Ọgụngụn 1:3 - Ika

³ ikẹnnyẹ ile rị nwa ahụa ọgụn shi elu, ndị k'a s'ẹka jẹn agha, dọnmẹsọnmẹ ni wẹ itu-itu gụn wẹ, ịyụ lẹ Ẹrọnụ.

Ọgụngụn 1:3 ပူးပေါင်းရင်းမြစ်များ

Samuẹlụ Nke Ẹbụọ 24:9

Jụabụ nọ gwa eze ole ndị ru ogo agha rị: imẹ Izrẹlụ ile wụlẹni Juda, wẹ rị madụ nnụ-uku nnụ-ẹbụọ (800,000) k'a s'ẹka gi ọpịa-agha lụ ọgụn; imẹ Juda, wẹ rị nnụ-uku ọgụn-isẹn-kwasị-nnụ (500,000).

Ihiẹn Mẹni Nke Ibuzọ 5:18

Ndị Rubẹni lẹ ndị Gadị lẹ Mgbube Manasẹ nwọn mmadụ ọgụnnaị arịa nnụ mmẹbụọ kwasị nnụ-uku ọgụnnaị (44,760) ma lụ agha, ikẹnnyẹ ka ẹhụ ma bu akpaịn lẹ ọpịa-agha, ikẹnnyẹ mazị gi ụta lụ agha, ikẹnnyẹ wẹ zụn ọzụnzụn agha.

Ihiẹn Mẹni Nke Ẹbụọ 25:5

Amazia a kpọkikomẹ ndị Juda, dọnmẹsọnmẹ wẹ ikp'ụlọ-ikp'ụlọ okpuru ndị ọkị-agha uku lẹ ndị ọkị-agha nta, kẹ ebọn Juda ile kẹ ebọn Bẹnjamini; ọ gụn ikẹnnyẹ rị ahụa ọgụn shi elu, ọ nọ hụn a nị wẹ rị nnụ-uku ọgụn-mmisẹn (300,000) k'a s'ẹka lụ agha, mazị gi obo lẹ akpaịn lụ agha.

Ọpụpụ 12:17

“Mẹsọnmẹ ni Mmẹmmẹ brẹdi nwọnlẹni yisti o gi a fụ, makẹni ụhụọhịn hụ daị kẹ m gha alị Ijiptu wepụha ebọn ụnụ ile. Gi ni mmẹmmẹ ụnụ gi a nyanhan tannị họnrin iwu ụnụ k'e dọnmẹferi agbọ ụnụ ile lalanị.

Ọpụpụ 30:14

Ndị ile wẹ gụn, ndị ile ru ahụa ọgụn mọbụ karị, k'a tụnị Osolobuẹ ụtụnị.

Ọpụpụ 38:26

Akpụrụ egho bẹka ohu-ohu kẹ onyẹ-onyẹ hansọnmẹ. Bẹka ohu wụ nkirishi shẹkẹlụ — omẹni wẹ gi shẹkẹlụ Ọdụ-nsọ ma a; ịya kẹ onyẹ ọwụlẹ wẹ gụn, onyẹ ọwụlẹ ru ahụa ọgụn mọbụ karị, tụ. Ya wụnị ikẹnnyẹ han ihiẹnni rị iri-kwasị-ọgụnnaị lẹ nnụ-uku ẹtọ-lẹ-mkpikpi kwasị nnụ-uku ọgụn-iri-kwasị-nnụ (603,550).

Ọgụngụn 14:29

imẹ alị ọkpọ-nkụnnị kẹ ụnụ jẹnkọ d'a nwụntọsọnmẹ — onyẹ ọwụlẹ imẹ ụnụ hụn dẹnnwịnwịnnị nị m, hụn rị nwa ahụa ọgụn shi elu — hụn wẹ gụn ogẹn wẹ gi gụn ụnụ.

Ọgụngụn 26:2

“Gụn nị ndị Izrẹlụ ile; gụn nị wẹ ikp'ụlọ-ikp'ụlọ. Ndị ile rị ahụa ọgụn shi elu — ndị ile k'a s'ẹka jẹn agha.”

Ọgụngụn 3:15

“Gụn ndị ebọn Livaị ikp'ụlọ-ikp'ụlọ lẹ ẹbozo-ẹbozo. Gụn ikẹnnyẹ ile rị gha ifọn ohu shi elu.”

Ọgụngụn 32:11

‘Makẹni ewepụhanị wẹ obi sọnchanrịn m, onwọnni okẹnnyẹ ọwụlẹ rị nwa ahụa ọgụn shi elu hụn gha alị Ijiptu pụha hụn k'a hụn alị hụ m kun enwẹn ẹ kwe Ebraham lẹ Aziki lẹ Jekọpụ nkwa a —

Ọgụngụn 33:1

Alị ndịnị kẹ Izrẹlụ ziẹntọsọnmẹ kẹ wẹ gha alị Ijiptu pụla nọkẹ ndị-agha — okpuru Mozizi lẹ Ẹrọnụ.

Ọgụngụn 4:3

Gụn nị ikẹnnyẹ ile rị gha nwa ahụa iri kwasị ọgụn d'e ru ahụa iri kwasị ọgụnnaị, ndị ile ru hụn a rụn ọrụn imẹ Ọdụ-ozuzu.

Ditrọnọmi 24:5

Omẹni okẹnnyẹ lụ nwunyẹ nke ọhụn, e zijẹnkwọlẹ n'a agha mọbụ bu ọrụn ọzọ y'ẹ. O k'a dịnọ ụlọ ọrọgbọ ahụa, e mẹ ẹfọ a sụọ nwunyẹ ọ lụ ụsụọ.

Ditrọnọmi 3:18

M gwa ụnụ ndị Rubẹni lẹ ndị Gadị lẹ mgbube Manasẹ hụn wẹ ile wị oku ogẹn ahụn, sị, “Osolobuẹ wụ Chuku ụnụ e yegụọ ụnụ alịnị weri. Kanị ndị ile ka ẹhụ imẹ ụnụ sikọ d'e kọnrinrịrị agha, buruni umunẹ ụnụ ndị Izrẹlụ họdụnị ụzọ, wẹ fetukọnị Iyini d'e werisọnmẹ alị nke wẹ.