Nehemiah 9:25 - Ika

²⁵ Wẹ nọ mẹri obodo ichẹn-ichẹn wẹ tụnhunmẹ mgbọn, weri wẹ, lẹ alị bu ọda e mẹ ihiẹn-ugbo; e werisọnmẹ wẹ ụlọ ihiẹn ichẹn-ichẹn rị mma jun lẹ ọmị ndị hụ gutọ lẹ ugbo-vaịnị rịsọnmẹ alị hụ lẹ ugbo-olivu lẹ osisi bu ọda hụn a mị mkpụrụ. E rijun wẹ ẹfọ, ẹhụ wẹ a pụha; okẹn-ọhụnma ị rị e mẹni wẹ hụ a sụọ wẹ ụsụọ ẹfọ.

Nehemiah 9:25 ပူးပေါင်းရင်းမြစ်များ

Ndị-nze Nke Ibuzọ 14:9

Y'e mẹkarịgụọ ndị ile buni i ụzọ eje-ihiẹn. Y'a kọmarịngụọ mmọn-lẹ-iyi, ihiẹn ndị wẹ gisọnmẹ igwe mẹmẹ; y'a kpasugụọ m iwe, gbakitọ m azụụn.

Ndị-nze Nke Ibuzọ 8:66

Eki e fọn, ọ nọ gbashịa wẹ. Wẹ nọ gọzi eze, lama. Ẹfọ hụ a sụọ wẹ ụsụọ, ịghọghọ e jun wẹ obi, makẹ ihiẹn-ọma ile Osolobuẹ mẹni odibo ẹ wụ Defidi lẹ ndị nke ẹ wụ Izrẹlụ.

Nehemiah 9:35

Kẹ ogẹn ọkịkị alị ẹnyi gidẹ rị wẹ ẹka, ogẹn wẹ gi rị e ri ihiẹn ile i gi okẹn-ọhụnma ị ye wẹ imẹ alị hụ shịa ẹfọ i ye wẹ hụn e mẹ ihiẹn-ugbo, efedẹni wẹ i, erogharịnị wẹ latọ eje-obibi wẹ.

Ẹbụ-ọma 105:44

O we alị ndị alị ọzọ rị ichẹn-ichẹn ye wẹ, e weri wẹ ihiẹn ndị alị ahụn rụn.

Ẹbụ-ọma 65:11

Y'e gi ihiẹn-ugbo e tu ahụa ugọn; y'e mẹ ihiẹn-ugbo e jundẹ ọkpụzọ ile;

Itẹn 30:9

Amamgbe m'e rijunmẹ ẹfọ, gbakitọ ị azụụn, sị, ‘Onyẹ wụ Osolobuẹ?’ Mọbụ a dan m ogbẹnnyẹ, zun ohin, gi ẹ budan ẹfan Chuku m.

Azaya 6:10

Kpọkin ndịnị obi; kụkin wẹ ntịn, y'e kpumẹ wẹ ẹnya. Amamgbe w'e gi ẹnya wẹ legha ụzọ, gi ntịn wẹ nụ, gi obi wẹ ghọta, hutọ, nwọnrin nzụọrị.”

Azaya 63:7

M k'e ku oku ẹfọma ile Osolobuẹ mẹ, ihiẹn ndị o mẹ hụn w'e gi ja a mma; m k'e ku ihiẹn ile Osolobuẹ mẹni ẹnyi — ẹghẹẹ, ihiẹn-ọma bu ọda o mẹni ikpụlọ Izrẹlụ, ihiẹn ndị o mẹ yeni omikẹn lẹ okẹn ẹfọma a.

Jerimaya 2:7

Mmẹ wẹhẹ ụnụ alị e mẹ ihiẹn ọda-ọda, kẹni ụnụ ri mkpụrụ a lẹ ihiẹn rị mma o mẹ. Kanị ụnụ a banhan alị m nwẹn, mẹrụ a, mẹ ukuu m họnrin ihiẹn rụnị.

