Ọgụngụn 1:46 - Ika

⁴⁶ wẹ ile gba madụ iri-kwasị-ọgụnnaị lẹ nnụ-uku ẹtọ-lẹ-mkpikpi kwasị nnụ-uku ọgụn-iri-kwasị-nnụ (603,550).

Ọgụngụn 1:46 ပူးပေါင်းရင်းမြစ်များ

Jẹnẹsisi 12:2

M k'e gi i mẹmẹ okẹn alị; m k'a gọzi i; m k'e mẹ wẹ nụ ẹfan ị — kẹni ị wụrụ ngọzi.

Jẹnẹsisi 13:16

M k'e ye i ụmụ bu ọda nọkẹ ẹjan rị alị, omẹni a sa wẹ ẹka gụn ẹjan rị alị, ya wụ nị a sa wẹ ẹka gụnmarịn ụmụ ị.

Jẹnẹsisi 15:5

Ọ nọ wepụha Ebram ihun-ezi, sị a, “Lee ẹnya elu-igwere, n'ị hụn ụzọ gụn kokisẹ ndị rị elu omẹni n'ị sa ẹka gụn wẹ.” Ọ nọzị sị a, “Ẹrịra kẹ ụmụ ị k'e bu ọda.”

Jẹnẹsisi 17:6

M k'e mẹ i barahị; m k'e mẹ i wụrụ alị bu ọda; ndị-nze k'a gha imẹ i pụha.

Jẹnẹsisi 22:17

m k'a gọzi i ọhụnma-ọhụnma, mẹ ụmụ ị bu ọda nọkẹ kokisẹ rị elu-igwere lẹ ẹjan rị mkpẹnrẹn ohimin; ụmụ ị k'e mẹri ndị-iṅẹnrẹn wẹ, kị wẹ;

Jẹnẹsisi 26:3

Biri imẹ alịnị rịkẹ abịamabịa. I mẹ ẹ, m k'a nọyen'i, gọzi i — makẹni m jẹnkọ d'e we alịnị ile ye yụ lẹ ụmụ ị — m k'e mẹzu nkwa m kwe Ebraham nẹdi i.

Jẹnẹsisi 28:14

Ụmụ ị k'e bu ọda kẹ ẹjan rị alị. Ị k'a bashi ụzọ ile, kẹ ọdịdan-ẹnyanwụn kẹ ọwụwa-ẹnyanwụn kẹ ẹbamịn-ugu kẹ ẹbamịn ndịdan-mirin. Ịyụ lẹ ụmụ ị kẹ ụwa ile sikọ d'a gha nwọnrin ngọzi.

Samuẹlụ Nke Ẹbụọ 24:9

Jụabụ nọ gwa eze ole ndị ru ogo agha rị: imẹ Izrẹlụ ile wụlẹni Juda, wẹ rị madụ nnụ-uku nnụ-ẹbụọ (800,000) k'a s'ẹka gi ọpịa-agha lụ ọgụn; imẹ Juda, wẹ rị nnụ-uku ọgụn-isẹn-kwasị-nnụ (500,000).

Ndị-nze Nke Ibuzọ 4:20

Ogẹn Solomọnụ, ndị Juda lẹ ndị Izrẹlụ họdụnị e bukẹmẹkẹ ọda nọkẹ ẹjan rị mkpẹnrẹn ohimin; ihiẹn wẹ e ri lẹ ihiẹn w'a ra e jun, ẹfọ hụ a sụọ wẹ ụsụọ.

Ihiẹn Mẹni Nke Ibuzọ 21:5

Jụabụ nọ gwa Defidi ole ndị ru ogo agha rị: Imẹ Izrẹlụ ile, ndị k'a sa ẹka gi ọpịa-agha lụ agha rị mmadụ nnụ-uku ọgụn-isẹn kwasị ijẹri-uku (1,100,000); nke ndị Juda wụ madụ nnụ-uku iri-kwasị-ọgụn-ẹtọ kwasị nnụ (470,000) k'a saẹka gi ọpịa-agha lụ agha.

