Ọgụngụn 11:16 - Ika

¹⁶ Ya Osolobuẹ nọ sị Mozizi, “Wẹhẹni m madụ iri kwasị ọgụn-ẹtọ imẹ ndị-isi ndị Izrẹlụ, ndị ị marịn nị wẹ wụ ndị-ndu lẹ ndị gi ọkwa imẹ wẹ. Wẹhẹ wẹ Ọdụ-nsọ, wẹ bịa d'e wuzoyeni i ebahụn.

Ọgụngụn 11:16 ပူးပေါင်းရင်းမြစ်များ

Jẹnẹsisi 46:27

Wẹ gụnye ikẹnnyẹ ẹbụọ wẹ mụnị Josẹfụ alị Ijiptu, ndị ikpụlọ Jekọpụ ile hụn jẹn alị Ijiptu wụ mmadụ iri kwasị ọgụn ẹtọ.

Ọpụpụ 18:25

Ọ gha imẹ ndị Izrẹlụ ile họrị ikẹnnyẹ k'a saẹka kị, tumẹ wẹ nị wẹ kị, ndị k'a kị madụ nnụ-uku, nnụ-uku, ndị k'a kị ọgụn-isẹn ọgụn-isẹn, ndị k'a kị iri-kwasị-ọgụnnaị iri-kwasị-ọgụnnaị lẹ ndị k'a kị iri-iri.

Ọpụpụ 24:1

Ya Osolobuẹ nọ sị Mozizi, “Bịa nị d'e kunrun Osolobuẹ, ịyụ lẹ Ẹrọnụ, Nadabụ lẹ Abihu lẹ mmadụ iri kwasị ọgụn-ẹtọ imẹ ndị-ichẹn Izrẹlụ. Ụnụ ile k'a gha ebe teyezini kụnị m isi alị;

Ọpụpụ 24:9

Mozizi lẹ Ẹrọnụ, lẹ Nadabụ lẹ Abihu, lẹzi ndị-ichẹn Izrẹlụ iri kwasị ọgụn ẹtọ ahụn nọ nyinrin ugu ahụn,

Ọpụpụ 4:29

Ya kẹ Mozizi lẹ Ẹrọnụ nọ shi alị Ijiptu. Wẹ nọ kpọkikomẹ ndị-isi Izrẹlụ;

Jerimaya 19:1

Osolobuẹ sị m, “Jẹn d'e ṅọnrin ite ụrụa. Weri ndị i k'e weri imẹ ndị-isi lẹ ndị nchụn-ẹjan.

Izikẹlụ 8:11

Madụ iri kwasị ọgụn-ẹtọ imẹ ndị-ichẹn Izrẹlụ wuzo ihun ihiẹn ndị hụ wẹ seye ẹhụ-ụlọ; Ja-azanịa nwa Shafanị rị imẹ wẹ. Onyẹ-onyẹ imẹ wẹ gi mkpu nsẹnsi, ẹnwụnrụn nsẹnsi hụ a lọshi elu.

Ọgụngụn 11:24

Ya Mozizi nọ jẹn d'a gwa wẹ ihiẹn Osolobuẹ ku; ọ kpọkwama ndị-isi iri kwasị ọgụn-ẹtọ ahụn, mẹ wẹ fihunmẹ Ọdụ-nsọ.

Ọgụngụn 16:25

Mozizi nọ lihi ọtọ, jẹnburu Datanị lẹ Abiram, ndị-isi alị Izrẹlụ e sọn ẹ;

Luku 10:1

Ọhụn e mẹgụ, Di-nwọnni-ẹnyi nọ họrị ikẹnnyẹ mmẹbụọ kwasị ọgụn-ẹtọ ndị ọzọ. Ọ nọ zipụ wẹ ẹbụọ-ẹbụọ, nị wẹ burun'ẹ ụzọ jẹn obodo ile lẹ ebe ile o sikọ d'e jẹn.

Luku 10:17

Omẹgụ, ikẹnnyẹ mmẹbụọ kwasị ọgụn-ẹtọ hụ nọ gi okẹn ịghọghọ lụaha. Wẹ nọ sị, “Di-nwọnni-ẹnyi, eje-mmọn rị ichẹn-ichẹn e humẹni ẹnyi isi hụn ẹnyi gihụ gi ẹfan ị gwa wẹ oku!”

Ditrọnọmi 1:15

Ya m nọ tumẹ ndị sikọ d'a kị ebọn ụnụ ile, ndị nwọn uche lẹ ezigbo ẹfan, tumẹsọnmẹ wẹ ndị a kị madụ nnụ-uku nnụ-uku, ndị a kị ọgụn-isẹn ọgụn-isẹn, ndị a kị madụ iri kwasị ọgụnnaị, iri kwasị ọgụnnaị lẹ ndị rị a kị madụ iri-iri.

Ditrọnọmi 16:18

Imẹ ebọn ụnụ rị ichẹn-ichẹn, tumẹsọnmẹni ndị e dọnzi oku lẹ ndị-isi imẹ obodo ọwụlẹ Osolobuẹ wụ Chuku ụnụ rị e ye ụnụ; uwẹ nwọn ọrụn idọnzini wẹ oku ọhụnma.

Ditrọnọmi 31:28

“Kpọkikomẹ ni ni m ndị-ichẹn lẹ ndị gi ọkwa ebọn ụnụ rị ichẹn-ichẹn, nị m hụn ụzọ ku oku ndịnị nị wẹ nụ, a kpọ m igwere lẹ ụwa ọshẹri, nị wẹ hụn ụzọ shịagbu wẹ ẹri o ru ogẹn ahụn.