Jerimaya 31:14

M k'e ye ndị nchụn-ẹjan ihiẹn ọda-ọda; ndị nke m k'e rijun ẹfọ ọhụnma-ọhụnma.” Ya kẹ Osolobuẹ ku.

Jerimaya 32:23

Wẹ nọ banhan a, weri ẹ. Kanị, egini wẹ oku i dọn, e gini wẹ Iwu i ye wẹ bi: emẹni wẹ ihiẹn ị sị wẹ e mẹ. Ị nọ nwan hu eje-ihiẹnni ile kpu wẹ.

Izikẹlụ 20:6

E kunzịghọnị m wẹ enwẹn m ụhụọhịn hụ nị m k'a gha Ijiptu wepụha wẹ, we wẹ shi alị m chọtọnị wẹ, alị hụn mirin-ẹran lẹ mirin ẹnwụn jun, e hu, alị hụn kachanrịn alị ile mma.

Daniẹlụ 11:24

Mgbe ẹhụ e gi fumẹ azụụn ndị hụn ka ọdanfịn e mẹ imẹ alị-eze hụ, o jẹn d'a maye wẹ idẹnmizi, o mẹ ihiẹn nẹdi ẹ lẹ ndị nẹdi ẹ kanị mẹlẹni, kesọnmẹni ndị sọnkọn'a ihiẹn o gbukwarị lẹ akụ-lẹ-ụba o kpọnlụa. O k'e gi izu-umẹ werisọnmẹ ebe rị ichẹn-ichẹn wẹ tụnhunmẹ mgbọn; kanị o biekọ.

Hosia 13:6

E ye m wẹ ihiẹn-oriri, ẹfọ e jun wẹ; ẹfọ e jungụ wẹ, wẹ nọ pachemẹ, zọ m.

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Ndị Rom 2:4

Ra ị rị e lelịa okẹn ẹfọma a lẹ nkịtịn ọ rị a gba ị lẹ ndidin ẹ? Y'a marịn nị Osolobuẹ rị e mẹni i ẹfọmanị kẹni i hụn ụzọ rogharị?

Ditrọnọmi 3:5

Mgbọn ndị jẹngbu enwẹn wẹ elu kẹ wẹ gi gbọnhunmẹ obodo ndịnị, gi ẹhue higbu enwẹn wẹ ogbe yikinsọnmẹ ọnụ-mgbọn wẹ, fidọnsọnmẹ wẹ; ụmụ-alị bu ọda nwọnlẹni mgbọn rịsọnmẹzi ẹ.

Ditrọnọmi 32:13

Ọ nọ mẹ ẹ sa ẹka ghasọnmẹ ebe kachanrịn elu e jẹn, gi ihiẹn rị ọfịa yejun ẹ ẹfọ. O gi mirin-ẹnwụn gha imẹ ọmụma pụha zụn a lẹ ofugbọn-olivu gha ọmụma zegbu enwẹn ẹ pụha ọmụma hụn rị ebe jọgbudẹ enwẹn ẹ,

Ditrọnọmi 32:14

wẹ lẹ mirin-ẹran anụ hụn kpụkpụrụnị lẹ mirin-ẹran anụ hụn kpụkpụrụlẹni — nke efin lẹ nke atụnrụn lẹ nke ewu; o gizi ụmụ atụnrụn lẹ ewu wẹ zụntọ lẹ ebulu Bashanị rị mma lẹ mkpụrụ ọka-witi rị mma. Ụnụ a razịghọ mirin vaịnị rị a gbọ ụfọfọ.

Ditrọnọmi 32:15

Kanị Jẹshurunu ẹ hụn wụ Izrẹlụ hụn o mẹ kụrụ ọtọ, e tutu, nupụma isi; o rijun ẹfọ, a nyịn, e dẹn. Ọ la Chuku mẹmẹn'ẹ tọ, jụ Ọmụma hụn a zụọpụhan'a tọ.