Nehemiah 8:3 - Ika

³ Ọ gụnshi ẹ elu hụn w'a nụ, gha ụzụtụntụn d'e ru ogẹn anwụn gi ru isi. O bu ihun zinmẹ igunrun hụ rị ebe ndị alị nọ e zu, ihun Ọnụ-mgbọn Mirin — idẹnya ikẹnnyẹ lẹ ikpoho lẹ ndị hụ ile a saẹka a ghọta. Ndị hụ ile gọnchanrịn ntịn Ẹkụkwọ-Iwu hụ wẹ rị a gụnnị wẹ.

Nehemiah 8:3 ပူးပေါင်းရင်းမြစ်များ

Nehemiah 10:29

Wẹ ile nọ nwan sọn umunẹ wẹ lẹ ndị-isi wẹ kun ẹfan Osolobuẹ, sị a mẹshi wẹ ikẹn omẹni emẹni wẹ ihiẹnni wẹ kwe nkwa a, ya wẹ nọ kwe nkwa nị wẹ sikọ d'e dọnmẹ Iwu Chuku hụn o gi odibo ẹ wụ Mozizi ye; nị wẹ sikọ d'e dọnrin ẹnya dọnmẹchanrịn ụmụ-iwu lẹ usọnrọn lẹ uhi Osolobuẹ Di-nwọnni ẹnyi yi.

Nehemiah 13:1

Wẹ gụn Ẹkụkwọ Mozizi ụhụọhịn hụ wẹ ha mgbọn Jerusalẹm ye ẹka Osolobuẹ, gụn a hụn ịhịan ile nụ. Wẹ nọ hụn a n'ọ sị wẹ e webanhankwọlẹ onyẹ alị Amọnụ mọbụ alị Mụabụ ọwụlẹ n'ọ wụrụ onyẹ nke Osolobuẹ,

Nehemiah 8:1

Ya wẹ ile nọ gbakikomẹ ebẹhụ ndị alị nọ e zu ihun Ọnụ-mgbọn Mirin. Wẹ nọ sị Ẹzra onyẹ-nkuzi Iwu-Mozizi ya wepụha Ẹkụkwọ Iwu-Mozizi, Iwu hụ Osolobuẹ ye ndị Izrẹlụ.

Nehemiah 8:18

Ẹzra hụ a gụn Ẹkụkwọ Iwu-Osolobuẹ ụhụọhịn-ụhụọhịn, gha ụhụọhịn ibuzọ d'e ru ụhụọhịn ikpanzụụn. Akpọhịn ẹsa kẹ wẹ mẹ mmẹmmẹ hụ. Nke akpọhịn ẹsatọ wẹ nọ zu iko rị nsọ ya lẹ ẹ wị.

Nehemiah 8:4

Elu mkpọnyin wẹ gi osisi ma hụn wẹ mẹmẹtọnị ụhụọhịn hụ kẹ onyẹ-nkuzi iwu hụ wụ Ẹzra wuzo gụn a. Ndịnị rị a ẹka-nni: Matitịa, Shẹma, Anaya, Yuria, Hil'kia lẹ Maaseya; ndị rị a ẹka-ekpẹn wụ Pẹdaya, Mishẹlụ, Mal'kija, Hashum, Hash'badana, Zẹkaraya lẹ Mẹshulam.

Nehemiah 8:5

Kẹ Ẹzra shịapụ Ẹkụkwọ hụ, ndị hụ ile hụ e legha a, makẹni ebe o wuzo jẹn elu karị ebe wẹ rị. Ogẹn o gi shịapụ a, ndị hụ ile nọ lihi ọtọ.

Makị 12:37

Defidi lẹ enwẹn ẹ kpọ a ‘Di-nwọnni m,’ nanị k'o dọn nwan wụrụ nwa Defidi?” Ọ hụ e ku, ọ hụ a sụọ igunrun hụ.

Luku 19:48

kanị, ahụnnị wẹ ụzọ mẹ ẹ, makẹni nkuzi ẹ e werigụọ igunrun ahụn ile.

Luku 8:18

E kwọnkẹnmẹkwọ nị nwan ihiẹn ụnụ rị a nụ; makẹni ndị nwọnni kẹ wẹ sikọ d'e yecheni; kalẹ, ndị nwọnlẹni, a napụdẹ wẹ wẹ hụn nta wẹ te ro nị ya kẹ wẹ nwọn.”

