Nehemiah 9:10 - Ika

¹⁰ Ị nọ rụnsọnmẹ ihiẹn bu ọda i gi ghọsị ẹka ị lẹ ọrụn atụmẹnya rị ichẹn-ichẹn, gi wẹ mẹshi Fẹro lẹ ndị-ọrụn a ile lẹ ndị alị hụ ile ikẹn, makẹni y'a marịnghọ nị uwẹ wụ ndị Ijiptu kpari ndị nẹdi ẹnyi wẹ ọda-ọda, gi ẹ mẹkarị enwẹn wẹ. Ị nọ gi ikẹn i kpa nwọnrin ẹfan d'e rukwọ tannị.

Nehemiah 9:10 ပူးပေါင်းရင်းမြစ်များ

Nehemiah 9:16

“Kanị ndị nẹdi ẹnyi wẹ nọ mẹkarịma enwẹn wẹ, gbama isi-akwanran, e mẹni wẹ ihiẹn ị sị wẹ mẹ.

Nehemiah 9:29

“Ị nọ gba wẹ mkpịnsịn ẹka, sị wẹ dọnmẹmẹzi Iwu i; kanị wẹ nọ mẹkarịma enwẹn wẹ, femẹn'i isi, pama iwu i tumẹsọnmẹ hụn o mẹ ni, onyẹ dọnmẹ wẹ, o gi ẹ rị ndụn. Wẹ nọ bọnmẹmẹ gbakitọ ị azụụn; bu isi-ikẹn, jụ n'e gọnkọ wẹ i ntịn.

Ẹbụ-ọma 83:18

Mẹ wẹ marịn nị ịyụ sụọ, hụn ẹfan a wụ Osolobuẹ, wụ Onyẹ hụn Kachanrịnnị imẹ ụwa ile.

Ọpụpụ 18:11

A marịngụọ m nwan nị Osolobuẹ ka mmọn ile w'e fe efee, makẹni imẹ ihiẹn ndị ahụn te rị e bu wẹ isi k'ọ nọ nwan karị wẹ ẹka.”

Ọpụpụ 3:20

Ya wụ, m jẹnkọ d'a kpachanpụ ẹnya mẹshi ndị Ijiptu ikẹn ghahanị ihiẹn ile a tụ ẹnya m k'e mẹ imẹ igunrun wẹ. M mẹgụ a, Fẹro k'a chụpụdẹ ụnụ achụpụ.

Ọpụpụ 5:2

Eze nọ sị, “Onyẹ wụ Osolobuẹ hụ, hụn m'e gi gọn ẹ ntịn hatu Izrẹlụ? Amarịn m Osolobuẹ; ahatukọ m Izrẹlụ.”

Ọpụpụ 7:1

Ya kẹ Osolobuẹ nọ sị Mozizi, “Lee ẹ, e mẹgụọ m'ị nọ kẹ Osolobuẹ ebe eze wụ Fẹro rị — Ẹrọnụ nwẹnẹ i a wụrụ ọnụ ị, nọkẹ onyẹ-amụma.

Ọpụpụ 9:16

Kanị, ihiẹn m gi hatu i ye wụ ọnwan: kẹni m ghọsị ị ikẹn m lẹni ẹfan m kpọgbarị ụwa ile.

Azaya 42:20

Y'a hụngụọ ihiẹn bu ọda, kanị y'e gini wẹ dọn; ntịn ị hụ oghe, kanị onwọnni ihiẹn y'a nụ.”

Azaya 63:12

Onyẹ hụn gi ẹka a hụn hi-ogbe mẹ Mozizi rụn ihiẹn ọ rụn; Onyẹ hụn kewanị wẹ mirin ohimin, kẹn'o gi ẹ nwọnrin ẹfan jẹnrin-ejẹn.

Azaya 63:14

kẹ obi e ruchanrịn efin rị alị aradan alị, ẹrịra kẹ Mmọn-nsọ Osolobuẹ dọn mẹ obi ruchanrịn wẹ alị. Ẹnịna k'i dọn du ndị nke i, kẹn'i gi ẹ nwọnrin ẹfan w'a gbaye ọda-ọda.

