Nehemiah 9:32 - Ika

³² “Kikẹnni hụra, Chuku ẹnyi, Chuku hụn hi-ogbe, hụn nwọn ikẹn, hụn rị egun, hụn e nwọnsọnmẹ ihiẹn-ọsụsụọ o kwe nkwa a; dodo, elelịalẹ afụnfụnnị ile — afụnfụnnị ile bịanịnị ẹnyi lẹ ndị-nze ẹnyi lẹ ndị-isi ẹnyi lẹ ndị nchụn-ẹjan ẹnyi lẹ ndị-amụma ẹnyi lẹ ndị nẹdi ẹnyi wẹ lẹ ndị nke i ile, ghakwọrị ogẹn ndị-nze alị Asiria gi kpa ikẹn d'e ru tannị.

Nehemiah 9:32 ပူးပေါင်းရင်းမြစ်များ

Ndị-nze Nke Ibuzọ 8:23

sị: “Euu Osolobuẹ, Chuku Izrẹlụ, onwọnni Chuku nọ kẹ yụ, kẹ imẹ elu elu-igwere kẹ alị imẹ ụwa — ịyụ hụn e gisọnmẹ ihiẹn-ọsụsụọ i kwe nkwa a e sọn idibo i ndị gi obi wẹ ile e sọn ụzọ ị:

Ndị-nze Nke Ẹbụọ 15:19

Pulu eze Asiria, nọ maye alị ahụn, Menahẹm nọ bu ẹkpa siliva nnụ-uku (1,000) ye Pulu kẹni Pulu kwadọn ẹ, mẹ ọkịkị banchanrịn a ẹka.

Ndị-nze Nke Ẹbụọ 15:29

Ogẹn Pẹka gi wụ eze Izrẹlụ Ẹbamịn ugu kẹ eze Asiria — hụn wụ nwan Tiglatị-Pilesa — gizi bịa, weri obodo ndịnị wẹ: Ijọnụ lẹ Ebẹlụ-Bẹt-Maaka lẹ Janụa lẹ Kẹdẹshi lẹ Hazọ. Ọ nọzị weri Gilẹdị lẹ Galili (o weri alị Naf'tali ile rị Galili). Ọ nọ kpụnrụn ndị bini wẹ, shi alị a wụ Asiria.

Ndị-nze Nke Ẹbụọ 17:23

Osolobuẹ e we wepụ wẹ ihun ẹ, owepụ ahụn o gisọnmẹ ndị amụma ndị idibo ẹ ile gwatọ wẹ. E wepụ wẹ nwan ndị Izrẹlụ Ẹbamịn ugu alị wẹ, kpụnrụn wẹ shi Asiria, wẹ hụ nwan ebẹhụ d'e ru tannị.

Ndị-nze Nke Ẹbụọ 17:3

Shal'manẹsẹ hụn wụ eze Asiria ogẹnni nọ bunụmanị Hoshia, Hoshia lẹ Izrẹlụ nọ họnrin ihu ẹ, a tụhan'a ụtụ.

Ndị-nze Nke Ẹbụọ 17:6

Hụn mẹ ẹ ahụa itenẹi Hoshia kịma, eze Asiria nọ saẹka mẹri Sameria, ọ ban a ẹka; ọ nọ kpụnrụn ndị Izrẹlụ Ẹbamịn ugu shi Asiria. Ọ nọ mẹ wẹ birisọnmẹ imẹ Hala lẹ Gozanị rị ẹhụ Iyi Habọ lẹzi obodo ndị ọzọ rị alị ndị Mẹdịa.

Ndị-nze Nke Ẹbụọ 23:29

Kẹ Josaya rị a kị, Fẹro wụ Nẹko, eze Ijiptu, jẹn Iyi-Yufretisi d'e yeni eze Asiria ẹka lụ agha. Ya eze wụ Josaya nọ jẹn d'a maye ẹ ọgụn, Nẹko nọ sọn ẹ lụ, gbu ẹ imẹ obodo Mẹgido hụn o gihụ hụn a.

Ndị-nze Nke Ẹbụọ 25:7

Wẹ nọ nọ idẹnya Zẹdikaya gbu ụmụ a ikẹnnyẹ. Ya wẹ nọ gụpụ a akpẹnya ẹbụọ, kpọma a ẹgan igwe-bronzu, w'ẹ shi alị Babilọnụ.

Ẹzra 4:10

lẹ ndị ọzọ hụn eze uku nwọn ọghọ wụ Ashọbanipalụ (Osinapa) chụpụsọnmẹ alị wẹ, kpụnhan wẹ ebeni d'e biri obodo Sameria lẹ ụzọ ọzọ rị nfetu Iyi-Yufretisi.

Ẹzra 4:2

wẹ nọ bịa d'e kunrun Zerubabẹlụ lẹ ndị-isi ebọn ichẹn-ichẹn, sị wẹ, “Nị ẹnyi sọn ụnụ tụn a, makẹni ẹnyi nwẹn e fezikwọ Chuku ụnụ. Ẹnyi hụ a chụnyen'ẹ ẹjan kete Ẹsahadọnụ eze Asiria wẹhẹlẹ ẹnyi ebeni.”

Ẹzra 9:13

Ọsụọn'a nwan nị eje-ihiẹn ẹnyi mẹ lẹ okẹn ikpe ile manị ẹnyi e buhẹgụọnị ẹnyi nsọngbu ndịnị ile, afụnfụn yụ wụ Chuku ye ẹnyi eruni njọ ẹnyi mẹ; y'a nịdẹ nwan ẹnyi họdụhan ẹnịna.

