Nehemiah 9:8 - Ika

⁸ Ogẹn i gi hụn a n'o wegụọ obi ẹ kwan'ị, ị nọ sọn ẹ mẹmẹ nkwerigbama hụn i gi kwe ẹ nkwa n'i sikọ d'e ye ụmụ a alị ndị Kenaanị lẹ Hẹti lẹ ndị Amọ lẹ ndị Pẹrẹzi lẹ ndị Jebusu lẹ ndị Gẹgashị. Y'e mẹzugụọ nkwa ị kwe, makẹni i furu w'e gi dọn ẹnya.

Nehemiah 9:8 ပူးပေါင်းရင်းမြစ်များ

Jẹnẹsisi 12:7

Ya kẹ Osolobuẹ nọ we enwẹn ẹ ghọsị Ebram, sị, “M k'e ye nwa ị alịnị.” Ebram nọ rụnnị Osolobuẹ ukpo wẹ n'a chụn ẹjan ebahụn — Osolobuẹ hụn we enwẹn ẹ ghọsị a.

Jẹnẹsisi 15:6

Ebram nọ kweri ihiẹn Osolobuẹ gwa a, Osolobuẹ nọ gi ẹ sị ọ wụ onyẹ ezi-omumẹ.

Jẹnẹsisi 22:12

Ọ nọ sị Ebraham, “Emẹtụkwọlẹ nwa-ndu ahụn ẹka; emẹkwọl'a ihiẹn ọwụlẹ. Echẹn kẹ m marịn nị y'a tụ egun Chuku — ebe o mẹ ni y'a jụnị nị y'e yekọ m nwa ị, akpụ nwa ohu i nwọn.”

Samuẹlụ Nke Ẹbụọ 22:31

O mẹ nke Chuku, ụzọ a zuchanrịn oke; oku ọnụ Osolobuẹ enwọn ntụpọ. Akpaịn kẹ Osolobuẹ wụnị ndị ile gbagbọnin'ẹ.

Ihiẹn Mẹni Nke Ibuzọ 1:14

ya mụzị ndị Jebusu, ndị Amọ, ndị Gẹgashị,

Ihiẹn Mẹni Nke Ibuzọ 16:16

nkwa hụ o gi kwọngbama ya lẹ Ebraham, nkwa hụ o kwe Aziki, kunn'ẹ enwẹn ẹ.

Ẹzra 9:15

Heuu Osolobuẹ, Chuku Izrẹlụ, onyẹ rị ọchan k'ị wụ! Ẹnyi họdụ nwan ẹkẹrẹ sụọ tannị; ẹnyi rị nwan ihun a rịọ ị, ẹnyi lẹ njọ ẹnyi — ọsụọn'a nị onwọnni onyẹ rị imẹ furu hụn e wuzo ihun i.”

Nehemiah 9:33

Ihiẹn furuni kẹ i mẹ ebe ị nọ mẹ ẹnyi ihiẹnni ile; y'e mẹni njọ; ẹnyi mẹ njọ:

Ẹbụ-ọma 116:5

Osolobuẹ e mẹyeni ịhịan, e mẹ ihiẹn furuni; Chuku ẹnyi wụ onyẹ omikẹn.

Ọpụpụ 3:17

E kweọlẹ m nkwa nị m jẹnkọ d'e wepụha ụnụ imẹ ụya ụnụ rị e ri imẹ alị Ijiptu, we ụnụ shi alị ndị Kenaanị, ndị Hẹti, ndị Amọ, ndị Pẹrẹzi, ndị Hivu lẹ ndị Jebusu, alị mirin-ẹran lẹ mirin-ẹnwụn rị e hu.’

Ọpụpụ 3:8

A bịaọlẹ m nwan d'a gbapụha wẹ ẹka ndị Ijiptu lẹzi nị m gha imẹ alị ahụn wepụha wẹ, webanhan wẹ alị rị mma, shịa ẹfọ, alị mirin-ẹran lẹ mirin-ẹnwụn rị e hu imẹ ẹ, alị hụn ndị Kenaanị, ndị Hẹti, ndị Amọ, ndị Pẹrẹzi, ndị Hivu lẹ ndị Jebusu bi nwan.

Izikẹlụ 33:24

“Nwa-ịhịan, ndị bi obodo ndị hụ mẹ nwan mkpọkọ-mkpọkọ imẹ alị Izrẹlụ rị a sị, ‘Ebraham wụ onyẹ ohu sụọ, kanị ọ nọ saẹka nwọnrin alịnị. Ẹnyi nwẹn e bughọ nwan ọda — ya wụ nị ẹnyi k'a saẹka nwọnrin alịnị.’

Ọgụngụn 13:29

Ndị Amalẹki bi alị ọkpọ-nkụn Nẹgẹvụ hụn rị nkọ ndịdan-mirin; ndị Hẹti lẹ ndị Jebusu lẹ ndị Amọ bisọnmẹ alị ndị rị òke; ndị Kenaanị bi ẹhụ Ohimin Mẹditerenia lẹ mkpẹnrẹn Iyi Jọdanị.”

Ọgụngụn 23:19

“Osolobuẹ ẹlẹ ịhịan hụn o gi tụ ntụ; ẹlẹ ịhịan mụ a hụn o gi rohutọ. N'o ku oku bụ o mẹn'ẹ? N'o kwe nkwa bu o mẹzun'ẹ?

