Nehemiah 9:16 - Ika

¹⁶ “Kanị ndị nẹdi ẹnyi wẹ nọ mẹkarịma enwẹn wẹ, gbama isi-akwanran, e mẹni wẹ ihiẹn ị sị wẹ mẹ.

Nehemiah 9:16 ပူးပေါင်းရင်းမြစ်များ

Ndị-nze Nke Ẹbụọ 17:14

Kanị Izrẹlụ Ẹbamịn ugu lẹ Juda egọnni ntịn; e busọnmẹ wẹ isi-ikẹn nọkẹ ndị nẹdi wẹ, hụn gilẹni Osolobuẹ wụ Chuku wẹ dọn ẹnya.

Ihiẹn Mẹni Nke Ẹbụọ 29:6

Ndị nẹdi ẹnyi emẹni ihiẹn Osolobuẹ sị wẹ mẹ; wẹ mẹ ihiẹn rịlẹni mma ẹnya Osolobuẹ wụ Chuku, la a tọ; wẹ bupụ ẹnya Ụlọ Osolobuẹ, gbakitọ Osolobuẹ azụụn.

Ihiẹn Mẹni Nke Ẹbụọ 30:8

Ebukwọlẹ ni isi-ikẹn nọkẹ ndị nẹdi ụnụ; humẹni ni Osolobuẹ isi. Bịa nị Ụnọ-nsọ hụn o dọn nsọ jẹnrin ejẹn. Fe ni Osolobuẹ wụ Chuku ụnụ, kẹni olulu ọkụn ọ rị e busọn ụnụ rọ.

Ihiẹn Mẹni Nke Ẹbụọ 36:13

Ọ pazịkwọ oku eze wụ Nebukadineza hụn mẹgụ a kunn'ẹ ẹfan Osolobuẹ n'o k'e humẹn'ẹ isi. O bumẹ isi-ikẹn, kpọkin obi, n'ọ rohutọkọ mẹ uche Osolobuẹ wụ Chuku Izrẹlụ.

Nehemiah 9:10

Ị nọ rụnsọnmẹ ihiẹn bu ọda i gi ghọsị ẹka ị lẹ ọrụn atụmẹnya rị ichẹn-ichẹn, gi wẹ mẹshi Fẹro lẹ ndị-ọrụn a ile lẹ ndị alị hụ ile ikẹn, makẹni y'a marịnghọ nị uwẹ wụ ndị Ijiptu kpari ndị nẹdi ẹnyi wẹ ọda-ọda, gi ẹ mẹkarị enwẹn wẹ. Ị nọ gi ikẹn i kpa nwọnrin ẹfan d'e rukwọ tannị.

Nehemiah 9:29

“Ị nọ gba wẹ mkpịnsịn ẹka, sị wẹ dọnmẹmẹzi Iwu i; kanị wẹ nọ mẹkarịma enwẹn wẹ, femẹn'i isi, pama iwu i tumẹsọnmẹ hụn o mẹ ni, onyẹ dọnmẹ wẹ, o gi ẹ rị ndụn. Wẹ nọ bọnmẹmẹ gbakitọ ị azụụn; bu isi-ikẹn, jụ n'e gọnkọ wẹ i ntịn.

Ẹbụ-ọma 106:6

Ẹnyi lẹ ndị nẹdi ẹnyi wẹ e mẹgụọ njọ; ẹnyi e mẹgụọ ihiẹn rịlẹni mma; ẹnyi e mẹgụọ eje-ihiẹn.

Ẹbụ-ọma 81:8

Ndị nke m, gọn ni m ntịn, nị m gba ụnụ mkpịnsịn-ẹka ẹnya, omẹni ụnụ e kweri gi oku m dọn:

Ọpụpụ 15:26

sị wẹ, “Ụnụ kpachanpụ ẹnya mẹsọnmẹ ihiẹn Osolobuẹ wụ Chuku ụnụ ku, e mẹ ihiẹn rị a mma ẹnya, e mẹzu iwu ẹ lẹ uhi ẹ ile, atụkọ m ụnụ emu ọwụlẹ m tụ ndị Ijiptu; makẹni mmẹ wụ Osolobuẹ hụn a zụọ ụnụ emu.”

Ọpụpụ 32:9

“Osolobuẹ nọ sị Mozizi, ‘A hụngụọ m ndịnị: ndị isi-ikẹn kẹ wẹ wụ.

Itẹn 29:1

Onyẹ w'a jụgbọ ọjụgbọ-ọjụgbọ, ọ tọ a gba isi-akwanran, jẹnkọ d'e tikpọ idẹnmizi — hụn wẹ ghalẹni e dọnzi.

Azaya 48:18

Omẹni ụnụ te gi oku m dọn, nkẹ udọn hụ e huni ụnụ kẹ mirin iyi, nkẹ ezi-omumẹ ụnụ hụ a kpọshi elu kẹ mirin ohimin.

Azaya 48:4

Makẹni a marịnghọ m kẹ ụnụ mẹhan ndị isi-ikẹn, nị olu ụnụ wụ igwe ghalẹni a nị e gbegi; nị ezimezi ihun ụnụ ze kẹ igwe-bronzu.

