Nehemiah 8:12 - Ika

¹² Omẹgụ, wẹ ile nọ nwan jẹnmẹ d'e ri ra, d'e zijẹnzikwọnị ndị ọzọ ihiẹn-oriri, d'e mẹ mmẹmmẹ ndị rị a ghọghọ ọda-ọda, makẹni wẹ ghọha oku ile wẹ kọwanị wẹ.

Nehemiah 8:12 ပူးပေါင်းရင်းမြစ်များ

Ihiẹn Mẹni Nke Ibuzọ 29:22

A nọ wẹ ihun Osolobuẹ rị, ra, ụhụọhịn ahụn, ghọghọ ọda-ọda. Ya wẹ nọ kinzi Solomọnụ nwa Defidi eze okinkin nke mgbe ẹbụọ, nọ idẹnya Osolobuẹ hukpu ẹ udẹn-ntumẹ n'ọ wụrụ onyẹ-ọkịkị, tumẹ Zadọkụ onyẹ-isi nchụn-ẹjan.

Nehemiah 8:10

Nehimaya a sị wẹ, “Jẹnmẹ ni, d'e ri ni ihiẹn-oriri rị mma; d'a ra nị ihiẹn-ọrịra sụọnị — ụnụ e zijẹnzikwọnị ndị nwọnlẹni hụn wẹ k'e ri. Tannị rị nsọ ẹnya Osolobuẹ ẹnyi; akwanlẹ ni ụya, ịghọghọ Osolobuẹ e ye k'e ye ụnụ ikẹn.”

Nehemiah 8:11

Ndị Livaị e mẹzighọ ndị hụ ile mẹ jụụ, a sị wẹ, “Gba nị nkịtịn, nị tannị rị nsọ. Akwanlẹ ni ẹkwan.”

Nehemiah 8:13

Eki e fọn, hụn mẹ akpọhịn ẹbụọ imẹ ifọn hụ, ndị-ichẹn ikpụlọ ichẹn-ichẹn lẹ ndị nchụn-ẹjan lẹ ndị Livaị nọ bịa d'e fihunmẹ onyẹ-nkuzi Iwu wụ Ẹzra kẹni wẹ mụ oku ndị rị imẹ Iwu.

Ẹsta 9:22

e gi ẹ a nyanhan ogẹn ndị Ju gi nwọnrin enwẹn wẹ ẹka ndị-iṅẹnrẹn wẹ, ifọn wẹ nọ kwanbehi ẹkwan ghọghọma, ribehi ụya, rimẹ oriri. O dejẹnni wẹ, sị w'e gi ụhụọhịn ndị hụ e ri oriri, e nwọn ẹfọ-ọsụsụọ, e bujẹnni ibe wẹ ihiẹn-oriri, e ye ndị-igbẹnnyẹ ihiẹn.

Jobu 23:12

Apatuni m oku gha a ọnụ pụha; oku-ọnụ a kadẹ m mkpa karị ihiẹn-oriri m.

Ẹbụ-ọma 119:111

Oku-ọnụ ị wụ ukuu m jẹnrin ejẹn; uwẹ e mẹ obi a sụọ m ụsụọ.

Ẹbụ-ọma 119:127

Eziẹ, iwu i ka m a sụọ karị goru, karịdẹ goru rịgbu enwẹn ẹ mma.

Ẹbụ-ọma 119:130

Wẹ kọwa oku i, ukpẹ a bịa, o mẹ ogbori a marịn ihiẹn.

Ẹbụ-ọma 119:14

Imẹ hụn i ku a sụọ m ụsụọ nọkẹ onyẹ nwọn ẹregede akụ-lẹ-ụba!

Ẹbụ-ọma 119:16

Ọdịnalị i tumẹsọnmẹni ẹnyi k'a gha a sụọ m; azọkọ m ihiẹn i ku.

Ẹbụ-ọma 119:171

Ẹbụ k'e jun m ọnụ, makẹni ị hụ a kuzi m iwu i.

Ẹbụ-ọma 119:174

M rị e che i n'ị zụọpụha m, Osolobuẹ, iwu i a sụọ m ụsụọ.

Ẹbụ-ọma 119:72

Iwu gha ị ọnụ pụha ka m mkpa karị egho, karị akpụrụ goru lẹ siliva nnụ bu ọda.

Ẹbụ-ọma 119:97

Euu, Iwu i a sụọka m! Ịya kẹ m'e ro kẹ ụhụọhịn han.

Jerimaya 15:16

K'i gwa m oku, e righọ m'a lekẹ ihiẹn-oriri, o mẹ m ghọghọ, mẹ ẹfọ sụọ m ụsụọ, makẹni ẹfan ị kẹ m'a za, Osolobuẹ, Chuku ihiẹn ile rị okpuru ẹ.

Luku 24:32

Wẹ nọ sị ibe wẹ, “Ẹhẹn! Ịya haịn obi gi rị a nụ ẹnyi ọkụn ogẹn o gi rị a gwa ẹnyi oku, a kọwanị ẹnyi Ẹkụkwọ-nsọ kẹ ẹnyi rị ụzọ!”

Ndị Rom 7:18

Makẹni, a marịnghọ m n'o nwọnni kaka akpụ ihiẹn ohu rị mma imẹ m, imẹ mmẹ wụ ịhịan-mmaka. Makẹni, m'a chọ nị m mẹ ihiẹn rị mma, kanị, m'a ra saẹka mẹ ẹ.

Rẹvẹleshọnụ 11:10

Ndị bi ụwa k'a rị a ghọghọ, e mẹ mmẹmmẹ, e yetarị ihiẹn, nị madụ ẹbụbụọ hụ a nwụnhụn, makẹni ndị oku-Chuku ẹbụọnị te bu afụnfụn tọnị ndị ile rị elu-ụwa.