Ọrụn Ndị-ozi 13:22

Chuku nọ wepụ Sọlụ, webanhan Defidi n'ọ wụrụ eze wẹ. Chuku ku oku Defidi, sị, ‘A hụngụọ m'a nị Defidi nwa Jese wụ ụdị ịhịan a sụọnị m, onyẹ hụn k'e mẹchanrịn uche m.’

Ditrọnọmi 26:3

sị onyẹ nchụn-ẹjan hụn rị ọrụn ogẹn ahụn, “M rị e gi ihiẹnni m wẹhẹ tannị a gwa Osolobuẹ wụ Chuku, hụn ị rị a nọkin ẹnya a, n'e rugụọ m alị ahụn Osolobuẹ kun enwẹn ẹ kwe ndị nẹdi ẹnyi nkwa n'o k'e ye ẹnyi.”

Ditrọnọmi 32:4

Ịya wụ Ọmụma; ọrụn a zuchanrịn oke, ụzọ a ile zin ezin. Chuku furu wẹ gi e dọn ẹnya k'ọ wụ, hụn ghalẹni e mẹfie; Onyẹ rị mma lẹ Onyẹ kụrụ ọtọ k'ọ wụ.

Ditrọnọmi 7:1

Osolobuẹ wụ Chuku ụnụ webangụ ụnụ alị ahụn ụnụ bankọ d'e weri, chụpụgụnị ụnụ ndị alị bu ọda: ndị Hẹti, ndị Gẹgashị, ndị Amọ, ndị Kenaanị, ndị Pẹrẹzi, ndị Hivu lẹ ndị Jebusu, alị ẹsa ka ụnụ ọda, ka ụnụ ikẹn,

Ditrọnọmi 9:5

Ẹlẹ nị ụnụ wụ ndị ezi-omumẹ mọbụ nị ụnụ kụrụ ọtọ kẹ ụnụ gi bankọ d'e weri alị wẹ: kama, ufiri njọ ndị alị ndịnị wẹ kẹ Osolobuẹ wụ Chuku ụnụ k'e gi chụpụ wẹ, kẹn'o mẹzu ihiẹn ahụn o gi ufiri ẹ kun enwẹn ẹ kwe ndị nẹdi ụnụ kanị wụ Ebraham, Aziki lẹ Jekọpụ nkwa.

Taịtọsụ 1:2

M rị a rụn kẹni wẹ nwọnhẹn ndụn itẹbitẹ ahụn ẹnyi rị e lee ẹnya a hụn Osolobuẹ ghalẹni a tụ ntụ kwe nkwa a ẹdẹi nị ogẹn d'e bidọndẹ,

Hibru 11:17

Okukwe kẹ Ebraham gi wepụha Aziki n'o gi ẹ chụn ẹjan, ogẹn Osolobuẹ gi lele ẹ. Onyẹ nwẹn Osolobuẹ kwe nkwa ndị ahụn nọ wepụha akpụ nwa a ohu!

Hibru 6:18

kẹni obi ruchanrịn ẹnyi ndị gbaburun'ẹ alị kwọnkẹnmẹ olilẹnya o ye ẹnyi, makẹni Osolobuẹ e gigụọ ihiẹn ẹbụbụọ ahụn ghalẹni e gbehutọ ghọsịchanrịn nị ẹlẹ ntụ kẹ ọ rị a tụ.

Joshụa 11:23

Ẹrịra kẹ Joshụa dọn weri alị hụ ile, kẹ Osolobuẹ dọn gwa Mozizi; Joshụa nọ we ẹ ye ndị Izrẹlụ n'ọ wụrụ ukuu wẹ, kẹ ebọn-ebọn rịsọnmẹ. Ya alị nọ zu ikẹn agha.

Joshụa 11:3

o zijẹnzini ndị Kenaanị rị ẹbamịn ọwụwa-ẹnyanwụn lẹ ọdịdan-ẹnyanwụn; ndị Amọ, ndị Hẹti, ndị Pẹrẹzi lẹ ndị Jebusu rị elu ugu lẹ ndị Hivu rị ukun Ugu Hẹmọnụ ẹgbẹrẹ alị Mizpa.

Joshụa 23:14

“M'e d'a gha nwan ụzọ ndị ile bịa ụwa a gha. Ụnụ a marịngụọ imẹ obi ụnụ ile lẹ umẹ-ndụn ụnụ ile nị onwọnni kaka akpụ nkwa ohu mẹzulẹni imẹ nkwa-ọma ile Osolobuẹ wụ Chuku ụnụ kwe ụnụ. Nkwa ile o kwe e mẹzuchanrịngụọ; onwọnni hụn mẹzulẹni.

Joshụa 9:1

Ndị nze ile rị ẹbamịn ọdịdan-ẹnyanwụn Iyi Jọdanị a nụgụọ ihiẹn ndịnị rị e mẹni: kẹ ndị rị ugu ndị rị alị hụ kẹ ndị rị ukun ugu azụụn shikọ Ohimin kẹ alị ile rịchanrịn mkpẹnrẹn Ohimin hụ — d'e rukwọrị Lẹbanọnụ — ya wụ ndị-nze Hẹti, Amọ, Kenaanị, Pẹrẹzi, Hivu lẹ Jebusu.

Jọnụ Ibuzọ 1:9

Kanị ẹnyi kupụha njọ ẹnyi, onyẹ wẹ gi e dọn ẹnya lẹ onyẹ-ezioku k'ọ wụ, o k'a gbagharị ẹnyi njọ, chanpụchanrịn ẹnyi ihiẹn ile rịlẹni mma ẹnyi mẹ.