ ị kẹ nneku-ọhụhụ dọn e gi nku e kpumẹ ụmụ a, bụ y'a nịnị m!

Matiu 27:19

Ogẹn Paịleti gi nọdị alị elu Ocho okinkin-ikpe, nwunyẹ ẹ nọ zi wẹ d'a sị a, “Wepụkwọ ẹka oku onyẹ ezi-omumẹ hụ, makẹni e gigụọkwọ m'a rọ eje-nrọ tannị.”

Luku 1:11

Ya kẹ mmọn-ozi Di-nwọnni-ẹnyi nọ nwọnpụha ibe ẹka-nni ukpo w'a nọ a mụ nsẹnsi.

Luku 1:22

Ogẹn o gi nwan pụha, ọ sanị ẹka gwa wẹ oku, wẹ nọ marịn n'ọ hụnọlẹ ọhụn imẹ Ebẹhụ Rị Nsọ, makẹni ọ tọ e gi ẹka a gwa wẹ oku, ọ sazịnị ẹka ku oku.

Luku 20:6

Kanị ẹnyi sị, ‘Ọ gha ẹka ịhịan bịa,’ wẹ jẹnkọ d'e gi ọmụma magbu ẹnyi makẹni wẹ ile kweri ni Jọnụ wụ onyẹ-amụma.”

Ọrụn Ndị-ozi 10:11

ọ nọ hụn kẹ elu-igwee kpupụ, hụn ihiẹn nọkẹ ẹkwa shịanị k'ọ gha elu lala rịkẹ sị wẹ dọdọn ẹ ntịn a ẹnịnọ.

Ọrụn Ndị-ozi 10:17

Ihiẹnni gba Pita ngharị-ẹnya ọda-ọda; ebe ọ rị e ro ihiẹn ọ wụ kẹ ndị hụ Kọnẹlusu zihẹ nọ ru ebẹhụ, turu ọnụ-mgbọn, a jụ kẹ elebe kẹ iwe onyẹ w'a kpọ Saịmọnụ rị.

Ndị Ẹfẹsọsụ 4:11

Ịya yesọnmẹ ụka a ndị-ozi pụ-ichẹn, ndị-amụma e zi ozi Osolobuẹ, ndị e jẹnhunmẹ e zi oziọma, ndị ụkọ-Chuku lẹ ndị-nkuzi.

Ditrọnọmi 18:15

Osolobuẹ wụ Chuku ụnụ k'a gha imẹ umunẹ ụnụ wepụhanị ụnụ onyẹ-amụma nọ kẹ mmẹ; ụnụ k'e gọnrịrị onyẹ-amụma ahụn ntịn.

Ditrọnọmi 18:18

M k'a gha imẹ ndị nke wẹ wepụhanị wẹ onyẹ-amụma nọ kẹ ịyụ; m k'e bu oku m che ẹ ọnụ, ọ gwachanrịn wẹ ihiẹn ile m gwa a.

Hibru 1:1

Ogẹn mbụ, Osolobuẹ gwasọnmẹ ndị nẹdi ẹnyi wẹ oku imẹrinmẹ ogẹn lẹ ụzọ rị ichẹn-ichẹn ghahanị ndị-amụma.

Rẹvẹleshọnụ 11:10

Ndị bi ụwa k'a rị a ghọghọ, e mẹ mmẹmmẹ, e yetarị ihiẹn, nị madụ ẹbụbụọ hụ a nwụnhụn, makẹni ndị oku-Chuku ẹbụọnị te bu afụnfụn tọnị ndị ile rị elu-ụwa.

Rẹvẹleshọnụ 11:3

“M k'e ye ndị ọshẹri m ẹbụọ ikẹn ku oku-Chuku, ọrọgbọ akpọhịn ọgụn-ẹtọ kwasị nnụ-ẹtọ, (1,260), wẹ k'e yisọnmẹ achọ (ahịọ) wẹ gi a kwan ịhịan.”

Samuẹlụ Nke Ibuzọ 28:6

Ọ nọ jụ Osolobuẹ ihiẹn o k'e mẹ, kanị Osolobuẹ ashịarịn'a: o gini nrọ shịarị a, o gini utẹn-Osolobuẹ wẹ gi a marịn uche ẹ shịarị a, o gini ndị-amụma shịarị a.

Samuẹlụ Nke Ibuzọ 3:15

Samuẹlụ nọ dinẹ eki e we fọn. Eki e fọn, ọ gụnpụsọnmẹ ụzọ Ụlọ-Osolobuẹ k'o mẹ mbụ. Egun anịn'a gwa Ẹlaị ihiẹn ọ hụn, ihiẹn Osolobuẹ gwa a.

Samuẹlụ Nke Ibuzọ 3:21

Osolobuẹ hụ a pụha imẹ Shilo, a nọ ebẹhụ e gi oku ẹ e we enwẹn ẹ a ghọsị Samuẹlụ.