Nehemiah 9:27 - Ika

²⁷ “Ị nọ nwan bu wẹ che ẹka ndị-iṅẹnrẹn wẹ, a bịangbu wẹ wẹ. Kanị, a bịangbumẹ wẹ wẹ, wẹ nọ kwanghọs'ị; ị nọ gha elu-igwee nụ ẹkwan wẹ, mẹ okẹn omikẹn i ye wẹ ndị zụọpụhanị wẹ.

Nehemiah 9:27 ပူးပေါင်းရင်းမြစ်များ

Ndị-nze Nke Ẹbụọ 13:5

Osolobuẹ nọ wẹhẹni ndị Izrẹlụ rị ẹbamịn-ugu onyẹ zụọpụhanị wẹ, wẹ nọ gha okpuru Aram pụ. Ya ndị Izrẹlụ nọ biri udọn-lẹ-ndọnkwa iwe wẹ kẹ wẹ dọn e bi mbụ.

Ndị-nze Nke Ẹbụọ 14:27

Ebe o mẹ ni Osolobuẹ ekuni n'o k'e finchanpụ ẹfan Izrẹlụ elu-ụwa, ya ọ nọ gi ẹka Jerobụam nke ẹbụọ, nwa Jụashị, zụọpụha wẹ.

Ndị-nze Nke Ẹbụọ 17:20

Ya kẹ Osolobuẹ nọ nwan jụ ụmụ Izrẹlụ ile; ọ nọ mẹshimẹ wẹ ikẹn, ọ nị wẹ e gbu wẹ a kwarị ihiẹn wẹ d'e ru nị ọ chụpụdẹ wẹ ihun ẹ.

Ndị-nze Nke Ẹbụọ 17:39

Kama, fe ni Osolobuẹ wụ Chuku ụnụ; ịya jẹnkọ d'a gbapụha ụnụ ẹka ndị-iṅẹnrẹn ọnụ ile.”

Ihiẹn Mẹni Nke Ẹbụọ 36:17

Osolobuẹ nọ zihẹni wẹ Nebukadineza, eze ndị Kal'di, ndị alị Babilọnụ. Nebukadineza nọ gi ọpịa-agha gbu ikorọbịa wẹ imẹ Ụlọ-nsọ kẹti-kẹti. Ọ latọnị okorọbịa, ọ latọnị nwagbọọ; ọ latọnị okẹnnyẹ-ọba, ọ latọnị ẹgẹdi. Osolobuẹ buchanrịn wẹ ile che Nebukadineza ẹka.

Nehemiah 9:19

“Makẹni y'e mẹkẹ omikẹn, y'a latọnị wẹ imẹ atụ alị-ọkpọnkụn ahụn. Orukpu hụ mawuru kẹ adansụn edubehini wẹ efinnaị ebe ọwụlẹ wẹ ghakọ, ọkụn hụ mawuru kẹ adansụn eyebehini wẹ ukpẹ imẹ uhinhin ebe ọwụlẹ wẹ ghakọ.

Ẹbụ-ọma 136:24

ọ gbapụha ẹnyi ẹka ndị-iṅẹnrẹn ẹnyi; ihiẹn-ọsụsụọ a rị jẹnrin ejẹn.

Lẹvitikọsụ 26:17

M k'e bu ẹnya zinmẹ ụnụ hụn ndị iṅẹnrẹn ụnụ e gi mẹri ụnụ; ndị rị e we iwe ụnụ k'a kị ụnụ; ụnụ k'a a gbadẹ ọsọ bụ onwọnni onyẹ chụkọnị ụnụ.

Obadaya 1:21

Ndị mgbapụha jẹnkọ e shi Ugu Zayọnụ d'a nọ a kị Ugu-Ịsọ wụ alị Ẹdọm. Ogẹn ahụn, Osolobuẹ lẹ enwẹn ẹ k'a wụ eze.

Ndị Han Eṅẹn 2:18

Ogẹn ọwụlẹ Osolobuẹ gi ye ndị Izrẹlụ onyẹ-ndu a hannị wẹ eṅẹn, o sikọ d'a nọyeni onyẹ-ndu hụ, zụọpụha wẹ ẹka ndị-iṅẹnrẹn wẹ onyẹ-ndu hụ e we nwụn, makẹni omikẹn wẹ e mẹ Osolobuẹ wẹ gha a sụn udẹn okpuru ndị rị e mẹshi wẹ ikẹn a bịangbuni wẹ.