Jerimaya 32:20

Ịyụ rụnsọnmẹ okẹn ọrụn atụmẹnya imẹ alị Ijiptu, rụnsọnmẹ wẹ d'e ru tannị, kẹ imẹ alị Izrẹlụ kẹ elu ụwa ile — hụn ẹfan ị gikwọ nwan rị a kpọ d'e ru tannị.

Izikẹlụ 20:9

Kanị emẹni m'ẹ makẹ ufiri ẹfan m, amamgbe m'e budan ẹfan m ẹnya alị ndị hụ wẹ bi imẹ igunrun wẹ, alị ndị hụ m nọ idẹnya wẹ ghọsị ndị Izrẹlụ enwẹn m ghahanị iwepụha wẹ imẹ alị Ijiptu.

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Daniẹlụ 5:23

Ị nọ bushimẹdẹ enwẹn i elu ebe Onyẹ nwọn elu-igwee rị, sị wẹ kịhanị ị mkpu ndị wẹ weri imẹ Ụlọ-nsọ a, ịyụ lẹ ndị-isi lẹ inyẹnmẹ i lẹ ndị mgba ị nọ gi wẹ ra manya; ị nọ jama mmọn ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma — mmọn ndị hụn ghalẹni e legha ụzọ mọbụ a nụ ihiẹn mọbụ a ghọta ihiẹn. Bụ y'e yeni Chuku ọghọ — Chuku, hụn gi ndụn ị lẹ ọpụpụ ị lẹ ọbanhan i.

Daniẹlụ 9:15

“Dodo nwan, Di-nwọnni-ẹnyi wụ Chuku ẹnyi, hụn gi ikẹn hi-ogbe gha Ijiptu wepụha ndị nke i, gi ẹ nwọnrin ẹfan d'e ru tannị, ẹnyi e mẹọlẹ njọ, ẹnyi e mẹọlẹ ihiẹn jọgbu enwẹn ẹ.

Ọrụn Ndị-ozi 7:36

Mozizi nọ gha alị Ijiptu wepụha wẹ, rụnkọ ọrụn-atụmẹnya lẹ ihiẹn-nghọsị imẹ alị Ijiptu lẹ Ohimin ufie lẹ imẹ atụ, ọrọgbọ ahụa ọgụnnaị.

Ndị Rom 9:17

Imẹ Ẹkụkwọ-nsọ, Osolobuẹ sị eze alị Ijiptu wụ Fẹro, “M wepụha ị kẹni m gi i ghọsị ikẹn m, gi ẹ mẹ ẹfan m ghagbarị ụwa ile.”

Ditrọnọmi 4:34

O nwọntughọ mmọn ọwụlẹ nwantu n'ọ gha imẹ alị ọzọ wepụhanị enwẹn ẹ ndị alị ọzọ rị alị hụ ghahanị afụnfụn o gi lele wẹ, ihiẹn-nghọsị, ahụnlele, agha, ikẹn hi-ogbe, ịkpa-ikẹn lẹ ọrụn ndị a tụ egun — nọkẹ ndị ahụn ile Osolobuẹ wụ Chuku ụnụ mẹsọnmẹ imẹ alị Ijiptu idẹnya ụnụ?

Ditrọnọmi 7:19

Ụnụ e gighọ ẹnya ụnụ hụn okẹn nlele lẹ ihiẹn-nghọsị lẹ ahụnlele ndị ahụn a tụ ẹnya lẹ ẹka-ikẹn lẹ ịkpa-ikẹn hụn Osolobuẹ wụ Chuku ụnụ gi wepụha ụnụ. Ẹrịra kẹ Osolobuẹ wụ Chuku ụnụ k'e mẹzi ndị alị ndị ahụn ile ụnụ rị nwan a tụ egun wẹ.

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”