Nehemiah 9:17 - Ika

¹⁷ A jụ wẹ n'e gọnkọ wẹ ntịn, anyanhanzidẹni wẹ ọrụn-atụmẹnya ị rụnsọnmẹ imẹ igunrun wẹ; a gba wẹ isi akwanran tumẹrin ịhịan n'o dukin wẹ Ijiptu nwẹn wẹ te nọ wụ igbọn. Kanị Chuku hụn a gbagharị njọ k'ị wụ, onyẹ ẹfọma lẹ onyẹ e mẹyeni ịhịan, onyẹ ghalẹni e wekẹnrin iwe, onyẹ e nwọn ihiẹn-ọsụsụọ ọda-ọda, y'a gbakitọkwọnị wẹ azụụn —

Nehemiah 9:17 ပူးပေါင်းရင်းမြစ်များ

Ndị-nze Nke Ibuzọ 6:13

m jẹnkọ d'e biri imẹ igunrun ndị Izrẹlụ, a gbakitọkọ m ndị nke m wụ Izrẹlụ azụụn.”

Ndị-nze Nke Ibuzọ 8:57

Osolobuẹ wụ Chuku ẹnyi, ya dodo nọyeni ẹnyi k'o dọn nọyeni ndị nẹdi ẹnyi; y'a latọkwọlẹ ẹnyi mọbụ jụ ẹnyi tọ.

Ihiẹn Mẹni Nke Ẹbụọ 36:13

Ọ pazịkwọ oku eze wụ Nebukadineza hụn mẹgụ a kunn'ẹ ẹfan Osolobuẹ n'o k'e humẹn'ẹ isi. O bumẹ isi-ikẹn, kpọkin obi, n'ọ rohutọkọ mẹ uche Osolobuẹ wụ Chuku Izrẹlụ.

Ẹzra 9:9

Ọsụọn'a nị ẹnyi wụ igbọn okpuru ndị alị ọzọ, Chuku ẹnyi a lanị ẹnyi tọ ẹgbụn ẹnyi rị imẹ ẹ. O mẹgụọnị ẹnyi ọhụnma ihun ndị-nze Pẹshịa, gi wẹ mẹ ndụn banzị ẹnyi, kẹni ẹnyi tụndọnzi Ụlọ Chuku ẹnyi, tụnkinsọnmẹ ebe tikpọnị imẹ ẹ; ọ hụ e che ẹnyi nche imẹ Judia ile lẹ imẹ Jerusalẹm ebeni.

Nehemiah 9:31

K'osilẹrị, makẹni y'e mẹkẹ omikẹn, y'e gbupụnị wẹ mọbụ jụ wẹ tọgbọ, makẹni ị wụ Chuku hụn e mẹyeni ịhịan lẹ Chuku onyẹ omikẹn.

Ẹbụ-ọma 106:13

Kanị, a zọ wẹ ihiẹn o mẹ ozigbo; echerikọ wẹ nụ uche ẹ.

Ẹbụ-ọma 106:7

Ndị nẹdi ẹnyi wẹ aghọtanị ọrụn-atụmẹnya ị kẹ wẹ rị Ijiptu; anyanhannị wẹ okẹn ihiẹn-ọsụsụọ i gi sọn wẹ, wẹ nọ nupụ isi okpuru i mkpẹnrẹn Ohimin hụ, mkpẹnrẹn Ohimin Ufie, nupụ isi okpuru Onyẹ hụn Kachanrịnnị.

Ẹbụ-ọma 130:4

Kanị, y'a gbagharị njọ agbagharị, wẹ hụ e gi ufiri ẹ a gbaye i.

Ẹbụ-ọma 78:10

Edọnmẹni wẹ ihiẹn wẹ lẹ Chuku kwerigbama, ekweni wẹ gi Iwu ẹ bi.

Ẹbụ-ọma 78:11

A zọ wẹ ihiẹn ile ọ rụn lẹ ọrụn atụmẹnya ọ rụnghọsị wẹ.

Ẹbụ-ọma 78:38

Kanị, makẹni ọ wụ onyẹ-omikẹn, ọ gbagharịsọnmẹ wẹ njọ; o tikpọchanrịnnị ebọn wẹ; ọ tọ e kwọndọn enwẹn ẹ, o gichanrịnnị olulu rị a obi sọn wẹ.

Ẹbụ-ọma 86:15

Kanị Osolobuẹ, ị wụ Chuku omikẹn hụn e mẹyeni ịhịan, Chuku hụn ghalẹni e bukẹnrin olulu, onyẹ okẹn ihiẹn-ọsụsụọ hụn e mẹsọnmẹ hụn run'ẹ.

Ẹbụ-ọma 86:5

Makẹni y'a rịka mma, Osolobuẹ; y'a gbagharị njọ; y'a ghọsị ndị a kpọkun'i ihiẹn-ọsụsụọ ọda-ọda.

Ọpụpụ 32:9

“Osolobuẹ nọ sị Mozizi, ‘A hụngụọ m ndịnị: ndị isi-ikẹn kẹ wẹ wụ.