Ọrụn Ndị-ozi 13:15

Ndị gụn Iwu Mozizi lẹ ihiẹn ndị-amụma de a gụngụ, ndị-isi ụlọ-ofufe ahụn nọ zi ịhịan d'a jụ wẹ, “Umunẹ, omẹni ụnụ nwọn oku ụnụ k'e gi kasị ndị rị ebeni obi, ku ni nwan.”

Ọrụn Ndị-ozi 13:27

Kanị, makẹni ndị bi Jerusalẹm lẹ ndị-isi wẹ aghọtanị ihiẹnni lẹ oku ndị-amụma w'a gụn Ụhụọhịn Ezumikẹn ile, wẹ nọ gbu ẹ, oku ndị hụ nọ gha ẹka wẹ bụn.

Ọrụn Ndị-ozi 15:21

Makẹni, ndị a kuzi Iwu Mozizi arịọlẹ imẹ obodo ọwụlẹ kete-kete, gha agbọ d'e ru agbọ; wẹ hụ a gụnnị ịhịan ile ya imẹ ụlọ-ofufe ndị Ju rị obodo ichẹn-ichẹn Ụhụọhịn Ezumikẹn ile.”

Ọrụn Ndị-ozi 16:14

Okpoho ohu w'a kpọ Lidia hụ e gọn ntịn; onyẹ obodo Tịatira rọ; o re ẹkwa a ṅanrannị; o sọn ndị Ju e fe Osolobuẹ. Di-nwọnni-ẹnyi shịapụ a obi, ọ nọ gi ihiẹn Pọlụ rị e ku dọn.

Ọrụn Ndị-ozi 17:11

Ndị Ju rị Bẹrịa ka obi a shịapụ karị ndị rị Tẹsalonika. Makẹni, wẹ gichanrịn obi wẹ ile nabanhan oku Di-nwọnni-ẹnyi, e leban ẹnya Ẹkụkwọ-nsọ ụhụọhịn ile nị wẹ marịn kẹ ihiẹn ndị hụ Pọlụ ku wụ ezioku.

Ọrụn Ndị-ozi 20:11

Ya Pọlụ nọ shizi ibe-elu hụ ẹnyi nọ e zu. O bebegụ brẹdi Oriri-nsọ yegụ ẹnyi ri, ọ nọ gwabiezi wẹ oku eki e we fọn; ya kẹ ọ nọ jẹnmẹ.

Ọrụn Ndị-ozi 20:7

O ru ụhụọhịn ibuzọ imẹ izuka (hụn wụ nwan Sọnde), ogẹn ẹnyi gi nọgbama nị ẹnyi ri Oriri-nsọ, Pọlụ nọ gwama wẹ oku; ebe o mẹ ni eki fọnhụ, ọ lama, ọ nọ kusọnmẹ oku hụ d'e ru imẹ abalị.

Ọrụn Ndị-ozi 28:23

Ya wẹ nọ kaye ụhụọhịn. O ru ụhụọhịn hụ, e ruhẹ wẹ ebẹhụ ọ rị. Gha ụtụntụn d'e ru ẹnyasị ọ hụ a gwa wẹ oku Alị-eze Osolobuẹ, a kọwa, e gi Iwu Mozizi lẹ ihiẹn ndị-amụma ku a lịlịma n'o mẹ wẹ kwerini Jesu.

Ditrọnọmi 31:9

Ya Mozizi nọ detu iwuni, w'ẹ ye ndị nchụn-ẹjan, ụmụ Livaị, ndị e bu Ẹkpẹti-nkwerigbama Osolobuẹ, uwẹ lẹ ndị ichẹn Izrẹlụ ile k'o w'ẹ ye.

Ndị Tẹsalonika Ibuzọ 2:13

Ẹnyi a kpanmịnzị Chuku ogẹn ile, nị, ụnụ anabanhannị oku-Chuku ụnụ nụ ọnụ ẹnyi nọkẹ oku ịhịan, kanị nọkẹ oku-Chuku hụ ọ wụ nke-esi, hụn rị nwan a rụn ọrụn imẹ ndụn ụnụ ndị kwerini.

Joshụa 8:35

Onwọnni akpụ oku ohu Mozizi ku imẹ Iwu Joshụa gụnlẹnini igunrun Izrẹlụ ile, kẹ ikpoho kẹ ụmụ-ẹka kẹ abịamabịa ndị bi imẹ igunrun wẹ.

Rẹvẹleshọnụ 2:29

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn!

Rẹvẹleshọnụ 3:22

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn!”