Nehemiah 9:5 - Ika

⁵ Ya ndị Livaị wụ Jeshụa lẹ Kad'miẹlụ lẹ Bani lẹ Hashab'neya lẹ Shẹrẹbịa lẹ Hodia lẹ Shẹbania lẹ Pẹtahia nọ hị: “Lihi ni ja Osolobuẹ wụ Chuku ụnụ mma, Onyẹ hụn nwọnlẹni mbidọn mọbụ ọgụgụ!” “Ịja-mma ya rịnị ẹfan ị hụn nwọn ọghọ; wẹ ye ẹfan ị ọghọ hụn karị ekele ile lẹ ịja-mma ile.

Nehemiah 9:5 ပူးပေါင်းရင်းမြစ်များ

Ndị-nze Nke Ibuzọ 8:14

Eze wụ Solomọnụ nọ gbehutọ, gọzi ndị Izrẹlụ ile ebẹhụ wẹ ile wuzo.

Ndị-nze Nke Ibuzọ 8:15

Ọ nọ sị: “Ọjịja-mma ya rịnị Osolobuẹ wụ Chuku Izrẹlụ, makẹni ẹka a e mẹzugụọ nkwa o gi ọnụ a kwe Defidi nẹdi m ebe ọ nọ sị,

Ndị-nze Nke Ibuzọ 8:22

Ya Solomọnụ nọ wuzo ihun ukpo nchụn-ẹjan Osolobuẹ, ihun ndị Izrẹlụ ile, kị ẹka zinmẹ elu-igwee,

Ndị-nze Nke Ibuzọ 8:27

“Kanị, nị Osolobuẹ biridẹ nwan elu ụwa ra? Elu-igwere ile, kẹ elu-igwee hụn kachanrịndẹ elu e jẹn, asakọ ẹka ru i, ọrịwụzị Ụlọ-nsọ hụnnị m tụn!

Ihiẹn Mẹni Nke Ibuzọ 16:36

Ọjịja-mma ya rịnị Osolobuẹ, Chuku Izrẹlụ jẹnrin ejẹn!! Ya ndị Izrẹlụ ile zu ebẹhụ nọ sị, “Isẹẹ!!” Ya wẹ nọ ja Osolobuẹ mma!!

Ihiẹn Mẹni Nke Ibuzọ 29:11

Ịyụ kachanrịn, ikẹn wụzịkwọ nke i; ọghọ lẹ ikpẹn lẹ mgbaye wụchanrịn nke i — makẹni ihiẹn ile rị igwere lẹ ụwa wụ nke i. Alị eze wụ nke i, Osolobuẹ; ịyụ ka ihiẹn ile.

Ihiẹn Mẹni Nke Ibuzọ 29:13

Osolobuẹ ẹnyi, ẹnyi rị nwan a kpanmịn ị, a ja ị mma makẹni y'e nwọnkẹ ẹfan.

Ihiẹn Mẹni Nke Ibuzọ 29:20

Ya kẹ Defidi nọ sị ndị Izrẹlụ ile zuni, “Ja nị Osolobuẹ wụ Chuku ọnụ mma.” Wẹ ile nọ ja Osolobuẹ wụ Chuku ndị nẹdi wẹ mma; wẹ nọ hulụa isi, yechanrịn Osolobuẹ lẹ eze ọghọ.

Ihiẹn Mẹni Nke Ẹbụọ 20:13

Ikẹnnyẹ Juda ile lẹ inyẹnmẹ wẹ lẹ ụmụ-ẹka wẹ nọ wuzo ihun Osolobuẹ ebahụn.

Ihiẹn Mẹni Nke Ẹbụọ 20:19

Ya ndị ebọn Livaị hụn wụ ndị ẹbozo Kohatị lẹ ẹbozo Kora nọ lihi ọtọ, weshikẹnmẹ olu elu ja Osolobuẹ wụ Chuku Izrẹlụ mma.

Ẹzra 3:11

Wẹ hụ a bụ ẹbụ wẹ gi a ja Osolobuẹ mma lẹ hụn wẹ gi a kpanmịn a, a sị: Ọ rịka mma: O nwọn ihiẹn-ọsụsụọ Izrẹlụ jẹnrin ejẹn. Ịhịan ile nọ yini Osolobuẹ okẹn oro ịja-mma, makẹni e gbegụọ wẹ iyetọ ụlọ Osolobuẹ.

Nehemiah 9:4

Ndị Livaị nọ turusọnmẹ elu mgbanyinrin rị ihun wẹ: Jeshụa lẹ Bani lẹ Kad'miẹlụ lẹ Shẹbania lẹ Buni lẹ Shẹrẹbịa lẹ Bani hụn ẹbọ lẹ Kenanị; wẹ hụ e gi okẹn olu a kpọku Osolobuẹ wụ Chuku wẹ.