Itẹn 1:24

Kanị, makẹni ụnụ azanị kẹ m kpọ oku, makẹni onwọnni onyẹ gọn ntịn kẹ m tịnpụ ẹka ẹbụọ nị m nabanhan ụnụ,

Jerimaya 18:15

Kanị ndị nke m a zọgụọ m; wẹ hụ a mụyeni mmọn nwọnlẹni-isi nsẹnsi. O mẹgụọ wẹ kpọgburusọnmẹ, latọsọnmẹ ụzọ mbụ-mbụ hụ rị mma; o mẹ wẹ ghasọnmẹ ụzọ-ọfịa lẹ ụzọ rịlẹni mma.

Jerimaya 19:15

“Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Gọn ni ntịn! M jẹnkọ nwan d'e buhẹni obodoni lẹ mmụ alị ile fihunmẹn'ẹ nsọngbu ile m ku oku ẹ, makẹni e bugụọ wẹ isi-ikẹn, jụ n'e gọnkọ wẹ ntịn oku m.’ ”

Jerimaya 7:26

Kanị ndị mụkwasị ụnụ nkẹ egọnzikwọnị m ntịn, efeyeni wẹ oku m ẹnya. E busọnmẹ wẹ isi-ikẹn, mẹkarịdẹ ndị nẹdi wẹ eje-ihiẹn.’

Izikẹlụ 5:6

Kanị, Jerusalẹm e nupụgụọ isi okpuru iwu m, mẹkarị alị ndị ọzọ njọ, dan iwu m karị alị ndị ile nọkunmẹn'ẹ — makẹni ndị Jerusalẹm a jụgụọ iwu ile m ye wẹ, egini wẹ wẹ bi.

Daniẹlụ 9:9

Di-nwọnni-ẹnyi hụn wụ Chuku ẹnyi wụ onyẹ omikẹn lẹ onyẹ mgbagharị, ọ sụọn'a nị ẹnyi e nupụgụọ isi okpuru ẹ —

Juwẹlụ 2:13

dọwa nị obi ụnụ, ẹlẹ ẹwuru ụnụ. Kinhẹn ni ebe Osolobuẹ wụ Chuku ụnụ rị; onyẹ ẹfọma lẹ omikẹn k'ọ wụ; ara bukẹnrin olulu; o nwọn ihiẹn-ọsụsụọ ọda-ọda; ọ latọ afụnfụn o te k'e ye ịhịan alatọ.”

Lẹvitikọsụ 26:44

“K'osilẹrị, ogẹn hụ wẹ k'e gi rị alị ndị iṅẹnrẹn wẹ, ajụkọ m wẹ tọgbọ mọbụ ze ize wẹ hụn m'e gi gbupụchanrịn wẹ ile, gi ẹ tikpọ nkwerigbama mmẹ lẹ wẹ. Mmẹ wụ Osolobuẹ hụn wụ Chuku wẹ.

Nahum 1:3

Osolobuẹ ara bukẹnrin olulu, kanị o nwọnkẹkwọ ikẹn; ara hatukwọ onyẹ mẹ eje-ihiẹn. Okẹn ufere lẹ ẹbi k'o gi lala; ụkụ a e kpọn orukpu-igwere kẹ uzunzun.

Ọgụngụn 14:11

Osolobuẹ nọ sị Mozizi, “Elee mgbe kẹ ndịnị e legberibehi m? Elee mgbe kẹ wẹ k'e gimẹ oku m dọn — onwọnni ihiẹn wẹ kpọ ọrụn atụmẹnya ile m rụnghọsị wẹ imẹ igunrun wẹ?

Ọgụngụn 14:41

Kanị Mozizi nọ sị wẹ, “Kị ụnụ n'a panị nwan ihiẹn Osolobuẹ ku? Ọ ghakọkwọ!

Ọgụngụn 16:14

Y'e ke weru ẹnyi nwan alị nwẹn mirin-ẹran lẹ mirin-ẹnwụn rị e hu hụn i ku oku ẹ mọbụ ye ẹnyi ugbo lẹ alị vaịnị ndị nwẹn i ku. N'ị gụpụdẹ nwan ndịnị akp'ẹnya ra? Mba, ẹnyi abịakọ!”

Ọrụn Ndị-ozi 7:39

“Kanị ndị nẹdi ẹnyi kanị a jụ n'e humẹkọnị w'a isi; a jụ w'a ọjụjụ ụya, lakin alị Ijiptu imẹ obi wẹ,

Ndị Rom 9:15

Makẹni ọ sị Mozizi, “Onyẹ m chọ nị m mẹ omikẹn ẹ kẹ m'e mẹ omikẹn ẹ; onyẹ m chọ nị m mẹ ebere ẹ kẹ m'e mẹ ebere ẹ.”

Hibru 12:25

Hụnkwọ n'a nwan nị ụnụ enupụnị isi okpuru onyẹ hụn rị nwan e kuni. Makẹni, omẹni ndị mbụ awanahịnnị ogẹn ahụn wẹ gi nupụ isi okpuru onyẹ nọ elu-ụwanị a dọ wẹ ẹka-ntịn, nanị ẹnyi a dọn nwan wanahịn, omẹni ẹnyi e nupụ isi okpuru onyẹ hụn gha nwan elu-igwee e ku.

Samuẹlụ Nke Ibuzọ 12:22

Makẹ ufiri okẹn ẹfan Osolobuẹ, Osolobuẹ ajụtọkọ ụnụ wụ ndị nke ẹ, makẹni ọ sụọghọ a ebe ọ nọ gi ụnụ họnrin ndị nke ẹ.