Nehemiah 8:16 - Ika

¹⁶ Ya ndị Ju hụ nọ pụ, wẹ nọ wẹhẹsọnmẹ iguru lẹ agala osisi ndị hụ, gi wẹ rụnrụnsọnmẹ ọdụ ye elu-ụlọ wẹ mẹsọnmẹ aradan lẹ imẹ ezi wẹ lẹ ezi-ọgwa Ụlọ-Osolobuẹ lẹ ebe ndị alị nọ a hụn ihun Ọnụ-mgbọn Mirin lẹzi ebe ndị alị nọ e zu ẹhụ Ọnụ-mgbọn Ifrem.

Nehemiah 8:16 ပူးပေါင်းရင်းမြစ်များ

Samuẹlụ Nke Ẹbụọ 11:2

Ẹnyasị ohu, Defidi nọ gha ebe o dinẹ e zu ikẹn lihi ọtọ, ghahunmẹmẹ elu-ụlọ imẹ obi-eze ẹ. Ọ nọ gha elu ebahụn legha okpoho rị a wụ ẹhụ. Okpoho hụ ma mma ọda,

Ndị-nze Nke Ẹbụọ 14:13

Jehụashị eze Izrẹlụ nọ nwụndọn eze Juda wụ Amazia nwa Jụashị nwa Ahazia imẹ Bẹt-Shẹmẹshi. Ya kẹ Jehụashị nọ shi Jerusalẹm, kụtu mgbọn Jerusalẹm, gha Ọnụ-mgbọn Ifrem d'e ru Ọnụ-mgbọn rị Mgbugi — ihiẹn shịaru ọbụkụ ọgụn-iri kwasị nnụ.

Ihiẹn Mẹni Nke Ẹbụọ 20:5

Ya Jehoshẹfatị nọ wuzo ihun igunrun ndị Juda lẹ ndị bi Jerusalẹm, ihun-ezi wẹ rụn nke ọhụn rị Ụlọ-nsọ Osolobuẹ,

Ihiẹn Mẹni Nke Ẹbụọ 33:5

Ọ rụn ukpo wẹ nọ a chụnyeni okokisẹ lẹ ihiẹn ile rị igwere ẹjan ye imẹ ezi-ọgwa ẹbụbụọ rị Ụlọ-nsọ Osolobuẹ.

Nehemiah 12:37

E ru wẹ Ọnụ-mgbọn Isi-mirin, wẹ nọ gi mgbanyinrin Obodo Defidi nyinrin ebẹhụ mgbọn hụ nọ rị ebe jẹn elu; wẹ nọ nu obi-eze Defidi ye ụsụọ, ghafe, shi Ọnụ-mgbọn Mirin a gha hụn shi nkọ ọwụwa ẹnyanwụn.

Nehemiah 12:39

ẹnyi nọ ghafe Ọnụ-mgbọn Ifrem, Ọnụ-mgbọn Jẹshana, Ọnụ-mgbọn Azụn, Ụlọ-nche Hananẹlụ lẹ ụlọ-nche ẹnyi a kpọ Ụlọ-nche “Ọgụn-isẹn”; ẹnyi nọ jẹnsọnmẹ d'e ru Ọnụ-mgbọn Atụnrụn. Ẹnyi e ru Ọnụ-mgbọn Ndị-nche, itu-ẹbụ ẹnyi lẹ wẹ wị nọ kụsị.

Nehemiah 3:26

ya lẹ ndị e jẹn ozi Ụlọ-nsọ hụn bi elu ugu Ofẹlụ dọnzi d'e ru ebe bu ihun zinmẹ Ọnụ-mgbọn Mirin hụn rị ẹbamịn ọwụwa ẹnyanwụn lẹ ebẹhụ ụlọ-nche uku rị.

Nehemiah 8:1

Ya wẹ ile nọ gbakikomẹ ebẹhụ ndị alị nọ e zu ihun Ọnụ-mgbọn Mirin. Wẹ nọ sị Ẹzra onyẹ-nkuzi Iwu-Mozizi ya wepụha Ẹkụkwọ Iwu-Mozizi, Iwu hụ Osolobuẹ ye ndị Izrẹlụ.

Nehemiah 8:3

Ọ gụnshi ẹ elu hụn w'a nụ, gha ụzụtụntụn d'e ru ogẹn anwụn gi ru isi. O bu ihun zinmẹ igunrun hụ rị ebe ndị alị nọ e zu, ihun Ọnụ-mgbọn Mirin — idẹnya ikẹnnyẹ lẹ ikpoho lẹ ndị hụ ile a saẹka a ghọta. Ndị hụ ile gọnchanrịn ntịn Ẹkụkwọ-Iwu hụ wẹ rị a gụnnị wẹ.

Jerimaya 19:13

Ụlọ ndị rị Jerusalẹm lẹ obi-eze ndị-nze Juda jẹnkọ d'a rụ nọkẹ Tofẹtị ebeni, ụlọ ile wẹ nọ elu wẹ chụnyesọnmẹni ihiẹn ile rị igwere ẹjan nsẹnsi, nọ elu wẹ huyesọnmẹni mmọn ndị ọzọ manya.’ ”

Jerimaya 32:29

Ndị Babilọnụnị rị ụsụọ a maye obodoni ọgụn jẹnkọ nwan d'a banhan imẹ ẹ. Wẹ k'a mụ ọkụn ye ẹ, kpọ a ọkụn — ya lẹ ụlọ ndị rịn'a hụn ndị obodoni nọ elu wẹ mụye ni mmọn wụ Baalụ nsẹnsi, tụyesọnmẹni mmọn ichẹn-ichẹn manya, hụn wẹ gisọnmẹ kpasu m iwe.”

Ditrọnọmi 22:8

Ị tụn ụlọ ọhụn, gi ihiẹn gbọnhunmẹ elu ẹ, amamgbe ụlọ ị tụn e gbu ịhịan, omẹni ịhịan gha elu ẹ dan, o sehẹ ikpe-ọmụma.