Ọgụngụn 10:10 - Ika

¹⁰ E gbuzikwọ nị opi ndị ahụn ogẹn ụnụ gi a ghọghọ — ogẹn mmẹmmẹ ndị ahụn wẹ kayesọnmẹ ni ụnụ lẹ mmẹmmẹ Ifọn Ọhụn; e gbu ni opi ndị ahụn ụnụ gha a chụn ẹjan ụnụ w'a dụn ọkụn lẹ ẹjan-ekele ụnụ, a wụrụ wẹ ihiẹn Chuku ụnụ e gi nyanhan ụnụ. Mmẹ wụ Osolobuẹ, Chuku ụnụ.”

Ọgụngụn 10:10 ပူးပေါင်းရင်းမြစ်များ

Ndị-nze Nke Ẹbụọ 4:23

Di ẹ nọ sị a, “K'i k'e kunrunn'ẹ tannị? Onwọnni ofufe rị ichẹn rị tannị — kẹ mmẹmmẹ ifọn-ọhụn kẹ ụhụọhịn Ezumikẹn.” Okpoho hụ nọ sị a, “Nsọngbu arịa.”

Ihiẹn Mẹni Nke Ibuzọ 15:24

Ndị nchụn-ẹjan wụ Shẹbania, Joshafatị, Natanẹlụ, Amasaị, Zẹkaraya, Bẹnaya lẹ Ẹliẹza sikọ d'a gha e gbu opi (ọdụ) ihun Ẹkpẹti Chuku. Obẹdi-Ẹdọm lẹ Jehia k'a rịzị ndị k'e che Ẹkpẹti Osolobuẹ nche.

Ihiẹn Mẹni Nke Ibuzọ 15:28

Ẹrịra kẹ ndị Izrẹlụ ile dọn bulụa Ẹkpẹti Nkwerigbama Osolobuẹ, e yi oro, e gbu opi igwe lẹ ọdụ, a kụ kpajaị (simbalụ), a kpọ ụbọ rị ichẹn-ichẹn.

Ihiẹn Mẹni Nke Ibuzọ 16:42

Hẹmanị lẹ Jedutunu kẹ igbu-opi lẹ ịkụ-kpajaị (simbalụ) lẹ ịkpọ ihiẹn-egu ndị ọzọ wẹ gi a bụ ẹbụ rị nsọ rị ẹka. Ụmụ Jedutunu nwọn iche-nche.

Ihiẹn Mẹni Nke Ẹbụọ 29:26

Ya ndị Livaị nọ wuzo ọnọdị wẹ — wẹ gisọnmẹ ihiẹn-egu Defidi ẹka; ndị nchụn-ẹjan e wuzozi, wẹ nwẹn gisọnmẹ opi.

Ihiẹn Mẹni Nke Ẹbụọ 29:28

Izrẹlụ ile rị ebẹhụ hụ a kụ isi alị, ndị ọkụ-ẹbụ hụ a bụ, ndị e gbu opi hụ e gbu. Ẹrịra kẹ wẹ mẹsọnmẹ d'e runi a chụnchanrịn wẹ ẹjan hụ w'a dụn ọkụn.

Ihiẹn Mẹni Nke Ẹbụọ 7:6

Ndị nchụn-ẹjan nọ weri ọnọdị wẹ, ndị Livaị nọ mẹzikwọ ẹrịra. Ndị Livaị gisọnmẹ ihiẹn-egu ndị hụ Defidi mẹmẹ wẹ gi a ja Osolobuẹ mma lẹ hụn wẹ kpọ ebe ọ nọ ye ekele, a sị, “Ihiẹn-ọsụsụọ a rị jẹnrin ejẹn.” Ndị nchụn-ẹjan hụ bu ihun zinmẹ ndị Livaị, e gbu opi; ndị Izrẹlụ ile wuzo ewuzo.

Ẹzra 3:10

Ogẹn ndị rị e gbedọnzi iyetọ Ụlọ-NSỌ Osolobuẹ gi gbegụ a, ndị nchụn-ẹjan nọ yiri ẹwuru nchụn-ẹjan wẹ, burusọnmẹ opi; ndị Livaị wụ ụmụ Asafụ e burusọnmẹ kpajaị (simbalụ); wẹ ile nọ werisọnmẹ ọnọdị wẹ gi a ja Osolobuẹ mma kẹ eze Izrẹlụ wụ Defidi dọn ku ogẹn mbụ.

Nehemiah 12:35

lẹzi ndị nchụn-ẹjan gi opi; uwẹ lẹ Zẹkaraya nwa Jonatanị nwa Shẹmaya nwa Matania nwa Maịkaya nwa Zakọ nwa Asafụ;

Ẹbụ-ọma 150:3

Gbu ni opi gi ja a mma; gi ni ụbọ-layẹ lẹ ụbọ mmaka ja a mma!

Ẹbụ-ọma 81:3

Gbu ni opi hụn ifọn gi pụ lẹ hụn ifọn gi shịagụ, gi kpọye mmẹmmẹ ẹnyi!

Ẹbụ-ọma 81:4

Iwu alị Izrẹlụ rọ, omẹnalị hụn Chuku Jekọpụ sị wẹ mẹsọnmẹ.

Ẹbụ-ọma 89:15

Ndị ma yi oro hụ wẹ gi e fe i e nwọnkẹ ngọzi, yụ wụ Osolobuẹ e lepụ wẹ ẹnya!

