Ọgụngụn 1:53 - Ika

⁵³ Kanị ndị Livaị k'e zumẹsọnmẹ ọdụ nke wẹ ghahunmẹ Ọdụ Ashịa-ẹri amamgbe ọnụma Osolobuẹ e kunrun ndị Izrẹlụ. Ndị Livaị nwọn e lepụ Ọdụ Ashịa-ẹri ẹnya.”

Ọgụngụn 1:53 ပူးပေါင်းရင်းမြစ်များ

Ihiẹn Mẹni Nke Ibuzọ 23:32

Ndị Livaị nwọn e lepụ Ọdụ-ozuzu lẹ Ebẹhụ rị nsọ ẹnya; uwẹ jẹnkọ nwan d'a rị e jẹnni umunẹ wẹ wụ ụmụ Ẹrọnụ ozi nị w'a rụn ọrụn wẹ imẹ Ụlọ-nsọ Osolobuẹ.

Ihiẹn Mẹni Nke Ẹbụọ 13:10

“Nke ẹnyi, Osolobuẹ wụ Chuku ẹnyi; ẹnyi agbakitọn'a azụụn; ndị a chụnnị Osolobuẹ ẹjan ebeni wụ ụmụ Ẹrọnụ, ndị e yeni wẹ ẹka wụ ndị Livaị.

Ihiẹn Mẹni Nke Ẹbụọ 13:11

Ụtụntụn lẹ ẹnyasị wẹ hụ a chụnyeni Osolobuẹ ẹjan w'a dụn ọkụn lẹ nsẹnsi e shin ọhụnma. W'e wepụha brẹdi hụ w'e wepụhanị Osolobuẹ, e bu ẹ e che elu teburu ahụn wẹ gi ezigbo goru wẹ buchelẹni ihiẹn ọzọ mẹmẹ, a mụye ukpẹ rị obu-ukpẹ ahụn wẹ gizi ụdị goru hụ mẹmẹ ẹnyasị ile. Ẹnyi rị e mẹ ihiẹn Osolobuẹ wụ Chuku ẹnyi chọ, kanị ụnụ nwẹn a gbakitọgụọ a azụụn.

Jerimaya 23:15

Lee ni nwan ihiẹn Osolobuẹ ihiẹn ile rị okpuru ẹ ku banyeni ndị-amụma Jerusalẹm: “M k'e mẹ elu lu wẹ ilu kẹ ihiẹn-oriri e lu ilu, ye wẹ nsọngbu ra kẹ mirin wẹ buche nshi, makẹni ndị amụmanị e mẹgụọ eje-obibi ghagbarị alịnị ile.”

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Lẹvitikọsụ 10:6

Mozizi nọ sị Ẹrọnụ lẹ ụmụ Ẹrọnụ wụ Ẹliẹza lẹ Itama, “Ahapụkwọlẹ ni isi ụnụ ya-ya-ya nị ụnụ rị a kwan ndị hụ Osolobuẹ gi ọkụn dụngbu mọbụ dọka ẹkwa ụnụ, amamgbe ụnụ a nwụnhụn, ize ndị Izrẹlụ ile a ban Osolobuẹ. Kanị, umunẹ ụnụ, ikpụnọ Izrẹlụ ile, nwọn ikẹn kwan ndị hụ Osolobuẹ gi ọkụn dụngbu.

Ọgụngụn 1:50

Ka tumẹ ndị Livaị nị w'e lepụ Ọdụ Ashịa-ẹri ẹnya — ya lẹ ihiẹn ẹ ile lẹ ihiẹn ọwụlẹ ya lẹ ịya wị. Uwẹ nwọn e bu Ọdụ hụ lẹ ihiẹn ẹ ile; wẹ sikọ d'e lepụ a ẹnya, bihunmẹ ẹ.

Ọgụngụn 1:54

Ndị Izrẹlụ nọ mẹchanrịn ihiẹnni ile kẹ Osolobuẹ dọn gwa Mozizi.

Ọgụngụn 16:46

Mozizi nọ sị Ẹrọnụ, “Weri sẹnsa ị, n'i kpọn nsẹnsi ye imẹ ẹ; nọ ukpo nchụn-ẹjan bụọrị ikeke ọkụn buche imẹ ẹ, y'e buru ẹ gbaban imẹ igunrunni ozigbo d'a gbarị isi wẹ. Osolobuẹ e giọlẹ ọnụma mẹmẹ wẹ ihiẹn; ọnwụn e gbumẹgụọ wẹ.”

