Ọgụngụn 10:29 - Ika

²⁹ Mozizi sị Hobabụ nwa Rẹwuẹlụ onyẹ Midianị, nẹdi nwunyẹ Mozizi, “Ẹnyi e jẹnmẹ ebẹhụ Osolobuẹ gwa ẹnyi oku ẹ, sị, ‘M k'e ye ụnụ ya’. Sọnmẹ ẹnyi, nị ẹnyi k'e lepụ ị ẹnya ọhụnma, makẹni Osolobuẹ e kwegụọ ndị Izrẹlụ nkwa ihiẹn rị mma.”

Ọgụngụn 10:29 ပူးပေါင်းရင်းမြစ်များ

Jẹnẹsisi 12:7

Ya kẹ Osolobuẹ nọ we enwẹn ẹ ghọsị Ebram, sị, “M k'e ye nwa ị alịnị.” Ebram nọ rụnnị Osolobuẹ ukpo wẹ n'a chụn ẹjan ebahụn — Osolobuẹ hụn we enwẹn ẹ ghọsị a.

Jẹnẹsisi 13:15

M k'e we alịnị ile ị rị e legha ye yụ lẹ mmụ ị werichanrịn.

Jẹnẹsisi 15:18

Ụhụọhịn ahụn kẹ Osolobuẹ kwe Ebram nkwa, sị, “M rị e ye ụmụ ị alịnị, hụn gha iyi rị ebe alị Ijiptu ru d'e rukwọrị iyi uku wụ Yufretisi —

Jẹnẹsisi 17:8

M sikọ d'e ye yụ lẹ mmụ ị alịnị ị wụ nwan abịamabịa; ebe ile alị Kenaanị gha k'a wụrụ nke ụnụ jẹnrin ejẹn. Mmẹ k'a wụrụ Chuku ụmụ ị.”

Jẹnẹsisi 32:12

Kanị yụ wụ Osolobuẹ sị m, ‘M k'e mẹ i gha ihun; m k'e mẹ ụmụ ị bu ọda kẹ ẹjan rị mkpẹnrẹn ohimin hụn wẹ ghalẹni a s'ẹka a gụn.’ ”

Ẹbụ-ọma 100:1

Ụwa ile, yini ni Osolobuẹ oro ịghọghọ!

Ẹbụ-ọma 34:8

Danmịndẹle, n'ị hụn a nị Osolobuẹ a rịka mma; onyẹ hụn gbaburun'ẹ e nwọnkẹ ngọzi.

Ẹbụ-ọma 95:1

Bịa nị, nị ẹnyi bụnị Osolobuẹ ẹbụ! Nị ẹnyi gi ni ịghọghọ yini Okẹn-ọmụma ahụn a zụọpụhanị ẹnyi oro!

Ọpụpụ 18:1

Jẹtro, hụn wụ onyẹ nchụn-ẹjan alị Midianị, hụn wụzị nẹdi nwunyẹ Mozizi nọ nwan nụ ihiẹn ile Osolobuẹ mẹni Mozizi lẹ ndị nke ẹ, ndị Izrẹlụ, lẹzi kẹ Osolobuẹ dọn wepụha ndị Izrẹlụ imẹ Ijiptu.

Ọpụpụ 18:12

Ya Jẹtro nẹdi nwunyẹ Mozizi nọ wẹhẹ anụmanụ, gi ẹ chụnyeni Chuku ẹjan w'a kpọ ọkụn lẹ ẹjan ndị ọzọ; Ẹrọnụ lẹ ndị-ichẹn Izrẹlụ ile nọ bịa d'e du nẹdi nwunyẹ Mozizi ri ihiẹn-oriri ihun Chuku.

Ọpụpụ 18:27

Ya Mozizi nọ du Jẹtro nẹdi nwunyẹ ẹ ụla, Jẹtro nọ lashi alị a.

Ọpụpụ 2:18

Ịgbagba ahụn a lụaha, Rẹwuẹlụ nẹdi wẹ nọ jụma wẹ, “Nanị k'o dọnzi kẹrẹhan ụnụ ẹnịna tannị?”

Ọpụpụ 2:21

Omẹgụ, Mozizi nọ kweri sọn okẹnnyẹ ahụn biri ebẹhụ. Ọ nọ ye ẹ nwa a okpoho wụ Zipora lụma.

Ọpụpụ 3:1

Mozizi hụ e du anụ ọgọ a wụ Jẹtro, onyẹ nchụn-ẹjan alị Midianị. Ọ nọ dumi igunrun anụ ahụn imẹ atụ, du wẹ rukwọrị Horẹbụ wụ Saịnaị, ugu Chuku.

Ọpụpụ 3:8

A bịaọlẹ m nwan d'a gbapụha wẹ ẹka ndị Ijiptu lẹzi nị m gha imẹ alị ahụn wepụha wẹ, webanhan wẹ alị rị mma, shịa ẹfọ, alị mirin-ẹran lẹ mirin-ẹnwụn rị e hu imẹ ẹ, alị hụn ndị Kenaanị, ndị Hẹti, ndị Amọ, ndị Pẹrẹzi, ndị Hivu lẹ ndị Jebusu bi nwan.