Ihiẹn Mẹni Nke Ẹbụọ 13:3

Abija nọ kpọnrin ndị-agha nnụ-uku nnụ (400,000) ma lụ agha shi agha. Jerobụam nkẹ nọ kpọnpụha ndị bu ọda, mmadụ nnụ-uku nnụ-ẹbụọ (800,000) ma lụ agha d'a lụ a agha.

Ọpụpụ 12:37

Ndị Izrẹlụ nọ gha Ramsisi buli, shikọ Sukọtụ. Ikorọbịa rị imẹ wẹ rị ihiẹn nọ kẹ nnụ-uku ọgụn-iri-kwasị-nnụ (600,000) — cheni ndị ọzọ.

Ọpụpụ 38:26

Akpụrụ egho bẹka ohu-ohu kẹ onyẹ-onyẹ hansọnmẹ. Bẹka ohu wụ nkirishi shẹkẹlụ — omẹni wẹ gi shẹkẹlụ Ọdụ-nsọ ma a; ịya kẹ onyẹ ọwụlẹ wẹ gụn, onyẹ ọwụlẹ ru ahụa ọgụn mọbụ karị, tụ. Ya wụnị ikẹnnyẹ han ihiẹnni rị iri-kwasị-ọgụnnaị lẹ nnụ-uku ẹtọ-lẹ-mkpikpi kwasị nnụ-uku ọgụn-iri-kwasị-nnụ (603,550).

Ọgụngụn 1:45

Ikorọbịa Izrẹlụ ile hụn rị nwa ahụa ọgụn shi elu kẹ wẹ gụn, ẹbozo-ẹbozo, ikorọbịa ile ru ogo e jẹn agha:

Ọgụngụn 11:21

Kanị Mozizi nọ sị Osolobuẹ, “Madụ nnụ-uku ọgụn-iri-kwasị-nnụ (600,000) fihunmẹ m ebeni, bụ ị sị, ‘M k'e ye wẹ anụ ri ọrọgbọ ifọn ohu gbegbegbe!’

Ọgụngụn 14:29

imẹ alị ọkpọ-nkụnnị kẹ ụnụ jẹnkọ d'a nwụntọsọnmẹ — onyẹ ọwụlẹ imẹ ụnụ hụn dẹnnwịnwịnnị nị m, hụn rị nwa ahụa ọgụn shi elu — hụn wẹ gụn ogẹn wẹ gi gụn ụnụ.

Ọgụngụn 2:32

Ndịnị ile wụ ndị Izrẹlụ wẹ gụn ikp'ụlọ-ikp'ụlọ detu. Wẹ ile rịsọnmẹ itu wẹ ndịnị gba madụ iri-kwasị-ọgụnnaị lẹ nnụ-uku ẹtọ-lẹ-mkpikpi kwasị nnụ-uku ọgụn-iri-kwasị-nnụ (603,550).

Ọgụngụn 23:10

“Onyẹ k'a s'ẹka gụngụ ẹjannị wụ ebọn Jekọpụ? Wẹ kebedẹ Izrẹlụ ụzọ ẹnọ, onyẹ k'a saẹka gụngụdẹ azụụn ohu?! “Dodo, ni m nwụndẹ kẹ ndị ezi-omumẹni! Dodo, njẹndemẹ m ya nọ kẹ nke wẹ!”

Ọgụngụn 26:51

Ikẹnnyẹ Izrẹlụ ile wẹ gụn rị iri-kwasị-ọgụn-isin kwasị nnụ-ẹnọ kwasị nnụ-uku-ọgụn-iri-kwasị-nnụ (601,730).

Ditrọnọmi 10:22

Ndị nẹdi ụnụ rịhụ madụ iri kwasị ọgụn ẹtọ sụọ kẹ wẹ shi alị Ijiptu, kanị Osolobuẹ wụ Chuku ụnụ e mẹgụọ nwan ụnụ bu ọda kẹ kokisẹ rị elu-igwere.