Ọgụngụn 12:2 - Ika

² Wẹ hụ a sị, “Mozizi sụọ kẹ Osolobuẹ gi ku oku? O gizini ẹnyi nwẹn ku?” Osolobuẹ nọ nụ ihiẹnni.

Ọgụngụn 12:2 ပူးပေါင်းရင်းမြစ်များ

Jẹnẹsisi 29:33

Lia nọ tụrụzị imẹ, mụ okẹnnyẹ, sị, “Osolobuẹ a nụgụọ nị ihiẹn m asụọnị wẹ, ọ nị yezi m hụnnị”; ya ọ nị gụn a Simiọnụ.

Samuẹlụ Nke Ẹbụọ 11:27

Ogẹn wẹ gi a kwan ịhịan e zugụ, Defidi nọ webanhan a obi-eze, o họnrin nwunyẹ ẹ; ọ nọ mụnị Defidi okẹnnyẹ. Kanị ihiẹn Defidi mẹ asụọnị Osolobuẹ.

Ndị-nze Nke Ẹbụọ 19:4

Ikẹnkwọ Osolobuẹ wụ Chuku i a nụghọ oku-ọnụ onyẹ-isi-aghanị di-nwọnn'ẹ wụ eze Asiria zihẹ d'a kpari Chuku rị ndụn; ikẹnkwọ Osolobuẹ wụ Chuku i a jụgbọ a banyeni oku ndị ahụn Osolobuẹ nụ ọnụ a. Mẹni nwan ẹnyi ndị họdụ imẹ alị Juda ekpere.”

Ọpụpụ 4:14

Ya kẹ Osolobuẹ nọ buni Mozizi olulu, sị, “Nwẹnẹ i wụ Ẹrọnụ onyẹ ebọn Livaị arịa? A marịnghọ m n'ọ maghọ ku oku ọhụnma. Ọ rị nwan ụzọ lala d'e kunrun i; ọ hụn ị, ẹfọ sikọ d'a sụọ a ụsụọ.

Ọpụpụ 4:30

Ẹrọnụ nọ gwachanrịn wẹ ihiẹn ile Osolobuẹ gwa Mozizi. Ya Mozizi nọ rụn ọrụn atụmẹnya ndị hụ idẹnya ndị Izrẹlụ,

Ọpụpụ 5:1

Mozizi lẹ Ẹrọnụ nọ jẹn d'e kunrun eze Ijiptu wụ Fẹro; wẹ nọ sị, “Osolobuẹ, Chuku ndị Izrẹlụ sị, ‘Hatu ndị nke m, kẹni wẹ jẹn d'e mẹni m mmẹmmẹ imẹ atụ gi fe m ofufe.’ ”

Ọpụpụ 7:10

Ya Mozizi lẹ Ẹrọnụ nọ jẹn d'e kunrun Fẹro; wẹ nọ mẹchanrịn kẹ Osolobuẹ dọn gwa wẹ: Ẹrọnụ a tụ ọkpọ a ye ihun Fẹro lẹ ịhịamẹ ẹ, ọkpọ a nọ họnrin agwọ.

Itẹn 13:10

Ikpe-ikpe kẹ mpache e se, kanị ẹka ndị a nụ ndụnmọdụn kẹ ịhịan a nọ a hụn amamihiẹn.

Azaya 37:4

O nwọn ikẹn mẹni Osolobuẹ wụ Chuku i a nụgụọ oku-ọnụ onyẹ-isi agha Asiria — onyẹ hụn eze Asiria zi d'a kpari Chuku hụn rị ndụn. Ikẹnkwọ Osolobuẹ wụ Chuku i a jụgbọ a yeni ihiẹn Osolobuẹ nụ ọnụ a. Dodo, mẹni ẹnyi ndị họdụ alịnị ekpere!’ ”

Maịka 6:4

Mmẹ gha alị Ijiptu wepụha ụnụ, mmẹ gbapụha ụnụ imẹ ụlọ igbọn hụ: mmẹ zi Mozizi lẹ Ẹrọnụ lẹ Miriam d'e du ụnụ.

Ọgụngụn 11:1

Ogẹn ndị Izrẹlụ gi kpemẹ nị wẹ rị a ta afụnfụn, ku ẹ hụn Osolobuẹ nụ, Osolobuẹ a nụ a, ezigbo olulu nọ bu ẹ. Ya ọkụn gha ẹka Osolobuẹ bịa nọ nwunrun imẹ igunrun wẹ, dụnpụ ihiẹn ndị rị mkpẹnrẹn ebahụn wẹ ziẹntọ.

Ọgụngụn 11:29

Kanị Mozizi nọ sị a, “Ọ rị a fụ ị nị eyeni wẹ m ọghọ runi m? K'ọ rịdẹ m ndị nke Osolobuẹ ile wụ ndị-amụma ndị-amụma, Osolobuẹ e bu Mmọn a che imẹ wẹ!”

Ọgụngụn 12:3

(Okẹnnyẹ hụ wụ Mozizi e welụakẹnmẹkẹ enwẹn ẹ alị; ịya kachanrịn ịhịan ile rị elu ụwa enwẹn ẹ alị e welụa.)

Ọgụngụn 16:3

Wẹ nọ zuni Mozizi lẹ Ẹrọnụ eje-umẹ, sị wẹ, “Ụnụ rị e mẹkarị enwẹn ụnụ! Ndị Izrẹlụ ile rị nsọ, onyẹ ọwụlẹ imẹ wẹ; Osolobuẹ nọyezikwọnị wẹ anọyeni! Kị ụnụ rịzị e bushini enwẹn ụnụ elu a karị ndị nke Osolobuẹ ile?”

Ndị Rom 12:10

Ụnụ lẹ ibe ụnụ k'a gha a sụọ kẹ umunẹ; e yekarị nị ibe ụnụ ọghọ.

Ndị Rom 12:3

M rị e gi ikẹn Osolobuẹ ye m a sị onyẹ-onyẹ imẹ ụnụ: edọnmẹlẹ enwẹn i ebe i rulẹni, ka dọnrin ẹnya lele kẹ Osolobuẹ yehan ị okukwe, n'i dọnmẹ enwẹn i ebẹhụ.

Ndị Filipi 2:14

E mẹ ni ihiẹn ile wẹ sị ụnụ mẹ — edẹnwịnnwịnlẹ ni; adọlẹ ni adịdọ,

Ndị Filipi 2:3

Emẹkwọlẹ ihiẹn ọwụlẹ n'i gi ẹ chọrị nke i sụọ mọbụ nị wẹ hụn ị. Ka e welụa nị enwẹn ụnụ alị, e ye ibe ụnụ ọghọ karị enwẹn ụnụ.

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”