Ọpụpụ 6:4

M mẹmẹzikwọ nkwerigbama ẹgbata mmẹ lẹ wẹ, kwe wẹ nkwa nị m jẹnkọ e ye wẹ alị Kenaanị hụn wẹ bi ogẹn ahụn rịkẹ abịamabịa.

Azaya 2:3

Alị bu ọda jẹnkọ d'a rị a sị, “Bịa nị, nị ẹnyi shi ni Ugu Osolobuẹ, nị ẹnyi jẹn ni Ụlọ-nsọ Chuku Jekọpụ. O k'a kuzi ẹnyi ụzọ a, nị ẹnyi hụn ụzọ e sọn ụzọ a.” Iwu Osolobuẹ k'a gha Zayọnụ a pụha; oku Osolobuẹ k'a gha Jerusalẹm a pụha.

Jerimaya 50:5

Wẹ k'a jụma kẹ elebe kẹ ụzọ Zayọnụ rị, e dọn wẹ ihun ebẹhụ. Wẹ k'a bịa d'e we enwẹn wẹ kwachanrịnnị Osolobuẹ, kwe ẹ nkwa nị wẹ k'e fe ẹ jẹnrin ejẹn, nkwa wẹ jẹnkọlẹni d'a zọ.’

Ọgụngụn 10:28

Ẹrịra kẹ itu-ebọn ichẹn-ichẹn rị Izrẹlụ gi bulisọnmẹ.

Ọgụngụn 23:19

“Osolobuẹ ẹlẹ ịhịan hụn o gi tụ ntụ; ẹlẹ ịhịan mụ a hụn o gi rohutọ. N'o ku oku bụ o mẹn'ẹ? N'o kwe nkwa bu o mẹzun'ẹ?

Ọrụn Ndị-ozi 7:5

bụ o yen'ẹ alị ọwụlẹ imẹ ẹ — kẹ hụn handẹ kẹ amụkụ ohu; o kwe ẹ nkwa n'o jẹnkọ d'e ye ya lẹ ụmụ a ya ọsụọn'a n'o ke mụ nwa ogẹn hụ.

Ditrọnọmi 30:5

O k'e wẹhẹ ụnụ imẹ alị ahụn wụ nke ndị nẹdi ụnụ kanị, ụnụ e nwọnrinzi ẹ. O k'e mẹ ụnụ gha ihun, ba ụba, karị ndị nẹdi ụnụ kanị.

Ditrọnọmi 4:40

Dọnmẹ ni uhi ẹ, e mẹ ihiẹn ọ sị ụnụ mẹ hụn m rị a gwa ụnụ tannị, n'ọ hụn ụzọ rịnị ụnụ lẹ ụmụ ụnụ lalanị mma lẹni ụnụ hụn ụzọ tọ imẹ alị ahụn Osolobuẹ wụ Chuku ụnụ rị e ye ụnụ nị ụnụ weriferi.

Taịtọsụ 1:2

M rị a rụn kẹni wẹ nwọnhẹn ndụn itẹbitẹ ahụn ẹnyi rị e lee ẹnya a hụn Osolobuẹ ghalẹni a tụ ntụ kwe nkwa a ẹdẹi nị ogẹn d'e bidọndẹ,

Hibru 6:18

kẹni obi ruchanrịn ẹnyi ndị gbaburun'ẹ alị kwọnkẹnmẹ olilẹnya o ye ẹnyi, makẹni Osolobuẹ e gigụọ ihiẹn ẹbụbụọ ahụn ghalẹni e gbehutọ ghọsịchanrịn nị ẹlẹ ntụ kẹ ọ rị a tụ.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.

Ndị Han Eṅẹn 1:16

Ebọn nẹdi-nwunyẹ Mozizi, onyẹ Kẹni, gha Jẹriko, Obodo-Nkụ, sọnmẹ ndị Juda d'e biri imẹ igunrun ndị bi Alị ọkpọ-nkụn Juda, imẹ Nẹgẹvụ, ẹhụ Aradị.

Ndị Han Eṅẹn 4:11

Ogẹn ahụn, Hẹba onyẹ Kẹni a ghagụọ ebe ndị Kẹni ụmụ Hobabụ ọgọ Mozizi bi pụ, weri ọdụ a d'e biri ẹhụ okẹn-osisi ahụn rị Zaananim, ẹhụ Kẹdẹshi ebẹhụ.

Samuẹlụ Nke Ibuzọ 15:6

Ọ nọ sị ndị Kẹni, “Pụ nị; pụnị nị ndị Amalẹki, amamgbe m'e tikpọ ụnụ cheni wẹ; makẹni ụnụ mẹni ndị Izrẹlụ ile ọhụnma ogẹn wẹ gi gha Ijiptu pụha.” Ya kẹ ndị Kẹni nọ pụnị ndị Amalẹki.