Ọgụngụn 11:23 - Ika

²³ Osolobuẹ nọ sị Mozizi, “Ẹka Osolobuẹ e mẹkẹ mkpụrụ? Ị jẹnkọ nwan d'a hụn kẹ ihiẹn m ku sikọ d'e mẹ ra o mẹkọ.”

Ọgụngụn 11:23 ပူးပေါင်းရင်းမြစ်များ

Jẹnẹsisi 18:14

O nwọn ihiẹn karị Osolobuẹ ẹka omumẹ? O ru ogẹn ahụn m ku, m k'e kinhẹn, mgbeni akan-ile, Sẹra k'a mụ okẹnnyẹ.”

Ndị-nze Nke Ẹbụọ 4:43

Odibo ẹ nọ sị a, “Nanị m'e ye mmadụ ọgụn-isẹn ihiẹn ntanị ri?” Kanị Ẹlaịsha nọ sị a, “W'ẹ ye wẹ ri. Osolobuẹ sị, ‘Wẹ k'e rijun ẹfọ, ọ họdụdẹ.’ ”

Ndị-nze Nke Ẹbụọ 7:2

Onyẹ-isi agha hụn tanhan eze ẹka nọ sị odibo Osolobuẹ, “Ọsụọdẹn'a nị Osolobuẹ besọnmẹ oghe ye igwere, nị ihiẹnni i ku s'ẹka mẹ?” Ẹlaịsha nọ sị a, “I k'e gi ẹnya ị hụn a, kanị y'e rikọ hụn ọwụlẹ imẹ ẹ!”

Ẹbụ-ọma 78:41

a tọ wẹ a chọ ihiẹn rị Chuku ọnụ, e mẹ ihiẹn a fụ Onyẹ-nsọ Izrẹlụ.

Ọpụpụ 6:1

Ya kẹ Osolobuẹ nọ sị Mozizi “I jẹnkọ nwan d'a hụn ihiẹn m k'e mẹ Fẹro. M mẹgụọ a ihiẹn m k'e mẹ ẹ, o k'e gi ẹ hatu ndị nke m nị wẹ la; m mẹgụọ a ihiẹn m k'e mẹ ẹ, ọchụchụ k'o k'a chụdẹ wẹ alị a.”

Azaya 50:2

Kẹ m bịa, kị haịn o gilẹni nwọn onyẹ rịn'a? Kẹ m kpọ oku, kị haịn o gilẹni nwọn onyẹ zanị? Ẹka m e mẹkẹ nkpụrụ nị asa m ẹka zụọpụha ụnụ ra enwọn m ndụn m'e gi zụọpụha ụnụ? Bụ ọjụgbọ mmaka kẹ m gi e mẹ ohimin a tahị, e mẹ iyi ichẹn-ichẹn e họnrin alị ọkpọ-nkụn azụn rị imẹ wẹ a nwụnhụn, shinkpo, makẹni mirin arịa; ẹgụn-mirin e gbu wẹ!

Azaya 59:1

Lee ẹ, ẹlẹ ni ẹka Osolobuẹ e mẹkẹ mkpụrụ haịn o gilẹni a zụọpụha ụnụ mọbụ nị ntịn e kinkẹ ẹ haịn o gilẹni a nụ ekpere ụnụ.

Jerimaya 14:9

K'ị rị nwan e mẹni kẹ onyẹ ihiẹn kunrun idẹnmuzi, kẹ odogun-agha nwọnlẹni ihiẹn ọ saẹka e mẹ? Bụ ị hụ imẹ igunrun ẹnyi, Osolobuẹ — ẹfan ị kẹ ẹnyi a za; dodo, alakwọlẹ ẹnyi tọ.

Jerimaya 32:17

“Euu, Osolobuẹ ihiẹn ile rị okpuru ẹ, yụ gi ikẹn i hi-ogbe lẹ ẹka ị tịnpụ mẹmẹ igwere lẹ ụwa! Onwọnni ihiẹn a karị ị ẹka.

Jerimaya 32:27

“Mmẹ wụ Osolobuẹ, Chuku ịhịan ile. O nwọn ihiẹn a fụ m ọrụn omumẹ?

Izikẹlụ 12:25

Mmẹ wụ Osolobuẹ k'e ku, ọ bụn; o biekọzị. Ebọn nnupụ-isini, m k'e ku ẹ, mẹ ẹ ogẹn nke ụnụ. Ya kẹ Osolobuẹ nwọn ihiẹn ile ku.’ ”

Izikẹlụ 24:14

“ ‘Mmẹ wụ Osolobuẹ e kugụọ a. M k'e mẹrịrị a. Ogẹn m e rugụọ. Elekọ m ẹnya azụụn; emẹkọ m omikẹn; elekọ m ụnụ ẹnya ihun. Obibi i lẹ ihiẹn ị rị e mẹ kẹ m'e gi kin i ikpe. Ya kẹ Osolobuẹ ku.’ ”

Daniẹlụ 6:20

O ru ẹhụ olu hụ, ọ nọ gi uhue rị e huen'ẹ kpọcheni Daniẹlụ, sị, “Daniẹlụ-o, odibo Chuku ahụn rị ndụn, Chuku i, hụn y'e fe ogẹn ile a saghọ ẹka gbapụha ị ẹka ẹwọrọ?”

Maịka 2:7

Heuu, ikpụlọ Jekọpụ, ụnụ hụ e sị nị ndụn ndidin ara gụ Osolobuẹ, nị ẹlẹ Osolobuẹ ku ihiẹn ndịnị. Kanị, oku-ọnụ m hụ a rị ndị kụrụ ọtọ mma ẹhụ. Ẹlẹ ya?

Ọgụngụn 11:22

Ọsụọn'a nị wẹ gbuchanrịn nị wẹ igunrun atụnrụn lẹ igunrun efin ole-lẹ-ole, n'o zu wẹ ri? Wẹ gbuchanrịn nị wẹ azụn ile rị imẹ ohimin, n'o zu wẹ ri?”

Ọgụngụn 23:19

“Osolobuẹ ẹlẹ ịhịan hụn o gi tụ ntụ; ẹlẹ ịhịan mụ a hụn o gi rohutọ. N'o ku oku bụ o mẹn'ẹ? N'o kwe nkwa bu o mẹzun'ẹ?

Matiu 19:26

Kanị Jizọsị e lee wẹ ẹnya, ọ nọ sị wẹ, “Ebe ịhịan rị, ọ sakọ ẹka mẹ, kanị ebe Osolobuẹ rị, onwọnni ihiẹn ghalẹni a saẹka e mẹ.”

Matiu 24:35

Igwere lẹ ụwa k'a gụ, kanị oku m k'a bụnrịrị.

Luku 1:37

Ya wụ nị, onwọnni ihiẹn Osolobuẹ ghalẹni a saẹka e mẹ!”