Ọgụngụn 11:12 - Ika

¹² Mmẹ ye imẹ wẹ ile? Mmẹ mụ wẹ? Kị sịnị m parị wẹ kẹ wẹ a pa nwa-ndu — pajẹn alị ahụn i kun enwẹn i kwe nkwa n'i k'e ye ndị nẹdi wẹ kanị?

Ọgụngụn 11:12 ပူးပေါင်းရင်းမြစ်များ

Jẹnẹsisi 13:15

M k'e we alịnị ile ị rị e legha ye yụ lẹ mmụ ị werichanrịn.

Jẹnẹsisi 24:7

Osolobuẹ, Chuku hụn rị elu-igwee, hụn gha iwe nẹdi m lẹ alị wẹ nọ mụ m wepụha m, hụn gwa m oku, kun enwẹn ẹ gi kwe m nkwa, sị, ‘M k'e ye ụmụ ị alịnị’, ịya jẹnkọ d'e zi mmọn-ozi ẹ n'ọ kwan'ị ụzọ, y'a hụn ụzọ lụhanị nwa m nwunyẹ ebẹhụ.

Jẹnẹsisi 26:3

Biri imẹ alịnị rịkẹ abịamabịa. I mẹ ẹ, m k'a nọyen'i, gọzi i — makẹni m jẹnkọ d'e we alịnị ile ye yụ lẹ ụmụ ị — m k'e mẹzu nkwa m kwe Ebraham nẹdi i.

Jẹnẹsisi 50:24

Ya Josẹfụ nọ sị umunẹ ẹ “M'e d'a nwụn; kanị Chuku jẹnkọ d'a bịarịrị d'e yeni ụnụ ẹka, gha alịnị wepụ ụnụ, bu ụnụ che alị hụ o kun enwẹn ẹ kwe ndị nẹdi ụnụ wụ Ebraham, Aziki lẹ Jekọpụ nkwa a.”

Ndị-nze Nke Ẹbụọ 10:1

Ụmụ Ehabụ ikẹnnyẹ iri kwasị ọgụn-ẹtọ rị obodo Sameria. Ya Jehu nọ desọnmẹ ẹkụkwọ-ozi zijẹn Sameria — jẹnni ndị-isi obodo Jezriẹlụ rị ebẹhụ lẹ ndị-ichẹn lẹ ndị rị e lepụ ụmụ Ehabụ ẹnya. Ọ sị,

Ndị-nze Nke Ẹbụọ 10:5

Onyẹ e lepụ obi-eze ẹnya lẹ onyẹ e lepụ obodo Sameria ẹnya lẹ ndị-ichẹn lẹ ndị rị a zụn ụmụ eze nọ zi ozi jẹnni Jehu, sị, “Idibo i kẹ ẹnyi wụ, ihiẹn ị sị ẹnyi mẹ kẹ ẹnyi k'e mẹ. Ẹnyi e tumẹkọ onyẹ ọwụlẹ eze; ihiẹn ọwụlẹ rị ị mma ẹnya y'e mẹ.”

Ọpụpụ 13:11

“Osolobuẹ webanhangụ ị alị ndị Kenaanị, yegụ ụnụ ya — k'o dọn kun enwẹn ẹ gi kwe ụnụ lẹ ndị nẹdi ụnụ nkwa,

Ọpụpụ 13:5

“Ogẹn Osolobuẹ k'e gi webanhan ụnụ alị ndị Kenaanị, ndị Hẹti, ndị Amọ, ndị Hivu lẹ ndị Jebusu, alị ahụn o kun enwẹn ẹ kwe ndị nẹdi ụnụ nkwa n'o sikọ d'e ye ụnụ ya, alị hụn mirin-ẹran lẹ mirin-ẹnwụn jun, e hu kẹ mirin, e gi ni ifọnni e mẹ mmẹmmẹni ahụa-ahụa.

Ọpụpụ 33:1

Osolobuẹ nọ sị Mozizi, “Gha ebeni pụ, ịyụ lẹ ndị ị gha Ijiptu wepụha; jẹnmẹ ni alị hụ m kun enwẹn m kwe Ebraham lẹ Aziki lẹ Jekọpụ nkwa, sị, ‘M jẹnkọ d'e ye ụmụ ọnụ ya.’

Ọpụpụ 6:8

M k'e webanhan ụnụ alị ahụn m kịshi ẹka ẹbụọ elu, kun enwẹn m, kwe nkwa nị m k'e ye Ebraham lẹ Aziki lẹ Jekọpụ ya. M k'e ye ụnụ ya weri. Mmẹ wụ Osolobuẹ.’ ”

Azaya 40:11

O k'e lepụ atụnrụn a ẹnya lekẹ onyẹ e du atụnrụn; ọ pa ụmụ atụnrụn rịn'a, a pa wẹ e che obi; o tu udọn e du ndị kị ụmụ.

Azaya 49:15

Nị okpoho zọ nwa ọ rị e ye ẹran, o mẹni omikẹn nwa ẹfọ a? Ọsụọn'a nị okpoho k'a s'ẹka zọ nwa a, azọkọ m'ị!

Azaya 49:23

Ndị-nze k'a mụrụn ị kẹ nwa; inyẹnmẹ ndị-nze e mẹn'i kẹ nnẹ. Wẹ k'a kụn'ị isi alị, wẹ k'a rachan uzunzun rị ị ụkụ. Ogẹn hụ kẹ y'e gi marịn nị mmẹ wụ Osolobuẹ; nị ifẹnrẹn emẹkọ ndị gi m dọn ẹnya.”

Izikẹlụ 34:23

“ ‘M k'e bu wẹ che okpuru onyẹ-ndu ohu, o lepụ wẹ ẹnya ọhụnma. Odibo m wụ Defidi rọ, ya nwọn du wẹ; ịya k'e lepụ wẹ ẹnya.

Jọnụ 10:11

“Mmẹ wụ ezigbo onyẹ-ndu atụnrụn: Ezigbo onyẹ-ndu atụnrụn e gi ufiri atụnrụn a e ye ndụn a.

Ndị Kọrẹntị Ibuzọ 4:15

Ẹghẹẹ, ọsụọn'a nị ụnụ nwọn ndị-ndu nnụ-uku ole-lẹ-ole imẹ Kraịstị, ụnụ enwọn nẹdi bu ọda, makẹni m gi oziọma m zi ụnụ họnrin nẹdi ụnụ imẹ Kraịstị wụ Jizọsị.

Ndị Galeshịa 4:19

Ụmụ m, imẹ ụnụ e mẹmẹzi m kẹ okpoho rị imẹ, imẹ hụn sikọ d'e mẹ m d'e ru ni ndụn Kraịstị a gbọrị imẹ ndụn ụnụ,

Ditrọnọmi 1:31

lụzịkwọnị ụnụ ya imẹ atụ. Ụnụ a hụnghọ kẹ Osolobuẹ wụ Chuku ụnụ dọn pa ụnụ kẹ nẹdi a pa nwa a, ọrọgbọ ahụn ile ụnụ gi rị ụzọ kẹ ụnụ lala ụnụ e we ru ebeni.”

Ndị Tẹsalonika Ibuzọ 2:7

Ẹnyi te furu hụn a dọ ụnụ ihiẹn runi ẹnyi nọkẹ ndị-ozi pụ-ichẹn Kristi, kama, ẹnyi gụn agụngụn ụmụẹka imẹ igunrun ụnụ, e gi ẹka-alụlụa e sọn ụnụ kẹ nnẹ-ọmụmụ dọn e mẹ ụmụ a.