Nehemiah 9:34 - Ika

³⁴ kẹ ndị-nze ẹnyi kẹ ndị-isi ẹnyi kẹ ndị nchụn-ẹjan ẹnyi kẹ ndị nẹdi ẹnyi wẹ kanị edọnmẹni Iwu i; egọnni wẹ ntịn ihiẹn ị sị ẹnyi mẹ mọbụ gi ẹka-ntịn ị dọ wẹ mẹ ihiẹn ọwụlẹ,

Nehemiah 9:34 ပူးပေါင်းရင်းမြစ်များ

Ndị-nze Nke Ẹbụọ 17:13

Osolobuẹ gi ndị-amụma a ile lẹ ndị ile a hụn ụzọ o zihẹ gba Izrẹlụ Ẹbamịn ugu lẹ Juda mkpịnsịn-ẹka ẹnya, sị wẹ, “Gha nị eje-ụzọ ụnụ ghakọ pụha. Mẹmẹ ni ihiẹn m sị ọnụ mẹ lẹ uhi m yisọnmẹ — kẹ wẹ dọn rị imẹ Iwu ile m ye ndị nẹdi ụnụ dọnmẹ lẹ kẹ m dọnsọnmẹ gwa ụnụ ghahanị ọnụ ndị-idibo m ndị-amụma.”

Ndị-nze Nke Ẹbụọ 17:15

A jụ wẹ uhi ẹ lẹ Iwu o gi kwọngbama enwẹn ẹ lẹ ndị nẹdi wẹ, jụ mkpịnsịn-ẹka ọ gbasọnmẹ wẹ. E sọnmẹ wẹ mmọn-lẹ-iyi la iwi, wẹ nwẹn nọ wụrụ ihiẹn la iwi. E lerisọnmẹ wẹ alị ndị ọzọ nọhunmẹni wẹ — bụ Osolobuẹ e te sịgụọ wẹ, “Emẹkwọlẹ ni kẹ w'e mẹ.”

Ihiẹn Mẹni Nke Ẹbụọ 29:6

Ndị nẹdi ẹnyi emẹni ihiẹn Osolobuẹ sị wẹ mẹ; wẹ mẹ ihiẹn rịlẹni mma ẹnya Osolobuẹ wụ Chuku, la a tọ; wẹ bupụ ẹnya Ụlọ Osolobuẹ, gbakitọ Osolobuẹ azụụn.

Ẹzra 9:10

“Euu Chuku ẹnyi, kịnị kẹ ẹnyi k'e kuzi nwan?! Ẹnyi a gbakitọzị nwan oku i azụụn —

Nehemiah 9:30

Ị nọ gi ndidin sọn wẹ ahụa bu ọda, gi Mmọn ị dọsọnmẹ wẹ ẹka-ntịn ghahanị ndị-amụma ị. Kanị egọnni wẹ ntịn. Ya ị nọ bu wẹ che ẹka ndị alị ọzọ nọhunmẹni wẹ.

Nehemiah 9:33

Ihiẹn furuni kẹ i mẹ ebe ị nọ mẹ ẹnyi ihiẹnni ile; y'e mẹni njọ; ẹnyi mẹ njọ:

Nehemiah 9:35

Kẹ ogẹn ọkịkị alị ẹnyi gidẹ rị wẹ ẹka, ogẹn wẹ gi rị e ri ihiẹn ile i gi okẹn-ọhụnma ị ye wẹ imẹ alị hụ shịa ẹfọ i ye wẹ hụn e mẹ ihiẹn-ugbo, efedẹni wẹ i, erogharịnị wẹ latọ eje-obibi wẹ.

Jerimaya 29:19

Makẹni egini wẹ oku m dọn, oku hụn m gi idibo m wụ ndị-amụma gwa wẹ ọgụgwa-ọgụgwa. Ya kẹ Osolobuẹ ku. Ụnụ nwẹn wẹ kpụnshi alị ndị-ọzọ egizikwọnị oku m dọn. Ya kẹ Osolobuẹ ku.

Jerimaya 44:17

Ẹnyi jẹnkọ d'e mẹrịrị ihiẹn ile ẹnyi kwe mmọn nkwa: Ẹnyi k'a chụnyeni mmọn hụ wụ Eze-okpoho Elu-igwee ẹjan — mụyen'ẹ nsẹnsi, tụyen'ẹ manya, kẹ ẹnyi lẹ ndị nẹdi ẹnyi lẹ ndị-nze ẹnyi lẹ ndị-isi ẹnyi dọn mẹ imẹ obodo ndị rị alị Juda lẹ ọgbara-ogbe Jerusalẹm. Ogẹn ahụn kẹ ẹnyi gidẹ nwọn ihiẹn-oriri, ihiẹn hụ a ghanị ẹnyi, onwọnni eje-ihiẹn mẹni ẹnyi.

Jerimaya 44:4

E zisọnmẹ m idibo m wụ ndị-amụma d'a gwa ụnụ oku. Wẹ nọ gbasọnmẹ ụnụ mkpịnsịn-ẹka ẹnya, a sị ụnụ, ‘Emẹzilẹ ni arụnị e ze m ize!’

Izikẹlụ 5:6

Kanị, Jerusalẹm e nupụgụọ isi okpuru iwu m, mẹkarị alị ndị ọzọ njọ, dan iwu m karị alị ndị ile nọkunmẹn'ẹ — makẹni ndị Jerusalẹm a jụgụọ iwu ile m ye wẹ, egini wẹ wẹ bi.

Daniẹlụ 9:6

Ẹnyi egọnni idibo i ndị-amụma ntịn — ndị amụma ị, hụn gi ẹfan ị gwa ndị-nze ẹnyi lẹ ndị-isi ẹnyi lẹ ndị nẹdi ẹnyi lẹ ndị alị ẹnyi ile oku.

Ditrọnọmi 31:21

Ogẹn ihiẹn-ikẹn lẹ nsọngbu bu ọda e gi bịanị wẹ, ẹbụnị k'a shịagbu wẹ ẹri, makẹni ụmụ wẹ azọk'a. A marịnghọ m kẹ wẹ nọ, kẹ hụnnị m kelẹni weban wẹ alị hụ m kun enwẹn m kwe wẹ nkwa a.”