Ọpụpụ 28:29

“Ogẹn ọwụlẹ Ẹrọnụ banye Ebe rị Nsọ, o buhụ ẹfan ebọn Izrẹlụ ile elu obi ẹ, enu Ẹkpa Elu-obi ahụn, n'ọ hụn ụzọ wụrụ ihiẹn w'e gi a nyanhansọnmẹ wẹ ihun Osolobuẹ.

Ọpụpụ 30:16

Narịn ndị Izrẹlụ eghoni wẹ gi a gbarị isi, y'e gi ẹ a rụn ọrụn Ọdụ-ozuzu. O k'a wụ ihiẹn Osolobuẹ gi a nyanhan ụnụ ndị Izrẹlụ, wụrụ ihiẹn ụnụ gi gbarị isi ụnụ.”

Azaya 27:13

O ru ogẹn ahụn, okẹn opi k'a han, ndị Izrẹlụ ile hụn rị alị Asiria a la iwi lẹ ndị ile wẹ kpụnshi alị Ijiptu k'a lụa d'a nọ elu ugu nsọ hụ rị Jerusalẹm fe Osolobuẹ.

Lẹvitikọsụ 23:24

“Gwa ndị Izrẹlụ: Ụhụọhịn ibuzọ imẹ ifọn nke ẹsa jẹnkọ d'a wụrụnị ụnụ ụhụọhịn izu-ikẹn, wẹ k'e gbu opi ye ẹ; o k'a wụ ụhụọhịn izu-iko rị nsọ.

Ọgụngụn 10:9

“Ụnụ ru alị hụ ụnụ jẹnkọ d'e nwọnrin, ụnụ jẹnkọnị agha d'a lụsọn ndị-iṅẹnrẹn rị a bịangbuni ụnụ, gbu ni opi ndị hụ mgbe ohu. Osolobuẹ wụ Chuku ụnụ k'a nyanhan ụnụ, gbapụha ụnụ ẹka ndị-iṅẹnrẹn ụnụ.

Ọgụngụn 28:11

“O ru ụhụọhịn ibuzọ imẹ ifọn ọwụlẹ, ụnụ e gi okoro-efin ẹbụọ lẹ ebulu ohu lẹ ụmụ-ebulu ẹsa rịsọnmẹ ahụa ohu-ohu chụnyeni Osolobuẹ ẹjan w'a dụn ọkụn. Ẹhụ wẹ ile sikọ d'e zuchanrịn oke.

Ọgụngụn 29:1

“O ru ụhụọhịn ibuzọ imẹ ifọn nke ẹsa, ụnụ e zu ozuzu rị nsọ. Arụnlẹ ni ọrụn ụnụ ụhụọhịn ahụn. Ụhụọhịn ụnụ sikọ d'e gbu opi (ọdụn) k'ọ wụ.

Matiu 11:28

“Bịa nị d'e kunrun m, ụnụ ile ndụn gụ, bu ibu nyịnnị, m jẹnkọ d'e ye ụnụ ezumikẹn.

Ọrụn Ndị-ozi 10:4

Ya nwẹn nọ bu ẹnya tụma mmọn-ozi hụ yeni egun, sị a, “Di-nwọnni m, kị rọ?” Mmọn-ozi hụ nọ sị a, “Ekpere i lẹ ihiẹn i rị e ye ndị-igbẹnnyẹ e rugụọ elu-igwee, Osolobuẹ e gigụọ a nyanhan ị.

Ndị Kọrẹntị Ibuzọ 15:52

O k'e mẹ idẹnmizi: ozigbo-ozigbo, imẹ njụbe-ẹnya ohu, hụn wẹ gihụ gbu opi ikpanzụụn! Makẹni, hụn opi hụ gihụ han, ndị nwụnhụnnị k'e gi ẹhụ ghalẹni a nwụnhụn lihi; ẹnyi ndị rị ndụn e nwọnhutọ.

Ndị Tẹsalonika Ibuzọ 4:16

Makẹni, o ru ogẹn hụ, Di-nwọnni-ẹnyi k'e gi okẹn olu ku oku, olu onyẹ-isi ndị mmọn-ozi a han, opi Osolobuẹ a han, Di-nwọnni-ẹnyi a gha elu-igwee hidan; ndị nke Kraịstị ranhịngụnị e bu ụzọ gha ọnwụn lihi;

Ndị Tẹsalonika Ibuzọ 4:18

E gi ni nwan oku ndịnị a kasị ibe ụnụ obi.

Joshụa 4:7

Ụnụ sị wẹ nị mirin Jọdanị hubehi kẹ Ẹkpẹti-nkwerigbama Osolobuẹ banhan. Ogẹn o gi fetukọ Iyi-Jọdanị, mirin Jọdanị nọ kụsị. Ọmụma ndịnị k'a wụrụnị ndị Izrẹlụ ihiẹn-nnyanhan jẹnrin ejẹn.”

Joshụa 6:4

Sị ndị nchụn-ẹjan ẹsa burusọnmẹ opi (ọdụ) mpịn-ebulu ohu-ohu, e buruni wẹ Ẹkpẹti-nsọ ụzọ. Nke akp'ọhịn ẹsa rịn'a, ụnụ a ghahunmẹ ẹ mgbe ẹsa, ndị nchụn-ẹjan ahụn hụ e gbu opi (ọdụ) ndị ahụn.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.

Samuẹlụ Nke Ibuzọ 20:5

Defidi nọ sị a, “Lee ẹ, eki wụ Mmẹmmẹ Ifọn-ọhụn, mmẹ lẹ eze te k'e ri ihiẹn-oriri; kanị, nị m jẹn d'a warị imẹ ugbo d'e ru ẹnyasị nwẹnẹ-eki.