Ọgụngụn 16:9

Owepụha hụn Osolobuẹ wepụha ụnụ ndị Livaị imẹ ndị Izrẹlụ ile, wezụnhan ụnụ ebe ọ rị d'a rụn ọrụn imẹ Ọdụ-Osolobuẹ e hini ụnụ — hụn ahụn ụnụ e wuzo ihun ndị Izrẹlụ ile a rụnnị wẹ ọrụn wẹ gi e fe Osolobuẹ?

Ọgụngụn 17:7

Mozizi nọ kị ọkpọ ndị ahụn tọ ihun Osolobuẹ imẹ Ọdụ Ashịa-ẹri.

Ọgụngụn 2:17

Wẹ buligụ, Ọdụ-ozuzu lẹ itu ndị Livaị bun'ẹ e buli, sọnmẹ wẹ, wụrụ ndị rịchanrịn etintinnaị. Usọnrọn wẹ gi ziẹntọ kẹ wẹ k'e gi buli, itu ọwụlẹ lẹ ọnọdị a lẹ ahịma a.

Ọgụngụn 3:23

Ndị ẹbozo Gẹshọnụ nwọn e ziẹntọ ibe azụụn Ọdụ-ozuzu, ẹbamịn ọdịdan-ẹnyanwụn.

Ọgụngụn 3:29

Ndị Kohatị k'e ziẹntọ ẹkụnkụn Ọdụ-ozuzu, ẹbamịn ndịdan-mirin.

Ọgụngụn 3:35

Onyẹ-isi ikpụlọ ndị rị ebozo Mẹrari wụ Zuriẹlụ nwa Abihailu. Ndị Mẹrari sikọ d'e ziẹntọ ẹkụnkụn Ọdụ-ozuzu, ẹbamịn-ugu.

Ọgụngụn 3:38

Mozizi lẹ Ẹrọnụ lẹ ụmụ Ẹrọnụ k'e ziẹntọ ihun Ọdụ-ozuzu hụ, azụụn anwụn gha a wa. Uwẹ kẹ ọrụn ilepụnị ndị Izrẹlụ Ọdụ-nsọ ẹnya rịchanrịn ẹka. Onyẹ ọzọ buche ẹka, ọnwụn a rọ.

Ọgụngụn 31:30

Ụnụ a nọ azụụn hụn wụ nke ndị Izrẹlụ werisọnmẹ ohu-ohu imẹ iri kwasị ọgụnnaị ọwụlẹ, kẹ ịhịan kẹ efin kẹ jaki kẹ atụnrụn kẹ anụ ndị ọzọ ile. We ni hụnnị ye ndị Livaị hụn e lepụ Ọdụ Osolobuẹ ẹnya.”

Ọgụngụn 31:47

Ya Mozizi nọ mẹ kẹ Osolobuẹ dọn gwa a, gha azụụn hụn ru ndị Izrẹlụ họdụnị ẹka wepụhasọnmẹ ohu-ohu imẹ iri kwasị ọgụnnaị ọwụlẹ — kẹ ịhịan kẹ anụ, we wẹ ye ndị Livaị hụn e lepụ Ọdụ Osolobuẹ ẹnya.

Ọgụngụn 8:19

“Imẹ ndị Izrẹlụ ile, e wegụọ m ndị Livaị ye Ẹrọnụ lẹ ụmụ a, nị wẹ hụn ụzọ a rụndọnni ndị Izrẹlụ ọrụn imẹ Ọdụ-nsọ, a gbarị isi ndị Izrẹlụ — makẹ eje-nsọngbu gha a bịanị wẹ wẹ nọkunmẹ Ọdụ-ozuzu.”

Timoti Nke Ẹbụọ 4:2

e ku oku-Chuku; e ku ẹ ogẹn ile, kẹ ọnọdị rị mma kẹ ọnọdị jọ njọ; a gwapụ ịhịan njọ wẹ, a jụgbọ, a kasị obi, e gichanrịn ndidin lẹ nkuzi e mẹ ẹ.

Samuẹlụ Nke Ibuzọ 6:19

Kanị Osolobuẹ gbu ikẹnnyẹ ndị Bẹt-Shẹmẹshi iri kwasị ọgụn ẹtọ makẹni wẹ feye ẹnya imẹ Ẹkpẹti Osolobuẹ hụ. Ndị alị ahụn nọ kwan ọda-ọda yeni ẹka hụ zeni Osolobuẹ gi sọn wẹ.