Nehemiah 1:5

sị, “Euu Osolobuẹ, Chuku rị elu-igwee, Chuku hụn hi ogbe, hụn w'a tụ egun ẹ, hụn e gi ihiẹn-ọsụsụọ e sọn ndị ya lẹ wẹ kwerigbama, ndị ihiẹn ẹ a sụọ hụn rị e dọnmẹ iwu ẹ.

Ẹbụ-ọma 47:2

Makẹni, Osolobuẹ, Onyẹ hụn kachanrịnnị, rị egun; Eze ndị-nze k'ọ wụ elu ụwa ile.

Ẹbụ-ọma 66:3

Sị nị Chuku, “Y'a rụnka ọrụn a tụ egun! Makẹni ikẹn i e hikẹ ogbe ya haịn ndị-iṅẹnrẹn i gi a man'ị piripiri.

Ẹbụ-ọma 66:5

Bịa nị d'e lee ihiẹn Osolobuẹ rụn; ọrụn a tụ egun ọ rụnnị ịhịan!

Ọpụpụ 18:8

Mozizi nọ gwachanrịn ọgọ a ihiẹn ile Osolobuẹ gi ufiri ndị Izrẹlụ mẹ Fẹro lẹ ndị Ijiptu, gwazịkwọ a afụnfụn ile wẹ ta ụzọ lẹzi kẹ Osolobuẹ dọn zụọpụha wẹ.

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Daniẹlụ 9:4

M nọ mẹ ekpere jẹnni Osolobuẹ wụ Chuku m, e kupụha njọ ẹnyi, sị, “Dodo, Di-nwọnni-ẹnyi, Chuku uku, hụn w'a tụ egun ẹ, hụn e nwọnsọnmẹ ihiẹn-ọsụsụọ ndị ihiẹn ẹ a sụọ hụn rị e mẹ ihiẹn o ku,

Daniẹlụ 9:6

Ẹnyi egọnni idibo i ndị-amụma ntịn — ndị amụma ị, hụn gi ẹfan ị gwa ndị-nze ẹnyi lẹ ndị-isi ẹnyi lẹ ndị nẹdi ẹnyi lẹ ndị alị ẹnyi ile oku.

Daniẹlụ 9:8

Euu, Osolobuẹ, ẹnyi rị nwan e ri ụya, ẹnyi lẹ ndị-nze ẹnyi lẹ ndị-isi ẹnyi lẹ ndị nẹdi ẹnyi — makẹ njọ ẹnyi mẹ i.

Lẹvitikọsụ 26:18

“Ihiẹn ndịnị ile mẹgụ ụnụ, nị ụnụ egọnkwọnị m ntịn, m k'e yecheni ụnụ afụnfụn mmagi-mmagi ụzọ ẹsa makẹ njọ ụnụ.

Lẹvitikọsụ 26:21

“Ụnụ tọzị oku m a pa, jụ nị ụnụ egọnkọ m ntịn, m k'e mẹ afụnfụn ụnụ jọwaye njọ ụzọ ẹsa cheni hụn ụnụ rị imẹ ẹ — kẹ njọ ụnụ han.

Lẹvitikọsụ 26:24

mmẹ lẹ enwẹn m k'e bunụmanị ụnụ, ye ụnụ afụnfụn njọ ụnụ mmagi-mmagi ụzọ ẹsa.

Lẹvitikọsụ 26:28

m k'e gi olulu bunụmanị ụnụ; mmẹ lẹ enwẹn m k'e ye ụnụ afụnfụn njọ ụnụ mmagi-mmagi, ụzọ ẹsa.

Ditrọnọmi 7:12

Ụnụ gọn ntịn iwu ndị ahụn o ye ụnụ, kpachanpụ ẹnya sọn wẹ, Osolobuẹ wụ Chuku ụnụ k'e mẹ nke ẹ, gi ihiẹn-ọsụsụọ a ahụn sọn ụnụ, hụn ahụn o kun enwẹn ẹ kwe ndị nẹdi ụnụ kanị nkwa a.

Ditrọnọmi 7:13

Ihiẹn ụnụ k'a sụọ a, ọ gọzi ụnụ, mẹ ụnụ ba ụba. O k'e gi ụmụ gọzi ẹkpa-nwa ụnụ, gi ihiẹn-ugbo gọzi alị ụnụ — kẹ ọka kẹ manya ọhụn kẹ ofugbọn-olivu, gi ụmụ-efin gọzi igunrun efin ụnụ, gi ụmụ atụnrụn gọzi igunrun atụnrụn ụnụ, imẹ alị ahụn o kunni ndị nẹdi ụnụ kanị enwẹn ẹ n'o k'e ye ụnụ.

Ditrọnọmi 7:21

Atụkwọlẹ ni egun wẹ, makẹni Osolobuẹ wụ Chuku ụnụ, hụn rị imẹ igunrun ụnụ, wụ Chuku hi-ogbe, hụn e mẹ ihiẹn a tụ egun.

Ditrọnọmi 7:9

Marịn nị nwan nị Osolobuẹ wụ Chuku ụnụ wụ Chuku nke-esi; Chuku wẹ gi e dọn ẹnya k'ọ wụ: o gisọnmẹ ihiẹn-ọsụsụọ o kwe nkwa a e sọn ụmụ ndị ihiẹn ẹ a sụọ, ndị e mẹ ihiẹn o ku, o gi ẹ e sọn wẹ agbọ nnụ ole-lẹ-ole.