Nehemiah 9:30 - Ika

³⁰ Ị nọ gi ndidin sọn wẹ ahụa bu ọda, gi Mmọn ị dọsọnmẹ wẹ ẹka-ntịn ghahanị ndị-amụma ị. Kanị egọnni wẹ ntịn. Ya ị nọ bu wẹ che ẹka ndị alị ọzọ nọhunmẹni wẹ.

Nehemiah 9:30 ပူးပေါင်းရင်းမြစ်များ

Ndị-nze Nke Ẹbụọ 18:11

Eze Asiria nọ kpụn ndị Izrẹlụ shi Asiria, mẹ wẹ birisọnmẹ Hala, Gozanị rị mkpẹnrẹn Iyi-Habọ lẹ obodo ndị rịsọnmẹ alị ndị Mẹdịa.

Ndị-nze Nke Ẹbụọ 21:10

Ya Osolobuẹ nọ gha ọnụ idibo ẹ ndị-amụma a sị:

Ihiẹn Mẹni Nke Ẹbụọ 24:19

Osolobuẹ e zihẹni wẹ ndị-amụma n'o wekinhẹn wẹ, kanị, egini wẹ oku ile ndị-amụma ahụn gwa wẹ dọn.

Ẹzra 9:10

“Euu Chuku ẹnyi, kịnị kẹ ẹnyi k'e kuzi nwan?! Ẹnyi a gbakitọzị nwan oku i azụụn —

Nehemiah 9:20

Y'e yeghọ wẹ ezi Mmọn ị n'ọ kuzi wẹ; y'a jụnị nị y'e yekọ wẹ mana ị; y'e yeghọ wẹ mirin ebe ẹgụn mirin nọ gụn wẹ.

Nehemiah 9:26

“Kanị e nupụkwọnị wẹ i isi; e nu wẹ Iwu i ye ụsụọ; e gbu wẹ ndị-amụma ị hụn gwa wẹ njọ wẹ kẹni wẹ gi ẹ rogharị buruhẹz'i; e mẹsọnmẹ wẹ ihiẹn bu ọda wẹ gi kpari i.

Nehemiah 9:29

“Ị nọ gba wẹ mkpịnsịn ẹka, sị wẹ dọnmẹmẹzi Iwu i; kanị wẹ nọ mẹkarịma enwẹn wẹ, femẹn'i isi, pama iwu i tumẹsọnmẹ hụn o mẹ ni, onyẹ dọnmẹ wẹ, o gi ẹ rị ndụn. Wẹ nọ bọnmẹmẹ gbakitọ ị azụụn; bu isi-ikẹn, jụ n'e gọnkọ wẹ i ntịn.

Ẹbụ-ọma 86:15

Kanị Osolobuẹ, ị wụ Chuku omikẹn hụn e mẹyeni ịhịan, Chuku hụn ghalẹni e bukẹnrin olulu, onyẹ okẹn ihiẹn-ọsụsụọ hụn e mẹsọnmẹ hụn run'ẹ.

Ẹbụ-ọma 95:10

Ize agbọ ahụn nọ ze m ọrọgbọ ahụa ọgụnnaị, m nọ sị, “Ndịnị e nwọnkẹ obi-ẹbụọ; w'e ke marịnkwọ kẹ m'e mẹ.”

Azaya 28:10

O ku o kudọnzi, o ku o kudọnzi; a kọwa, a kọwadọnzi — ẹkẹrẹ ebeni, ẹkẹrẹ ebahụn.”

Azaya 42:24

Onyẹ wedẹ nwan Jekọpụ ye wẹ kpụnrụn? Onyẹ we Izrẹlụ ye ndị e gbu a kwarị? Ẹlẹ Osolobuẹ hụn ẹnyi mẹ njọ? Makẹni ekwerini wẹ gha ụzọ a, edọnmẹni wẹ iwu ẹ.

Azaya 48:9

Ẹfan m haịn m gi e bie d'e gi olulu mẹ i ihiẹn; achọnị m nị m wiwi ẹfan m haịn m gi e kwọndọn ọnụma m, amamgbe m'e gbupụ ị.

Azaya 63:10

Kanị wẹ nọ femẹ isi, mẹ ize zemẹ Mmọn-nsọ Osolobuẹ. Ya Osolobuẹ nọ hutọ, họnrin eṅẹnrẹn wẹ — gidẹ ẹka a bunụmanị wẹ.

Jerimaya 25:4

“Ọsụọzịkwọn'a nị Osolobuẹ e zihẹsọnmẹgụọ ndị-amụma a d'a gwa ụnụ oku, ụnụ egọnni ntịn, ụnụ achọnị nị ụnụ nụ.

Jerimaya 44:22

Makẹni Osolobuẹ asazịnị ẹka din eje-ihiẹn lẹ arụ ile ụnụ rị e mẹ haịn alị ụnụ gi nwan wụrụ ihiẹn wẹ gi a bụ ọnụ lẹ ebe gba okpokoro la iwi, alị ịhịan bizilẹni, k'o dọn rị tannị.

Jerimaya 44:4

E zisọnmẹ m idibo m wụ ndị-amụma d'a gwa ụnụ oku. Wẹ nọ gbasọnmẹ ụnụ mkpịnsịn-ẹka ẹnya, a sị ụnụ, ‘Emẹzilẹ ni arụnị e ze m ize!’

