Ọgụngụn 10:35 - Ika

³⁵ Ogẹn ọwụlẹ Ẹkpẹti hụ gi buli, Mozizi sị, “Euu Osolobuẹ, lihi ọtọ! Ndị iṅẹnrẹn i wẹ gbayịya! Ndị iwe i wẹ gbamanị ị ọsọ.”

Ọgụngụn 10:35 ပူးပေါင်းရင်းမြစ်များ

Ẹbụ-ọma 132:8

Lihi nwan ọtọ, Osolobuẹ, n'i shi ebe y'a nọ zu ikẹn, ịyụ lẹ ẹkpẹti i gi a ghọsị ikẹn i.

Ẹbụ-ọma 3:8

Ẹka Osolobuẹ kẹ nzụọpụha gha a bịa! Ngọzi i ya rịnị ndị nke i! Sẹla

Ẹbụ-ọma 9:19

Dodo lihi nwan, Osolobuẹ! Anịkwọlẹ ịhịan mẹri. Wẹhẹ alị ndị ahụn ghalẹni e fe i d'a hangbu wẹ eṅẹn ihun i.

Ẹbụ-ọma 94:16

Onyẹ k'a lụsọnni m ndị-ejẹni, wezụka Osolobuẹ? Onyẹ k'e kuni m ọnụ m ẹka ndịnị e mẹ eje-ihiẹn?

Azaya 51:9

Tẹnhin! Tẹnhin!! Ẹka Osolobuẹ gi a kpa ikẹn, tẹnhin! Jeri ikẹn i nọkẹ ẹkwa; tẹnhin kẹ y'e tẹnhin mbụ, kẹ y'e tẹnhin ogẹn ndị mbụ! Ẹlẹ ịyụ jakịka eje-anụ wụ Rehabụ? Ẹlẹ ịyụ zupu eje-anụ ohimin hụ ẹfọ?

Ditrọnọmi 32:41

ogẹn m'e gi sụọnchanpụgụ ọpịa-agha m hụn e be nwanran-nwanran, kwọndọn ẹ hụn m'e gi mẹ wẹ ihiẹn wẹ chọ, m k'e mẹgwarị ndị-iṅẹnrẹn m; m k'a kụ ndị ize m e ze ụgwọ ihiẹn w'e mẹ.

Ditrọnọmi 7:10

Nke ndị hụn ize ẹ e ze, o mẹgwarị wẹ idẹnya wẹ hụn o gi tikpọ wẹ; ẹghẹẹ, o mẹgwarị ndị ahụn ize ẹ e ze idẹnya wẹ, a ra lee ẹnya azụụn.

Samuẹlụ Nke Ibuzọ 4:3

Ogẹn ndị-agha Izrẹlụ gi kinhẹn ebe wẹ a nọdị, ndị-ichẹn Izrẹlụ nọ jụma enwẹn wẹ ajụjụ, a sị, “Kị haịn Osolobuẹ gi nị ndị Filistia mẹri ẹnyi? Nị ẹnyi d'e buhẹ ni Ẹkpẹti-nsọ Osolobuẹ rị Shilo, kẹn'o sọnjẹn ẹnyi, zụọpụha ẹnyi ẹka ndị iṅẹnrẹn ẹnyi.”