Nehemiah 9:6

“Ịyụ sụọ wụ Osolobuẹ: Ịyụ ke elu-igwere, k'o jẹnhanlẹ elu — ya lẹ kokisẹ ile rịn'a; ịyụ kezikwọ ụwa lẹ ihiẹn ile rị imẹ ẹ lẹ ohimin ile lẹ ihiẹn ile rị imẹ wẹ. Ịyụ ye wẹ ile ndụn; ndị ile rị elu-igwee e fe i efe.

Jobu 1:21

sị: “Ọtọ kẹ m gi gha ẹfọ nnẹ m pụha, ọtọ hụ kẹ m k'e gi la. Osolobuẹ ye; Osolobuẹ e werigụọ; ọjịja-mma ya rịnị ẹfan Osolobuẹ!”

Ẹbụ-ọma 106:2

Onyẹ k'a s'ẹka kugụ okẹn-ihiẹn ile Osolobuẹ mẹ? Onyẹ k'a s'ẹka kuchanrịn ihiẹn ile w'e gi ja a mma?!

Ẹbụ-ọma 134:1

Ja nị Osolobuẹ mma, ndị idibo Osolobuẹ ile hụn turu imẹ uhinhin e fe ofufe imẹ ụnọ Osolobuẹ!

Ẹbụ-ọma 145:2

M k'a gha a ja ị mma ụhụọhịn ile, a ja ẹfan ị mma jẹnrin ejẹn.

Ẹbụ-ọma 145:5

M k'a gha e ro okẹn ọghọ ị lẹ ikpẹn i lẹ ọrụn-atụmẹnya ị.

Ẹbụ-ọma 146:2

M k'a ja Osolobuẹ mma e we m nwụn; m k'e gi ẹbụ ja Osolobuẹ m mma e we nwụn.

Ẹbụ-ọma 16:2

A gwagụọ m Osolobuẹ, “Ịyụ wụ Onyẹ-nwọnni-m; enwọn m ihiẹn ọzọ rị mma wezụka ị!”

Ẹbụ-ọma 66:2

Gi ni ẹbụ ja ẹfan a mma! Ja n'a mma ọhụnma-ọhụnma!

Ẹbụ-ọma 99:3

Wẹ jama ẹfan ị n'ọ nwọnkẹ ọghọ! Osolobuẹ wụ onyẹ w'a tụ egun ẹ; Onyẹ rị nsọ k'ọ wụ!

Ọpụpụ 15:11

“Euu Osolobuẹ, elee mmọn nọ kẹ yụ? Onyẹ nọ kẹ yụ — hụn rị nsọ pụ-ichẹn; hụn e mẹ ihiẹn a tụ egun w'a ja mma; hụn a rụn ọrụn atụmẹnya?

Ọpụpụ 15:6

“Euu, Osolobuẹ ẹka-nni i kpa ikẹn hi-ogbe. Euu, Osolobuẹ ẹka-nni i kụkpọchanrịn eṅẹnrẹn ahụn.

Daniẹlụ 2:20

sị: Ịja-mma ya rịnị ẹfan Chuku jẹnrin ejẹn; amamihiẹn lẹ ikẹn wụ nke ẹ.

Matiu 11:25

Ogẹn hụ kẹ Jizọsị gi sị, “M rị a kpanmịn ị Baba, Onyẹ nwọn elu-igwee lẹ ụwa, makẹni i zuemẹni ndị marịn ihiẹn lẹ ndị nwọn uche ihiẹn ndịnị, we wẹ ghọsị ụmụ-ndu.

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Ditrọnọmi 28:58

Omẹni ụnụ edọnrinni ẹnya sọn ihiẹn ndị rị imẹ iwuni, hụn wẹ deye imẹ ẹkụkwọnị, kẹni ụnụ gbaye Ẹfannị nwọn ọghọ, hụn w'a tụ egun ẹ, “Osolobuẹ” hụn wụ Chuku ụnụ,

Pita Ibuzọ 1:3

Ọjịja-mma ya rịnị Osolobuẹ hụn wụ Chuku lẹ Nẹdi Onyẹ-nwọnni-ẹnyi wụ Jizọs Kraịstị! O gigụọ okẹn omikẹn ẹ mụdọnzi ẹnyi, mụ ẹnyi ye imẹ olilẹnya ọhụn rị ndụn ghahanị ịgha ọnwụn weli Jizọsị.

Ndị Han Eṅẹn 13:18

Mmọn-ozi Osolobuẹ nọ sị a, “K'ị rị a jụnị m ẹfan m? Ẹfan m ẹlẹ hụn w'a ghọta.”