Jerimaya 44:5

Kanị ndị Jerusalẹm lẹ ndị Juda egọnni ntịn, egini wẹ dọn; akụsịnị wẹ eje-ihiẹn wẹ rị e mẹ; achụnbehini wẹ ẹjan wẹ rị a chụnnị mmọn-lẹ-iyi.

Jerimaya 7:25

Ghakwọrị ogẹn hụ ndị nẹdi ụnụ gi gha alị Ijiptu pụha d'e ru ogẹnni, m hụ e zihẹni ụnụ idibo m ndị-amụma m ụhụọhịn-ụhụọhịn, e zi wẹ e zikwasị.

Ẹkwan 2:17

Osolobuẹ e mẹgụọ ihiẹn rị a obi; o mẹọlẹ ihiẹn o ku kete-kete, o tikpọgụọ ị — o mẹni omikẹn, ọ mẹgụọ ndị-iṅẹnrẹn i mụ ị ẹmụ; o mẹgụọ mpịn ndị-iṅẹnrẹn i kẹnrẹn.

Daniẹlụ 9:6

Ẹnyi egọnni idibo i ndị-amụma ntịn — ndị amụma ị, hụn gi ẹfan ị gwa ndị-nze ẹnyi lẹ ndị-isi ẹnyi lẹ ndị nẹdi ẹnyi lẹ ndị alị ẹnyi ile oku.

Zẹkaraya 7:12

a kpọkinkẹnmẹ wẹ obi wẹ amamgbe w'a nụ Iwu lẹ oku ndị hụn Osolobuẹ ihiẹn ile rị okpuru ẹ gi Mmọn-nsọ a zihẹni wẹ ghahanị ndị-amụma mbụ. Ịya haịn Osolobuẹ ihiẹn ile rị okpuru ẹ gi gi okẹn iwe-lẹ-ọnụma tikpọ wẹ.

Zẹkaraya 7:13

Ebe o mẹni azanị wẹ m kẹ m kpọ wẹ oku, a kpọ wẹ m, m nọ jụ n'a zakọ m wẹ. Ya kẹ mmẹ wụ Osolobuẹ ihiẹn ile rị okpuru ẹ ku.

Ọgụngụn 11:26

Kanị o nwọn ikẹnnyẹ ẹbụọ ẹfan wẹ wụ Ẹdadị lẹ Mẹdadị hụn ghalẹni ebe wẹ ziẹntọ pụha d'e kunrun Mozizi. Wẹ rị ndị wẹ gụnye ndị-isi, kanị ejẹnni wẹ Ọdụ-nsọ ahụn. Kanị Mmọn hụ nọ banyezi wẹ nwẹn, wẹ nọ nọ ebe wẹ rị bumẹ amụma ozigbo-ozigbo.

Ọrụn Ndị-ozi 13:18

Ọ nọ dinchanrịn ihiẹn ile wẹ mẹ imẹ atụ ọrọgbọ ahụa ọgụnnaị.

Ọrụn Ndị-ozi 28:25

Wẹ wẹ dọkọ ndọndọ lakọ. Nị wẹ d'a lama, Pọlụ nọ ku oku ohuni: “Ezioku kẹ Mmọn-nsọ ku ogẹn o gi gwa ndị nẹdi ụnụ kanị oku ghahanị ọnụ onyẹ-amụma wụ Azaya, sị,

Ọrụn Ndị-ozi 7:51

“Ndị isi-ikẹn! Ndị kwalẹni ugun imẹ obi lẹ ntịn! Ogẹn ile kẹ ụnụ gi e gbọndọn Mmọn-nsọ, e mẹ kẹ ndị nẹdi ụnụ!

Ndị Rom 2:4

Ra ị rị e lelịa okẹn ẹfọma a lẹ nkịtịn ọ rị a gba ị lẹ ndidin ẹ? Y'a marịn nị Osolobuẹ rị e mẹni i ẹfọmanị kẹni i hụn ụzọ rogharị?

Pita Ibuzọ 1:11

a jụ enwẹn wẹ ihiẹn Mmọn Kraịstị rị imẹ wẹ rị e ku ebe ọ nọ gwatọ wẹ afụnfụn Kraịstị k'a ta lẹ ọghọ k'e sọnn'ẹ, a jụ enwẹn wẹ onyẹ ọ rị e ku lẹ ogẹn o jẹnkọ d'e gi mẹ.

Pita Nke Ẹbụọ 1:21

makẹni, onwọnni ihiẹn rị imẹ Ẹkụkwọ-nsọ gha uche ịhịan pụha. Kama, Mmọn-nsọ nu ndị kuni, wẹ nọ ku ihiẹn gha ebe Osolobuẹ rị bịa.

Pita Nke Ẹbụọ 3:9

Ẹlẹni Di-nwọnni-ẹnyi rị e bie mbie imẹzu nkwa a kẹ ndị hụ dọn a ghọha ibie-mbie; mba, o gi ndidin e sọn ụnụ. Onwọnni onyẹ ọ chọ n'ọ la iwi, kama, ọ chọkọ nị ịhịan ile rogharị.