Azaya 63:10

Kanị wẹ nọ femẹ isi, mẹ ize zemẹ Mmọn-nsọ Osolobuẹ. Ya Osolobuẹ nọ hutọ, họnrin eṅẹnrẹn wẹ — gidẹ ẹka a bunụmanị wẹ.

Jerimaya 19:15

“Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Gọn ni ntịn! M jẹnkọ nwan d'e buhẹni obodoni lẹ mmụ alị ile fihunmẹn'ẹ nsọngbu ile m ku oku ẹ, makẹni e bugụọ wẹ isi-ikẹn, jụ n'e gọnkọ wẹ ntịn oku m.’ ”

Jerimaya 2:31

“Ụnụ ndị agbọnị, lekwọ nị ihiẹn Osolobuẹ ku: “Ọ sị: M wụdẹ nwan atụ ẹnya Izrẹlụ ra? M wụdẹ nwan alị gbagbu enwẹn ẹ ishi ẹnya a ra? Kị haịn ụnụ ndị nke m gi a sị, ‘Ẹnyi e weri nwan enwẹn ẹnyi; ẹnyi abịakọzị ebe ị rị’?

Jerimaya 7:26

Kanị ndị mụkwasị ụnụ nkẹ egọnzikwọnị m ntịn, efeyeni wẹ oku m ẹnya. E busọnmẹ wẹ isi-ikẹn, mẹkarịdẹ ndị nẹdi wẹ eje-ihiẹn.’

Izikẹlụ 5:6

Kanị, Jerusalẹm e nupụgụọ isi okpuru iwu m, mẹkarị alị ndị ọzọ njọ, dan iwu m karị alị ndị ile nọkunmẹn'ẹ — makẹni ndị Jerusalẹm a jụgụọ iwu ile m ye wẹ, egini wẹ wẹ bi.

Ọrụn Ndị-ozi 7:51

“Ndị isi-ikẹn! Ndị kwalẹni ugun imẹ obi lẹ ntịn! Ogẹn ile kẹ ụnụ gi e gbọndọn Mmọn-nsọ, e mẹ kẹ ndị nẹdi ụnụ!

Ndị Rom 2:5

Kanị, ebe ị nọ a kpọkin obi i, a jụ nị y'e rogharịkọ, ị rị e kpọn afụnfụn e cheni afụnfụn hụn wẹ jẹnkọ d'e ye i Ụhụọhịn iwe-lẹ-ọnụma, ụhụọhịn ahụn Osolobuẹ k'e gi han eṅẹn ahụn zinrinni.

Ditrọnọmi 31:27

makẹni a marịnghọ m kẹ ụnụ mẹhan ndị nnupụ-isi lẹ ndị isi-ikẹn. Ụnụ hụ e nupụnị Osolobuẹ isi ẹnịna hụnnị m rị ndụn, ọrịwụ m nwụnhụngụ!

Ditrọnọmi 32:15

Kanị Jẹshurunu ẹ hụn wụ Izrẹlụ hụn o mẹ kụrụ ọtọ, e tutu, nupụma isi; o rijun ẹfọ, a nyịn, e dẹn. Ọ la Chuku mẹmẹn'ẹ tọ, jụ Ọmụma hụn a zụọpụhan'a tọ.

Ditrọnọmi 5:29

K'o furu egun m a rịsọnmẹ wẹ nwan obi ẹnịna, e gi w'ẹ e mẹ ihiẹn ile m sị wẹ mẹ, n'ọ hụn ụzọ masịnị wẹ lẹ ụmụ wẹ jẹnrin-ejẹn.

Ditrọnọmi 9:13

Osolobuẹ nọzị sị m, “A hụngụọ m ndịnị, wẹ wụ ndị isi-ikẹn nke-esi!

Ditrọnọmi 9:27

Nyanhan idibo i wụ Ebraham, Aziki lẹ Jekọpụ. Fepụ ẹnya isi-ikẹn ndịnị lẹ eje-obibi wẹ lẹ njọ wẹ mẹ.

Ditrọnọmi 9:6

Ghọta nị nwan nị ẹlẹ nị ụnụ wụ ndị ezi-omumẹ kẹ Osolobuẹ wụ Chuku ụnụ gi rị e ye ụnụ alị ọmanị weri — kaka, ndị isi-ikẹn kẹ ụnụ wụ.

Hibru 3:13

Kama, e gi ni oku-Chuku a kasị ibe ụnụ obi ụhụọhịn-ụhụọhịn, hụnnị “tannị” ahụn wẹ ku oku ẹ imẹ Ẹkụkwọ-nsọ kelẹni ghafe, amamgbe ọ gha e nwọn onyẹ njọ dufie, mẹ ẹ kpọkin obi.

Hibru 3:15

Nọkẹ kẹ wẹ dọn ku ẹ imẹ Ẹkụkwọ-nsọ: “Ụnụ nụ olu Osolobuẹ tannị, a kpọkinkwọlẹ ni obi ụnụ, kẹ wẹ dọn mẹ ụhụọhịn hụ wẹ nupụ isi.”