Nehemiah 7:72 - Ika

⁷² Hụn ndị họdụnị ye wụ akpụrụ goru nnụ-uku ọgụn lẹ ẹkpa siliva nta nnụ-isin lẹ ẹwuru ndị nchụn-ẹjan ẹsa kwasị ọgụn-ẹtọ.

Nehemiah 7:72 ပူးပေါင်းရင်းမြစ်များ

Ndị-nze Nke Ẹbụọ 22:14

Hil'kia wụ onyẹ isi nchụn-ẹjan, Ahikam, Akịbọ, Shafanị lẹ Asaya nọ jẹn d'a gwa okpoho onyẹ amụma wụ Hul'da, nwunyẹ Shalum nwa Tikva nwa Hahasị, Hahasị hụn e lepụ ebe wẹ e dọnmẹ ẹwuru ẹnya imẹ Ụlọ-nsọ. Idumu nke Ẹbụọ rị Jerusalẹm kẹ Hul'da bi.

Ẹzra 3:1

Ogẹn o gi ru ifọn nke ẹsa, ndị Izrẹlụ e birisọnmẹgụọ obodo wẹ. Ya kẹ wẹ ile nọ zu imẹ Jerusalẹm, onwọnni onyẹ pụn'a.

Nehemiah 10:28

Ndị họdụnị — kẹ ndị nchụn-ẹjan kẹ ndị Livaị kẹ ndị e che nche ọnụ-mgbọn Ụlọ-nsọ kẹ ndị ọkụ-ẹbụ kẹ ndị e jẹn ozi Ụlọ-nsọ, uwẹ lẹ ndị ile ghagụ imẹ ndị alị ọzọ wụlẹni ndị Ju wepụ enwẹn wẹ makẹ ufiri Iwu Osolobuẹ, kẹ uwẹ kẹ inyẹnmẹ wẹ kẹ ụmụ wẹ ikẹnnyẹ lẹ ikpoho — ile marịngụ ihiẹn lẹ ndị a ghọta ihiẹn.

Nehemiah 7:71

Ndị-isi ikpụlọ ichẹn-ichẹn buche akpụrụ goru nnụ-uku ọgụn (20,000) lẹ akpụrụ siliva ọgụn-iri kwasị nnụ-uku ẹbụọ.

Nehemiah 7:73

Ẹrịra kẹ ndị nchụn-ẹjan lẹ ndị Livaị lẹ ndị e che nche ọnụ-mgbọn Ụlọ-nsọ lẹ ụfọdụ ndị-mmaka lẹ ndị ọkụ-ẹbụ lẹ ndị e jẹn ozi Ụlọ-nsọ lẹ ndị Izrẹlụ ndị ọzọ dọn lụahasọnmẹ obodo wẹ. Ifọn nke ẹsa, ndị Izrẹlụ e birigụọ obodo wẹ rị ichẹn-ichẹn,